家長踢爆 約克組團公海領洗

elbar

約克英文小學暨幼稚園位於九龍塘。



約克教育機構旗下三間幼稚園舉辦慕道班斂財，原來早有前科，而且手法更匪夷所思。有家長透露，校方半年前向家長推介收費 2,000元的慕道班，提高入讀著名天主教小學的機會，家長必須為菲律賓一所破舊教堂提供數千元「奉獻」，家長領洗時更需要跳出香港，夾錢租船出公海讓菲律賓神父施洗。

本身為天主教徒的何太（化名），有一名小朋友就讀約克旗下幼稚園。約半年前，她參加了一個由校方安排的簡介會，校方代表稱不少高班小朋友報考小學時，都因缺少 5分宗教分未能入讀名牌小學，因此應家長建議推出兩個「幫助家長」的課程。

第一類課程針對欲入讀基督教學校的家長，他們可支付數百元修讀「道理班」，完成課程後小朋友將可獲得指定基督教會如浸信會、中華基督教會等的證明，有助入讀教會轄下學校。

領洗完「奉獻」數千元

另一種慕道班則專為入讀天主教學校而設，家長及子女均需修讀十多堂慕道班，每人價錢約為 2,000元，完成課程後將安排家長領洗。校方代表當時稱，已聯絡一名身在菲律賓的神父負責領洗，家長屆時可夾錢租船，到菲律賓鄰近公海受洗，家長返港即可攜同附菲律賓堂區蓋印及堂區神父簽名的領洗紙，帶子女到所屬堂區受洗。但代表補充，就算家長成功領洗，不一定保證子女能成功於本港領洗。

校方代表說畢即向家長出示了一組教堂圖片，指相中位於菲律賓的教堂已經「穿晒窿」，要花錢維修。「佢當時話，大家領洗完之後，都要表達番啲心意，有家長問佢即係要捐幾多，佢話呢啲嘢隨心嘅，大概兩、三千蚊啦」。被問及做法是否有違道德，校方代表指：「有考慮過道德問題，都覺得好難過自己嗰關，但係我哋都係想幫小朋友，唔想佢爭 5分入唔到好學校，所以想幫到底。」

何太認為約克「走錯路」，「從來無聽過慕道班要收錢，如果真係想幫學生，可以建議家長去教區上慕道班，咁做係走捷徑。佢口口聲聲話呢個係家長建議，咁點解佢又唔用家長名義出通告？」本報記者昨日未能聯絡校方了解事件。

約克日前被揭發舉辦「天價」慕道班，收費卻落入校監馮禮成和校長馮譚淑賢名下的私人公司。教育局懷疑約克收取收費證明書以外的費用，觸犯《教育條例》，正考慮起訴約克。

dad1234

一波未平一波又起

BBTWIN

我覺得學校應該留意領洗紙上的教區蓋印, 如果係菲律賓教區蓋印, 就要查清楚係咪走捷徑得返黎. 唔好隨便比5分果d有問題的家長. 如果唔係, 就對好多守規舉的媽咪同小朋友唔公平, 亦助長好多假教徒. 我想好多係真正教徒媽咪最唔想見到. o係自行放榜之前, 天主教學校係咪要做d野呢???

老來嬌

醜聞盡現

WChan

呢間幼稚園已經出哂名, 真係想考名牌小學既學生真係比佢累死就真.

w_y

放心啦, 以我所知好多學校, 尤其係名校都有睇實架啦. 教區同學校都唔係儍仔任人利用. 呢個宗教分唔係今年至有, 亦唔係今年至有人想出古惑.

作為教徒我反而係痛心多過擔心會唔會少左位俾教友, 教會學校咁多間, 唔入呢間咪入第二間囉, 教友有心要入教會學校, 有 20 分在手都好夠佢揀一間中上的了, 如果貪戀最出名果 d 而入唔到, 就係個人選擇. 你係信, 天主就自然會安排好.

o係自行放榜之前, 天主教學校係咪要做d野呢???

[ 本帖最後由 w_y 於 10-10-3 16:25 編輯 ]