家長常問升中如何知道自己子女所屬的Band？

Rattie

我除咗 d 婆仔數比較精明外，算係個數字盲。一大堆數字真係佢識我我唔識佢。不過識貨嘅人一定覺得好有用。

囡囡今年剛剛升中，從幫佢 k2 插班，小一叩門，升中考直資，感覺上係比往年容易，直覺上係關競爭人數事。

原帖由 greendotdot 於 10-10-14 02:39 發表
政府說人口變化，小六學生每年遞減，不過我眼見果啲小學名校，小六學生人數卻年年都不減，名校就是名校，可能因為多產Band1學生，所以較受家長歡迎。

因為2009 & 2010都是使用相同的調整工具(2007&2008 Pre-S1)調整分數，如果校網 ...

Sumyeema1

未睇完已頭暈 x 2

原帖由 Yanamami 於 10-10-10 23:52 發表
未睇完已頭暈.

cman_li

有D小學，就算考全級第一，個學生都唔係Band 1 頭

greendotdot

唔好意思，數字太多和混亂的確幫倒忙，我要檢討吓。

原帖由 Rattie 於 10-10-14 11:10 發表
我除咗 d 婆仔數比較精明外，算係個數字盲。一大堆數字真係佢識我我唔識佢。不過識貨嘅人一定覺得好有用。囡囡今年剛剛升中，從幫佢 k2 插班，小一叩門，升中考直資，感覺上係比往年容易，直覺上係關競爭人數事。
...

我可以用番上述個人口變化推理題，解釋吓我自己對競爭人數嘅睇法。現在較忙，稍後我也會講吓點解我認為這位囝囝可以保住Band1。

mamimummy

我覺得只是人 "要求" 與 "實力" 成了 "正比", 所以易左.
因為理論上他每次都是同 "相同年份" 的人競爭. 人口轉變對他影響不會大.

.

原帖由 greendotdot 於 10-10-14 15:06 發表
唔好意思，數字太多和混亂的確幫倒忙，我要檢討吓。


我可以用番上述個人口變化推理題，解釋吓我自己對競爭人數嘅睇法。現在較忙，稍後我也會講吓點解我認為這位囝囝可以保住Band1。 ...

Kittymummy

係呀, 我表妹係屯門區一間小學教. 佢話我知全個小六學生無一個派band 1...

原帖由 cman_li 於 10-10-14 11:23 發表
有D小學，就算考全級第一，個學生都唔係Band 1 頭 mouth:" />

greendotdot

純粹個人意見，今次無一大堆數字啦。

直資申請者(這裏指直資top schools)我會簡單細分為：
Group A：Band1上游 + 直資的fans(咁樣稱呼係無惡意)
Group B：Band1上游 + 未決定升讀直資抑或津貼top schools
Group C：Band1中上游 + 直資的fans
Group D：Band1中上游 + 未決定升讀直資抑或津貼
Group E：Band1 + 玩票性質
Group F：Band1中下游 + (直資的fans/未決定直資抑或津貼)
Group G：non-Band1 (有特異功能除外) 或其他

每年直資收生人數不變甚至增加，但小六學生人數每年遞減，令上述每group申請者相應減少，申請者總數減少，直覺上巳經覺得競爭較前容易。

一般而言，我認為這類直資學校每年收生人數必定多過Group A + Group B，所以A, B毋須競爭，這類學生只會煩惱e.g.兩間直資都收，點揀？津貼果間top school自行面試都好有信心，仲簽唔簽直資？Group E, F, G 根本沒有參與競爭...真正的競爭只會在Group C 和 Group D，小六學生人數每年遞減令Band1學生相應減少，某些校網更會出現過剩的Band1學額，也令不少Group B,D 學生最後放棄直資，咁Group C,D 餘下的申請者咪機會大咗！

P.S. Sorry,唔想再加埋經濟因素影響，避免變得更複雜！

原帖由 Rattie 於 10-10-14 11:10 發表
囡囡今年剛剛升中，從幫佢 k2 插班，小一叩門，升中考直資，感覺上係比往年容易，直覺上係關競爭人數事。
...

你謙厚啫！哈哈，我估你囡囡係屬於Group A，你囡囡成績咁好，我都要讚吓佢！

[ 本帖最後由 greendotdot 於 10-10-15 12:14 編輯 ]

kt2007

很多謝你咁有心的分析,我最近都開始看有關升中的資料啦,因我個仔今年4年級了,但我對升中卻毫無頭緒,希望看多啲你們的分析,可以到選校時無咁迷網啦。

原帖由 greendotdot 於 10-10-15 11:56 發表
純粹個人意見，今次無一大堆數字啦。

直資申請者(這裏指直資top schools)我會簡單細分為：
Group A：Band1上游 + 直資的fans(咁樣稱呼係無惡意)
Group B：Band1上游 + 未決定升讀直資抑或津貼top schools
Group C：Band1中上 ...

Rattie

多謝你咁睇得起我囡，其實除咗小一叩門一早 plan 咗，k2插班同升中考直資算係意外，都係聽到d 朋友做我又去湊高興。囡囡考 k1 係全軍盡墨，但k2插班時，我同佢考返之前考唔到嗰兩間，又兩間都收。就算叩小一，in 完表明唔收因為成績"強差人意"，寫封信去之後又收咗 ===> 解釋唔到 「理論上他每次都是同 "相同年份" 的人競爭」。

so直覺上係關競爭人數事。來年升中人數更少，我當然係覺得可以進取d。

既然有小學係好少 (甚至冇) band1生，咁一定有小學係超過 2/3 係 band1+2生，分分鐘間小學得少過20% band3生。

我自問精於婆仔數，當然唔會係直資 fans，有少少覺得自己捉蟲添。

至於囡囡應屬中上游 i.e. Group D，屬於受惠者。

原帖由 greendotdot 於 10-10-15 11:56 發表
純粹個人意見，今次無一大堆數字啦。

直資申請者(這裏指直資top schools)我會簡單細分為：
Group A：Band1上游 + 直資的fans(咁樣稱呼係無惡意)
Group B：Band1上游 + 未決定升讀直資抑或津貼top schools
Group C：Band1中上 ...

greendotdot

原帖由 kt2007 於 10-10-15 12:27 發表
很多謝你咁有心的分析,我最近都開始看有關升中的資料啦,因我個仔今年4年級了,但我對升中卻毫無頭緒,希望看多啲你們的分析,可以到選校時無咁迷網啦。
...

不用客氣，我睇BK已經一段日子，感覺上香港社會有些家長真係公私「兩忙」，「兩忙」是忙碌和善忘，雖然緊張子女升學，但只會急需時才上BK等渠道浪費時間急急急左問右問，閒時也不願多花幾十分鐘認識和消化將來可能有用的東西，反之，你們這種虛心為子女未雨稠繆的家長是很難得，我都希望可以幫到你們。

greendotdot

原帖由 Rattie 於 10-10-15 15:55 發表
至於囡囡應屬中上游 i.e. Group D，屬於受惠者。

你這句「屬於受惠者」令我有多少感歎，果啲大大聲話「政府欠咗佢」嘅人何嘗不是某方面的受惠者，但佢地唔肯認，你地咁"contented with what you have" 囡囡讀書應該讀得好開心！

原帖由 Rattie 於 10-10-15 15:55 發表

既然有小學係好少 (甚至冇) band1生，咁一定有小學係超過 2/3 係 band1+2生，分分鐘間小學得少過20% band3生。

婆仔數頗厲害，我就係想借推理題討論名校小學的優勢，遲啲。

cman_li

如果係Group B，今年又點抉擇

greendotdot

原帖由 cman_li 於 10-10-16 09:13 發表
如果係Group B，今年又點抉擇

Group A 和 Group B 都是天之驕子，每年都有大把好選擇。我相信有能力的人會行出自己的路，抉擇邊間好學校都是一樣。

greendotdot

了解過分Band的基本方法和一般怎樣粗略估算Banding後，原來現實中，各校網的環境特性又各有不同。簡單來說，在同一校網，好似玩zero-sum game，同一年如果某小學有較多的Band1學生，即表示其他小學只能攤分餘下的Band1，而Band2 & Band3也一樣如此類推。由於人口變化，每個校網的升中生每年遞減，Band1,Band2,Band3這3個餅也隨之縮小，即是Band1 & Band2分界點都會每年向上移動，對於那些直接以校內名次，對照去年而估算出來的Band1下游學生影響非常嚴重。

此外，每間小學Band1學生在Band內分佈情況都不同，要視乎自己學校那個Pre-S1調整工具的成績怎樣分佈。例如有些所謂名校，除了有較多Band1學生之外，更要注意她們大部份Band1學生都分佈於中游或以上，就算Band1 & Band2分界點向上移,只會輕微影響她們的Band1人數，相反一些成績較弱的學校，Band1學生不單祇較少，而且大部份分佈於下游，如果Band1 & Band2分界點向上移,這些去年Band1今年便會變咗Band2，如果老師及家長仍然以對照去年全級考第幾來估算，咪錯囉！所以之前我巳經強調要變通，必須因應校網環境及學校特性作出適當調整，減少誤差。

greendotdot

有人話考好啲梗係好啦！又或者話學校今年整體考得不錯！我覺得不如具體些分析吓：

由於箇中複雜，重點倒不如去了解改用新組合的Pre-S1調整工具有甚麼影響，我暫時簡單啲當Pre-S1調整工具祇包括2010年。首先假設同校網其他學校考2010 Pre-S1成績都和之前一樣，學生人數也相同，首先單獨分析自己學校2010 Pre-S1，可以細分考生為幾組：

Group 1A = 今年2010自己學校Band1上游
Group 1B = 今年2010自己學校Band1中游
Group 1C = 今年2010自己學校Band1下游
Group 2A = 今年2010自己學校Band2上游
假設考好咗即是進升一級e.g.2A->1C，考差咗即是退落一級e.g.1B->1C。
人口變化 = 指升中小六學生人數减少

例一：如果全部1A,1B,1C,2A都考好咗，自己學校2011 & 2012 的Band1學生在組別內分佈會是1A,1A,1B,1C，2011 Band1學生人數會增加，上游學生全港排名也會提升。2012的Band1學生人數本應等如2011，但人口變化會令2012的Band1學生人數減少。

例二：如果1A,1B,1C都考好咗，但2A只能保持，自己學校2011 & 2012 的Band1學生在組別內分佈會是1A,1A,1B，令2011 Band1學生人數不變，上游學生全港排名也會提升，2012的Band1學生人數等如2011，就算人口變化都不會減少2012的Band1學生人數。

例三：如果1A,1B保持，但1C,2A考差咗，自己學校2011 & 2012 的Band1學生在組別內分佈會是1A,1B，所以2011 Band1學生人數會減少，2012的Band1學生人數等如2011，就算人口變化也不會影響2012的Band1學生人數。

例四：如果祇是1A,1B考差咗，但1C,2A保持，自己學校2011 & 2012 的Band1學生在組別內分佈會是1B,1C,1C，令2011 Band1學生人數維持不變，2012的Band1學生人數本應等如2011，不過今次學校有大部份是下游Band1生，人口變化有可能大幅降低2012的Band1學生人數。

例五：如果祇是1B考差咗，1A,1C則保持，2A反而考好咗，自己學校2011 & 2012 的Band1學生在組別內分佈是1A,1C,1C,1C，2011 Band1學生人數會相應增加，2012的Band1學生人數本應等如2011，不過今次學校有大部份是下游Band1生，人口變化有可能大幅降低2012的Band1學生人數，令人錯覺為何2011 & 2012 的Band1學生人數對比相差這麽大。

上述幾個例子只是展示出其中一些組合所產生的變化，還未計更複雜的如每間學校的不同成績分佈的互相影響，由於2011年改咗用新組合2008 & 2010 Pre-S1做調整工具，就算某學校之前有啲乜嘢proven track records，2011升中仍然可以keep到多少Band1學生都是未知數，不過到2012升中又會較明朗化。

我目前幾忙，不過我會再花點時間上網，揀個真實的校網的來比較吓...不過睇怕要稍遲，可能會等埋條鮎魚...

greendotdot

原帖由 Sumyeema1 於 10-10-14 11:17 發表
未睇完已頭暈 x 2 引用:

原帖由 Yanamami 於 10-10-10 23:52 發表
未睇完已頭暈.

兩位家長你們好，我個囡好鍾意睇Spider-Man，但我唔鍾意，佢一開機睇佢嘅至愛，便要拉埋我一齊睇，未睇完已頭暈！後來我睇到男主角的其中一段對白，令我猛然醒悟，我決定即刻閃。這段對白如下：
"Whatever comes our way. Whatever battle we have raging inside us. We always have a choice. My friend Harry taught me that. He chose to be the best of himself. It's our choices who make us who we are. And we can always choose to do what's right."

fate2007

Hi Greendotdot,

你好呀 !!
我之前都出過post問過,
不過有d BK mami 好似很不認同我的做法,
其實我真的對升中派位很迷茫惘,
到底個囡係大,
所以沒有經驗,
真的想請教你 !!

我有兩個choices,
小學校網是深水埗,
但家住何文田區,
我知可以轉用住址做校網.
我個女全級通常是頭七至九名.
據老師講頭七十名的是band 1.

Greendotdot,
我見九龍城d學校好似好好多,
深水埗好的如上智,
我又唔想. (我是上智畢業的)
深水埗除出幾間好的外,
一跌便是一些不是那麼好的.
我個女雖然成績ok,
但沒有比賽獎項,
我恐怕自行收生入不到,
請你給我一點意見吧 !

Thank you!!

[ 本帖最後由 fate2007 於 10-10-21 17:23 編輯 ]

greendotdot

原帖由 fate2007 於 10-10-21 17:19 發表
我有兩個choices,
小學校網是深水埗,
但家住何文田區,
我知可以轉用住址做校網.
我個女全級通常是頭七至九名.
據老師講頭七十名的是band 1.

聖方濟各英文小學嗎?隨便問吓啫，我唔知邊間難以具體啲講嘛，不過如果囡囡剩番的第二和第三次呈分都保持到咁高的名次，除非2010師兄師姐中的高手考Pre-S1個個舉手投降，否則以你囡囡呈分試的高名次，都會被編排對照考得高分的一族，一般而言應該會是深水埗校網Band1的中上游。

轉校網重點是要睇番全港排名，我個人不相信深水埗網Band1中上游轉去九龍城網可以跌落Band2，不如話上智、銘賢比較九龍城網果四、五間非直屬英中低成一班，你信唔信呀？跌少少唔出奇，無乜所為，反正统一派位大抽獎都無分Band頭、中、尾，就算Band1頭和Band1尾去抽Maryknoll都是機會均等！

有家長曾經指出九龍城網Band1位多過Band1生，如果屬實，轉過嚟對统一派位乙部抽獎係比深水埗網着數好多。講番今時今日的上智，單睇成績真係唔錯，不過你唔鍾意無謂勉強。

原帖由 fate2007 於 10-10-21 17:19 發表
我個女雖然成績ok,
但沒有比賽獎項,
我恐怕自行收生入不到,

好多家長都咁話：好擔心自行收生，成績好都唔夠，要有鋼琴x級、乜乜獎項等等。講笑咁講：當你自己係校長自行收生，學生A出樽豉油，學生B出隻白切雞，你揀A定B？學生C加入戰團，佢出隻豉油雞，而家你又會揀A、B定C？

我不計甚麼特異功能、人事關係等等個別例子，大多數中學自行收生都明碼實價，清楚列明收生的計分百分比(間間都不同，要問清楚)，舉個例，CBA中學自行收生50個位，成績佔45%，操行佔10%，面試佔30%，其他服務獎項佔15% = 100%  ，所謂「成績」包括頭2次呈分試全港名次、5年級全年成績及6年級上學期等，操行包括5,6年級(有啲起碼要B+添)。如果學生沒有任何獎項及服務，咪攞少15%，相反，有6級鋼琴，一級奧數等，學校會唔會俾足15%？我諗全港少年飛人才可以攞足15%，其他都係睇大家面試表現，人哋學校收50人，你囡囡毋須做最高分的人，做第50人咪得囉，我都知道小朋友獎項、音樂造藝等等是比成績更得來不易，我都欣賞佢哋呢方面嘅才華，不過遊戲規則唔係我定，如果你祇是出樽豉油，連in都無得in，你出隻白切雞(成績only)，我出隻豉油雞(成績+獎項)，牌面上我好似秤先少少，點知原來個校長唔食得鹹... 係咪世事難料呢。

如果係我都會轉去九龍城，抽深水埗我只能從上智(102位)、銘賢(76位)二揀一，擺第二都係浪費，抽唔到便要讀...況且你囡囡成績有番咁上吓，你唔駛咁愁吖，不如諗吓如何準備面試，自行唔揀Maryknoll 仍然還有好多選擇。

[ 本帖最後由 greendotdot 於 10-10-22 08:58 編輯 ]

HappyEE

Hi greendotdot,

2008-2009年的三六年級學生因新型流感停課, 所以唔需要考TSA, 我想問對師弟師妹有什麼影響? 好還是壞?

Sherryko9

好衷心多謝你的數字分析,講番數字呢家野,佢識我,我唔識佢,未睇完已 ,想死甘滯 !惟有叫阿囡盡佢所能,考最好,搏第1輪自行收吧!