選幼稚園的注意事項?如何為之適合自己的小朋友?

CHERRYJUMP

我想我的小朋友主要培養到良好品格....日後可以自動自覺做功課,享受學習,那我應該選擇那學校?
(1)根德園(2)崇真(3)禮賢(4)民生(5)創價(6)培正(7)宣道......
還有可以升的小學又會是那一類?大家會唔會諗到升中學?
08出世的BB有78XXX位....
我會唔會真係要報十間學校或以上.....
大家08B爸媽來講講觀察你地的小寶寶成長及選擇學校(幼稚園小學中學大學)的心得啦!

mosquito_chu

你選擇幾間都是包含唔同風格的,屬於熱門的學校,咁你事乎你想你的小朋友重那樣多d
(1)根德園是老牌傳統學校你想你的小朋友早d打好基礎是好好的選擇,品德都好好,不過要考到它都不易,通常派band1的小學
(2)崇真(3)禮賢(4)民生(7)宣道半條龍一條龍呢d是費用方面有d有學卷有d是冇,就算幼稚園方面有學卷的,上到小學呢幾間都要付學費,仲要唔平的,你呢點有冇計算在你選學校的範圍內,(2,3)唔是屬九龍塘,已經是石夾尾區,係要留意,(4)民生是品德好,但除非你or你先生公務員有津貼,小學要3000幾1個月,唔抵讀,早知半條龍一條龍都好,你冇想住俾他直上,就唔想啦,半路中途你先走返出來你的派的小學一定冇咁好
(5)創價呢幾年都好多人考的一間幼稚園活動教學,功課唔會好深,但品格方面教得好好,有學卷,派校都唔差,呢間入到去的機會更難
(6)培正又是一間老牌幼稚園,要注意呢間要足3歲先可以報k1,如果你是08的要出年,你今年冇得考嫁,要出年你想住同你的小朋友重讀k1就可以報,呢間有學卷,小學要交學費好似$1000多1個月,但是唯一唔好在是中文中學,呢間都重品得的學校
以上屬於本人選校的小心得,宜家呢個時代真是唔同哂,連找一間幼稚園都要睇好多方面...

kerkermui

原帖由 CHERRYJUMP 於 10-10-20 01:32 發表
我想我的小朋友主要培養到良好品格....日後可以自動自覺做功課,享受學習,那我應該選擇那學校?

我只想指出~
自動自覺做功課,享受學習 ~
有可能係對立嘅!

而且.. 唔單止靠學校, 家長自細俾個點樣嘅學習環境都好緊要! 如果大人唔愛學習, 視做功課為苦差, 咁小朋友去到幾好嘅學校都無用!
相反.. 如果家長愛學習, 視做功課為樂趣, 咁小朋友就自然跟你一樣!

CHERRYJUMP

超級多謝分享!!有你的意見我都要多方面的考慮.
崇真同培正是我心儀的學校,當然收的就好啦!講真如果唔收,有其他的所謂名校收,我諗我都會比個仔讀啦!對升小一都有個名比人睇下...
唔知我的諗想法對唔對?

CHERRYJUMP

""自動自覺做功課,享受學習 ~
有可能係對立嘅!""
HAHA
所以我諗到頭都大晒!!
想入傳統性質 ? 想入活動教學?
有冇D又有傳統的又有活動的?
唔通要讀兩間?
我都聽過有家長上午讀一間傳統的學校下午讀一間活動型的學校....
我覺得好似有少少過份左,小朋友會好累阿!
大家有咩意見?

sakuralee

自己都經歷過不愛看書，但要讀廿年書係一件好痛苦好痛苦的事，所以我自己就想小朋友係這三年係honeymoon，如果佢讀得開心，學校另佢樣樣有好奇心，有興趣，佢就會自動自覺學習，將會一生受用！
如果一開始只知道讀書為功課為考試，我諗無一個小朋友會愛學習！

小曳人

原帖由 CHERRYJUMP 於 10-10-20 13:57 發表
我都聽過有家長上午讀一間傳統的學校下午讀一間活動型的學校....
我覺得好似有少少過份左,小朋友會好累阿!
大家有咩意見?

傳統學校好注重紀律
活動型就多數無乜紀律
如果真係要咁返.. 我怕小朋友精神分裂~~

小曳人

原帖由 sakuralee 於 10-10-20 15:42 發表
自己都經歷過不愛看書，但要讀廿年書係一件好痛苦好痛苦的事，所以我自己就想小朋友係這三年係honeymoon，如果佢讀得開心，學校另佢樣樣有好奇心，有興趣，佢就會自動自覺學習，將會一生受用！
如果一開始只知道讀書為功課為考試，我諗 ...

有朋友就係想小朋友過3年開心嘅學習生活, 然後先努力應付小學嘅測驗考試..
最後佢話: 3年嘅快樂, 換嚟6年嘅痛苦..
(佢幫小朋友揀咗傳統小學)

brrbaby2007

原帖由 小曳人 於 10-10-20 16:14 發表


有朋友就係想小朋友過3年開心嘅學習生活, 然後先努力應付小學嘅測驗考試..
最後佢話: 3年嘅快樂, 換嚟6年嘅痛苦..
(佢幫小朋友揀咗傳統小學)

小朋友更加係長達15年既痛苦，童年回憶只有温書、測驗、考試。當然如果小朋友好似你仔仔o甘叻叻就另計了

CHERRYJUMP

所為易放難收!!

kerkermui

原帖由 brrbaby2007 於 10-10-20 16:39 發表


小朋友更加係長達15年既痛苦，童年回憶只有温書、測驗、考試。當然如果小朋友好似你仔仔o甘叻叻就另計了

我估無人鍾意測驗考試... 只係希望自己唔好唔記得.. 學習同分數係兩回事

CHERRYJUMP

""求學不是求分數""
對嗎?
現實中可行嗎?
有冇家長見個仔默書得零分會同佢講呢句說話?
喜歡學習當然最好!!
那可以用什麼來衡量?

小曳人

原帖由 CHERRYJUMP 於 10-10-21 03:23 發表
""求學不是求分數""
對嗎?
現實中可行嗎?
有冇家長見個仔默書得零分會同佢講呢句說話?
喜歡學習當然最好!!
那可以用什麼來衡量? ...

一個愛學習嘅人~一定唔會零分架喎!
不過亦未必會滿分! 因為有時扣分嘅係careless mistake!

目前, 我要俾小朋友明白"因果關係", 做功課做得唔好, 係會少d印仔嘅! 點先叫唔好? 自己睇吓見練習就明啦!
我唔會自己走去擦走佢畫嘅嘢, 但係會問返佢:咁樣好似做得唔夠好, 想唔想再做過~

至於點書/測驗.. 我未到呢個層次住, 不過一個懶人同一個好奇心強/好學嘅人, 我相信家長無理由分唔出, 我相信.. 除非我地第時入到間90分都要見家長嘅學校, 否則, 我唔會強求100分呢樣嘢~ 我自己讀中學時都係年年考2x, 自細讀書都係無人迫到我嘅..

brrbaby2007

原帖由 小曳人 於 10-10-21 09:28 發表


一個愛學習嘅人~一定唔會零分架喎!
不過亦未必會滿分! 因為有時扣分嘅係careless mistake!

目前, 我要俾小朋友明白"因果關係", 做功課做得唔好, 係會少d印仔嘅! 點先叫唔好? 自己睇吓見練習就明啦!
我唔會自己走 ...

有些孩子天生愛文字愛數字，這些孩子不用父母太操心也會有不錯效果，每天只要用好少時間溫書做功課，其餘時間就可以漫游探索課外知識，發展興趣，而且經常有驚喜給父母。

但可惜有些孩子盡管聰明但天生不愛文字愛數字，每天要花大量時間溫書做功課，再沒多餘時間吸收課外知識，父母可能只要求50分也不易達，孩子討壓讀書親子關係也差....