10月6日星期二下午家長座談會會後感

sue_young

10月6日星期二下午家長座談會會後感

相信其他家長都會陸續參加, 坦言參加完呢個座談會後, 一定會俾學校的用心感動!在此分享我的感受!

當日我地有幸參加了一場由神父主持, 為K1, 2學生舉行的祝福禮. 我地十幾個家長, 坐係最後排, 原本我諗咁多班學生(k1x7+K2x6 = 390 kids),場面一定好混亂, 無一個鐘頭都未必完成到, 但係真係好感動, 絕大部分小朋友都好乖咁坐定定, 由Sister Pauline彈結他, 顧主任帶唱歌, 佢地好多都能夠一齊唱, 在唸天主經, 聖母經時, 亦有好多小朋友大聲地唸出.

返了學只係剛剛一個月, 已經可以做到咁, 真係唔容易, 中間有一節,3百幾個小朋友排住隊出去俾神父覆手, 都好有秩序, 成個儀式半小時內完成, 中間一氣呵成, 一d都唔見混亂.

我有些朋友在其他幼稚園工作, 亦不諱言, 如果有學生扭計, 喊, 會將佢放係一邊, 等佢累就會收聲. 但係就當日所見, 確實有一位小朋友扭晒計, 喊晒咁, 趙副校即時放低家長, 走去安撫她, 坐係佢身邊, 呵護佢, 同佢講野, “直至她有足晒安全感, 先至俾佢返課室” (藍色個句係趙副校講既). 自問自己為人母, 如果2個囡一齊扭計的話, 有時都未能夠做到咁, 可況要apply to 咁多學生.

之後我地落返會客室, 吳校長同趙副校同我地家長一齊排排座, 之後2個半小時, 兩位校長好詳盡咁分享了KGT由零開始, 學校開辦的點滴, 當中所肩負的重任, 曾經面對的指責, 各樣各樣, 先不說內容, 直至10月6日下午, 係佢地講的第6場, 每次2.5小時, 加上課前課後接送小朋友的時間, 佢地如果要完成那些行政工作, 每日她們要花幾多時間在工作上?

會上有對大吳校長的離開作解釋及新吳校長的背景交代. 呢d唔多講啦. 雖然新吳校長比較年輕, 年資歷練未及大吳校長even趙副校, 但係佢亦俾我地感受到她的魄力及熱誠. Sister Pauline 亦closely monitor成個運作, 大家唔駛咁擔心.

很喜歡她用種子在不同季節的成長作比喻, 即在合適的時間澆水施肥, 自然能開花結果, 家長不用太過緊張有幾多功課做, 每日識了幾多隻字, 課程的深淺需要一些時間, 讓學校可以因應進度施教. 不過吳校長亦言, 與小學部開會後, 程度會再加深, 小學部Keep住了解KGT學生的程度, 為她們入小學作好準備.

英普方面, 即使本身的班主任老師英文亦可, 但只會讓英普老師教相關的堂, 而其間只會全英或全普與學生交談. 另會再請一個NET(Not ABC)的老師 (But the last candidate declined offer), 需時.

校巴及校服公司, 如校裙上加車一塊布可以方便扣名牌, 布料問題, 校方會一路跟進. 但一些校方的傳統, 亦會堅持(如式樣, 顏色等)

問心, 有幾多間幼稚園可以做到行政如此透明, 學校將所有心路歷程, 困難同家長分享 (通常都係報喜不報憂), 如此關注在座每個家長的提問? (包括網上的投訴,提問, 亦有在會上作出解釋).

一個個人的小提議, 如果不是Critical issue and no urgency for safety 的話, 家長不如停一停, 等一等, 或者寫張便條, 別動輒打電話佢投訴 (如: 點解d下午茶的食物同menu唔同, 呢d可以寫俾條架嗎, 係咪), 佢地得2條線, 如果家長又打, 準考生又打, 又要座談會, 又要答投訴, 如何有時間做好行政, 提升質素? (我囡囡班主住剛剛及上次都係用手提打俾我).

我對佢地有信心, 寫出黎, 係因為通常大家比較會為不滿出聲, 滿意的人, 好多時只放係心而好少出post, 想令無時間親自去了解的家長提供一些資訊.

[ 本帖最後由 sue_young 於 10-10-8 17:02 編輯 ]

BBElsa

Thanks for your sharing, I will join it on next Tuesday.  And I totally support the whole teaching team of Good Hope Kindergarten and appreciate all their efforts and hardwork!!!

Mom-to-be2005

Many thanks for your sharing as I couldn't join the sessions.

elmolly

今朝到我聽, 我都好appreciate吳校長既effort, 其實佢唔一定要攪呢次既座談會, 但佢選擇左攪去comfort我地d家長, 仲態度好好, let's give her a big hand

babycoming

我係10月5日開既,我開完果日我真係覺得佢地好偉大,學校所有既工作人員,老師主任校長又好,以致整個校董會....所做既都係為我地既小朋友,真係好感動 !

辛苦晒佢地,也會無限支持佢地 !

Jolielie

我們是由爸爸參加在10月7日早上的家長會. 情況跟sue_young描述的差不多. 這個家長會的確為我們消除了不少疑慮,亦大大地增加了我們對學校的信心. 我們深深感受到校長,校監和老師們辦學的誠意和勞苦,相信在學方不斷努力下德望幼稚園必能至臻完善! 我們作為家長定必盡力配合,讓小朋友無論在德育和學術上均有良好的發展~ 大家一起努力吧!

mimimomo6

我對佢地有信心, 寫出黎, 係因為通常大家比較會為不滿出聲, 滿意的人, 好多時只放係心而好少出post, 相令無時間親自去了解的家長提供一些資訊.

我是第一批參加的家長, 會後真係有無比信心及好感動, 但都係懶打咁多字,沒有POST 出來, 你講得對, 學校抵讚

大家一齊支持學校, 加油

I love GH

[ 本帖最後由 mimimomo6 於 10-10-8 16:43 編輯 ]

easybring

入左黎既家長都係自己人. 家長一定支持和配合學校.  大家方向一致就ok啦!  希望kg出黎既小朋友各方面都有水準.  一齊加油!

sue_young

原帖由 elmolly 於 10-10-8 14:47 發表
今朝到我聽, 我都好appreciate吳校長既effort, 其實佢唔一定要攪呢次既座談會, 但佢選擇左攪去comfort我地d家長, 仲態度好好, let's give her a big hand

Agree, Hazel K1時讀個間學校, 一年轉了3次校長, 2次班主任, 都係得一封通告知會我地jar.

佢地回應的態度, 就係佢地辦好學校的決心!!

elmolly

btw, k1+k2 pm應該係得210個小朋友(k1x4, k2x3), am係分開祝聖. 今日淨係睇到早會, 有d可惜, 希望遲d真係可以觀課, 好期待

sue_young

原帖由 elmolly 於 10-10-8 17:26 發表
btw, k1+k2 pm應該係得210個小朋友(k1x4, k2x3), am係分開祝聖. 今日淨係睇到早會, 有d可惜, 希望遲d真係可以觀課, 好期待

係wor, 得下午班之喎, 心水好清  

B.B.BaBa

補充少少，吳校長說想在新年搞一次表演節目，所有小朋友都有機會上台表演

另外，可能在下學期搞觀課。

兩件都係好事！

faitakb

好期待個座談會呀!! GHK, 我地家長們無限個支持, 希望大家的女兒能繼續在一間0甘有Heart的學校學習與成長。

Man1118

sue-young ~ 好多謝你的sharing ... 佢地今年先從開幼稚園,相信好多對這所學校有興趣的家長,都有好多疑問... 睇完lee個post,對學校加深好多了解以及信心!!

Joann

我因為工作關係,miss咗個座談會,白白失去咗個了解學校及新吳校長既機會,好失望

原帖由 Man1118 於 10-10-8 18:47 發表
sue-young ~ 好多謝你的sharing ... 佢地今年先從開幼稚園,相信好多對這所學校有興趣的家長,都有好多疑問... 睇完lee個post,對學校加深好多了解以及信心!!

GHcat

原帖由 Joann 於 10-10-8 21:24 發表
我因為工作關係,miss咗個座談會,白白失去咗個了解學校及新吳校長既機會,好失望

十月二十三日還有一個給K1 & K2 講解課程的家長會，希望您可出席。

Joann

GH Cat,
Many thanks~~~
23/10已報名

原帖由 GHcat 於 10-10-8 21:57 發表


十月二十三日還有一個給K1 & K2 講解課程的家長會，希望您可出席。

[ 本帖最後由 Joann 於 10-10-8 23:08 編輯 ]

小天使kiki

今日我呀女上台表演咗拉小提琴，令到佢好開心，個人仲好似有自信咗，最衰我唔知道原來係早會度表演，我以為只係自己課室裡面，我無同佢一齊返學，錯過咗欣賞呀女嘅機會，如果遲D再有，一定要去

luilui007

原帖由 小天使kiki 於 10-10-8 23:07 發表
今日我呀女上台表演咗拉小提琴，令到佢好開心，個人仲好似有自信咗，最衰我唔知道原來係早會度表演，我以為只係自己課室裡面，我無同佢一齊返學，錯過咗欣賞呀女嘅機會，如果遲D再有，一定要去 ...

好叻女啊

小天使kiki

唔知我地K3今年有無畢業禮呢？