升小一後行為問題

fa_fa

好苦腦！我個囝自從升小一後日日搏咀，
並且挑戰大人既權威，成日話：我覺得要點、應該點、你地唔好點、、、、

仲開始作故仔天花龍鳳，講到似層層咁，
結果上星期去完家長會問過老師後發現係老作，
連老師都懷疑、覺得佢唔會咁做，
我倆公婆都唔知點算。
有點人話可能佢响學校有壓力先會咁，
但我又唔知有乜壓力，因為又未默書、考試，
功課又未正式多，是否需要揾心理學家呢？

yipsfamily

啊～ 唔知你囝囝係邊一班呢？ 其實到左6、7歲呢個年紀，佢地係會好似忽然間大個左咁。。。 你講個D情況，我囝囝大半年前就開始。。。

有時佢地係有樣學樣，成隻 copy cat 咁，以佢地既認知程度，又未必能理解呢仲表現背後既真實動機！ 不過，我個人覺得，起碼你兩公婆要嘗試同佢講道理，有時佢地有好多意見，想咁想咁時，不妨比佢地去做決定（當然指無傷大雅既事情），但一定要事先講明，不論誰人做了決定，就要承受有關的後果！不能只決定，不願意接受後果～ 這是要他們學習 ”要做決定，就要承担相應的責任“，例如去邊度食野、食乜野。。。 同時，亦要佢明白／接受輪流做決定，唔係佢想點就點，也要顧及與其他人的相處～ 咁當然，有某些決定，係不能任由佢地參與既，例如返唔返學、做功課先定玩完先，這些都應由你地去幫佢安排～

至於大話西遊作故事，我囝囝係其中一個高手。。。佢可以講件事比你聽，仲講到好仔細。。。。 但講左好耐之後你問番佢，佢可能會話比你聽係講故事。 如果你發覺係囝囝作野講大話，有時可能係為左逃避責任、或者作錯事怕你地鬧、又或者係慣常地作野（我個囝有時係咁，因為喜歡創作故事。。。）；係咁的話，大人就應該要先理解／查明事情係真定假。。。到底佢地點解要作野，不過就要忍住度氣，千奇唔好大大聲，攏明問罪咁樣。。。 這只會適得其反，越攪越令佢地想作野令你唔再問佢地野。。。

其實好多時，這情況都不易根治。。。 重點係，佢係你囝囝，所以你應該係比較容易觀其色而知其行既人～ 當你發覺佢做左或表現出誠實的一面，就要馬上讚下佢；而發現佢講大話作野之後，則要“表現得“講道理地誘導佢，令佢明白講大話係唔啱，常犯的話就要罰；目的只為讓佢明白父母係賞罰分明既～～～  作為父母，很多時當然會很緊張子女的學業以及誠信，不過要明白佢地係小朋友，言詞激烈地狂丙佢地、又或者同佢地大談做人道理，佢地係完全當你唱歌架！  正如校長在家長日所言，我地要回想佢地係 BB 既時候，循循善誘咁引導佢地，有呢份心思，我們才會懂得如何與日漸成長的子女相處！

原帖由 fa_fa 於 2010/9/30 01:57 PM 發表
好苦腦！我個囝自從升小一後日日搏咀，
並且挑戰大人既權威，成日話：我覺得要點、應該點、你地唔好點、、、、

仲開始作故仔天花龍鳳，講到似層層咁，
結果上星期去完家長會問過老師後發現係老作，
連老師都懷疑、覺得佢唔會咁做，
...

ckyc403

唔好太擔心啦,我想,是因為幼稚園vs小學生活改變中的一點點沖激罷. 觀察多一段時間,和老師有緊密溝通,再加上多一點和囝囝除了溫功課做功課外,談談天說說地.
最重要係,和他一起祈禱吧. 我每晚都會一起和囝囝囡囡祈禱,分享學校的逸事,然後一起擺上交托.

原帖由 fa_fa 於 10-9-30 13:57 發表
好苦腦！我個囝自從升小一後日日搏咀，
並且挑戰大人既權威，成日話：我覺得要點、應該點、你地唔好點、、、、

仲開始作故仔天花龍鳳，講到似層層咁，
結果上星期去完家長會問過老師後發現係老作，
連老師都懷疑、覺得佢唔會咁做，
...

ckyc403

"正如校長在家長日所言，我地要回想佢地係 BB 既時候，循循善誘咁引導佢地，有呢份心思，我們才會懂得如何與日漸成長的子女相處！"

完全認同呀!:loveliness:

原帖由 yipsfamily 於 10-9-30 15:46 發表
啊～ 唔知你囝囝係邊一班呢？ 其實到左6、7歲呢個年紀，佢地係會好似忽然間大個左咁。。。 你講個D情況，我囝囝大半年前就開始。。。

有時佢地係有樣學樣，成隻 copy cat 咁，以佢地既認知程度，又未必能理解呢仲表現背後既真實動 ...

fa_fa

原帖由 yipsfamily 於 10-9-30 15:46 發表
啊～ 唔知你囝囝係邊一班呢？ 其實到左6、7歲呢個年紀，佢地係會好似忽然間大個左咁。。。 你講個D情況，我囝囝大半年前就開始。。。

有時佢地係有樣學樣，成隻 copy cat 咁，以佢地既認知程度，又未必能理解呢仲表現背後既真實動 ...

首先好多謝你既分享, 我個囝係讀1C班,
其實你所分享既我大部份已有做,
只係未能做到如校長所言,
的確! 當個囝大咗就會對佢要求高咗,
自然讚賞與欣賞都會漸漸減少,
相反每日都要面對衝突,
所以態度和語調自然偏差.

而講大話方面, 我同佢傾過,
其實都唔知因什麼原因,
因為個大話係對佢一啲好處都冇,
只係我擔心佢唔知會唔會有情緒問題,
因為自細妹出生果年佢都有情緒問題,
但係因為有新生嬰兒出生其實忙到不停,
結果要在大半年後先發覺已經要搵心理輔導幫佢將問題揭示, 而最終發現原來問題既根源唔係個妹而係爸爸,
接著花咗半年時間先可以回覆正常,
所以我擔心會.....

yipsfamily

啊~ 既然有歷史因素, 咁就要格外留神啦~ 除了小心觀察囝囝既情緒反應及表現外, 我諗都可以主動表達關心及愛~

原帖由 fa_fa 於 2010/10/1 04:49 PM 發表


首先好多謝你既分享, 我個囝係讀1C班,
其實你所分享既我大部份已有做,
只係未能做到如校長所言,
的確! 當個囝大咗就會對佢要求高咗,
自然讚賞與欣賞都會漸漸減少,
相反每日都要面對衝突,
所以態度和語調自然偏差.
...

ckyc403

太過擔心的話便找找當時的心理醫生傾傾啦.
又或者再平心靜氣一點和他再談心事.

原帖由 fa_fa 於 10-10-1 16:49 發表


首先好多謝你既分享, 我個囝係讀1C班,
其實你所分享既我大部份已有做,
只係未能做到如校長所言,
的確! 當個囝大咗就會對佢要求高咗,
自然讚賞與欣賞都會漸漸減少,
相反每日都要面對衝突,
所以態度和語調自然偏差.
...

fa_fa

好多謝大家關心，
亞囝哩個星期開始好番小小，
我唸都可以再繼續觀察吓，
尋日接亞女放学見倒老師得知佢個女都有情緒問題，
所以我至安心啲，可能真係適應上既問題，
不過都好開心，响哩到有セ壓力同唔開心都可以分享，
得到好多支持同安慰。