亞囡升咗三年級之後,差唔多日日都喊/..\

vicky

亞囡自動升咗三年級之後,差唔多日日都喊,我身為亞媽其實都感覺到佢係有幾辛苦...今年,唔知係咪因為佢入咗精英班,定係真係三年級啲功課真係咁多,每日8,9樣功課,我見到都鄧佢慘!佢每日踏埋校車成4:45先到屋企,食少少小點就開始做功課,可能佢又做得慢啦,隔埋食晚飯沖涼等時間,每晚都要10點幾先瞓到,跟本唔夠瞓...
一來功課壓力大咗,二來,今年成班都係新同學,好似依家常識科有個project咁,竟然冇同學揀同佢一組,最終佢被老師分去跟幾位男同學一組!所以佢就好唔開心...
我個囡由細到大一直喺學校都係好被動,係"異常乖"嗰種,啱啱二年級先warm up咗,點知三年級又要重新適應...


唔知各位,有冇咩意見可以比我,點幫吓亞囡?唔該

fa_fa

你主動啲去認識吓住附近既班同學家長,
約吓佢地出黎聯繫吓,
相信有幫助, 小朋友識認力好勁,
比多小小時間佢, 支持佢,
有你既鼓勵相信好快過渡!

豆豆麗

我個女今年啱啱上小一，因為女兒爸爸在大陸發展，之前想在大陸定居，所以一路都系大陸讀幼稚園，英文方面差不多没學過，好在以前都没學過寫字，所以中文方面倒没有簡體和繁體的重新適應
但啱啱開學果陣，她晚晚都睡到半夜哭醒，因為之前没做過功課，也不習慣做功課，做得非常慢，常放學回來做功課就要做到睡覺才能做完。也非常緊張，一點事情没做好就擔心得晚上睡到十點多十一點還没睡着。
但這段時間差不多開始適應了，我的體會就是你尽量不要讓她感覺到你的緊張，告訴她什麼事情只要尽力就可以了，她的付出總有一天會有回報的，只是時間長短問題。最好趁有家長可以參予活動的日子，帶她主動去和同學仔做朋友，如果能認識一二個好朋友就會好很多了。
最主要是多肯定她，然後暫時也不要給她太大的壓力。
没人和她一個組，要告訴她不是她不行，而是因為大家和她不熟，這都是暫時的，就算她有時和朋友出去時遇到不熟的小朋友也會有一段時間才會和别人做朋友一樣。也可以設身處地自己如果換了一個工作環境，我們開始果陣也好像融不了那些已經熟的同事的。讓她明白你了解她的心理。
我個女也是很被動的，别人來找她玩她就和别人玩，但從來不會主動去找别人玩的。課堂上也是從不會主動發言的，但老師或者别人交待的事她一定會完成好。
不知你個女系唔系都系這種。我成日覺得這種性格的人自尊心很强的，內心也較脆弱。我常會有力不從心的感覺，唔知點樣去引導她。

大家一起努力加油吧

IRON

想問點解成班都係新同學既??

原帖由 vicky 於 10-10-14 09:30 發表
亞囡自動升咗三年級之後,差唔多日日都喊,我身為亞媽其實都感覺到佢係有幾辛苦...今年,唔知係咪因為佢入咗精英班,定係真係三年級啲功課真係咁多,每日8,9樣功課,我見到都鄧佢慘!佢每日踏埋校車成4:45先到屋企,食少少小 ...

cy101

試下從其他家長打好關係, 從而約埋大家D小朋友放假時一齊出來玩, 咁樣會唔會好D?

性格靜又好難入手喎!!

vicky

原帖由 fa_fa 於 10-10-14 09:46 發表
你主動啲去認識吓住附近既班同學家長,
約吓佢地出黎聯繫吓,
相信有幫助, 小朋友識認力好勁,
比多小小時間佢, 支持佢,
有你既鼓勵相信好快過渡!

我見唔倒其他同班家長架,因為我個囡係踏校車...

vicky

原帖由 cy101 於 10-10-14 12:53 發表
試下從其他家長打好關係, 從而約埋大家D小朋友放假時一齊出來玩, 咁樣會唔會好D?

性格靜又好難入手喎!!

佢平時係好活潑開朗,對住大人方面好識social添!
佢只係一喺學校入面就係咁,好拘緊好驚好有錯好緊張,由幼稚園嗰時都係咁,異常乖!!佢舊年二年班好咗架,有返正常行為,但今年又.../..\

vicky

原帖由 IRON 於 10-10-14 12:48 發表
想問點解成班都係新同學既??

都唔知點學校點編,可能係跟成績啩,只係知除咗一個男同學之外,其他都係新/..\

cy101

咁佢因咩喊? 功課多? 無伴?

同佢傾下!!!

AAma

咁奇怪? 只得一個同學升同一班? 找社工or班主任幫下手啦.

原帖由 vicky 於 10-10-14 13:08 發表


都唔知點學校點編,可能係跟成績啩,只係知除咗一個男同學之外,其他都係新/..\

vicky

原帖由 cy101 於 10-10-14 13:16 發表
咁佢因咩喊? 功課多? 無伴?

同佢傾下!!!

佢喊係因為一來攰啦,依家功課咁多,做到咁夜唔夠時間瞓,而佢知道自己功課做得慢,所以乜都好趕咁,連佢抖吓睇套卡通片放鬆嘅時間都短咗,佢個人變得好緊張囉.
二來就係佢嗰班大郭部份都係同班上,friend開,所以冇人理佢囉/..\

cy101

真係慘, 細路仔既功課量好似大人番工咁!!! 日又做夜又做!!!

瑩瑩老豆

轉了校嗎? 為何成班都係新同學?

原帖由 vicky 於 10-10-14 09:30 發表
亞囡自動升咗三年級之後,差唔多日日都喊,我身為亞媽其實都感覺到佢係有幾辛苦...今年,唔知係咪因為佢入咗精英班,定係真係三年級啲功課真係咁多,每日8,9樣功課,我見到都鄧佢慘!佢每日踏埋校車成4:45先到屋企,食少少小 ...

fa_fa

原帖由 vicky 於 10-10-14 13:00 發表


我見唔倒其他同班家長架,因為我個囡係踏校車...

咁送佢去踏校車咩識倒好多家長羅!
我都係朝朝主動找同班家長傾吓東傾吓西同攞電話,
有什麼功課上或活動上有問題都可以搵人問吓,
幾好架! 咁係邊個送你個女落去呀?
或者可唔可以要求校方調番亞女去之前個班呢?

vicky

原帖由 fa_fa 於 10-10-14 23:27 發表

咁送佢去踏校車咩識倒好多家長羅!
我都係朝朝主動找同班家長傾吓東傾吓西同攞電話,
有什麼功課上或活動上有問題都可以搵人問吓,
幾好架! 咁係邊個送你個女落去呀?
或者可唔可以要求校方調番亞女去之前個班呢? ...

就係冇同班,有我都唔使咁愁=.=

AAma

教個女試試主動一些,帶一些小食與同學分享. 上課會唔會分組? 可以由自己的小組同學開始.

原帖由 vicky 於 10-10-15 09:33 發表


就係冇同班,有我都唔使咁愁=.=

ngkwaiyee

家長日都會見到其他家長既,
或者試下去FORUM度搵下~
其實你都睇到阿囡有咩問題,
比D時間佢適應,
最緊要比佢知你一定會係身邊同佢一齊面對~

vicky

原帖由 AAma 於 10-10-15 09:50 發表
教個女試試主動一些,帶一些小食與同學分享. 上課會唔會分組? 可以由自己的小組同學開始.

佢其實都嘗試過請"新同學"食嘢架,不過人地趙完鬆之嘛=.="
分組嗰陣就係冇人揀佢,佢被分去男仔堆/..\

brian61950

梗關精英班事啦,那裏勾心斗各,弱肉強食,事事非非......

你女入即有人出,踼走佢地個同學喎!
突然有個平民殺入來喎,你諗個班精英之中既精英點睇你個女.
未清楚你女有冇威脅前,個班家長又點會比仔女同你女玩.