惡老師是否受家長接受?

Whitepine

惡老師是否受家長接受?

今日好多家長會問老師，你點解罰我小朋友或責罵我小朋友，今佢自專心受傷害....

大家點睇?

Whitepine

77777,

你是否相信"嚴師出高徒"?

現時有好多家長，可能對鼓勵同溺愛或者過份保護都混為一談，現時的"港孩"現象同家長的教導方法與老師的態度不無關係吧!!

原帖由 77777 於 10-9-23 23:41 發表
罰要罰得有道理, 不過老實講, 鼓勵真係有效過罰好多....如果您係想小朋友進步...

Whitepine

當然小朋友有興趣，佢會願意或樂意讀落去。但我地作為家長是否要教導小朋友，太講興趣作為做唔做的原則，似乎唔一定行的通。我地是否要令小朋友明白，有興趣當然好，但有些事情是要做或必須做，並不是有興趣先做，無興趣或唔高興可以唔做或事但做。

嚴老師(我認為要在乎那種)是有堅定的原則及要求，並唔係成日惡死就係嚴。我小時就遇到一些嚴師，當年好唔喜歡佢地，但大左反而要多謝佢地，令我明白佢地的苦心!!

原帖由 77777 於 10-9-24 10:00 發表
我自己就覺得最緊要係興趣, 有興趣, 個科幾難都會有興趣讀落去, 如果無興趣, 就唔會比心機讀....

"港孩"又唔可以同嚴師混於一談, 我有叫個小朋友飯后幫我執碗, 不過, 態度唔會好惡死叫佢, 佢一樣會做....不過可能要 ...

Whitepine

"我覺得小朋友明白自然會有興趣"??

我覺得未必一定囉!! 小朋友可能明白家長同老師的要求，但佢未必一定有興趣做，只係明白一定要做。當然我地真係希望佢地明白而有興趣做啦!!!

原帖由 77777 於 10-9-24 11:06 發表
我覺得其實有時小朋友如果對一個老師好抗拒, 佢講的野未必會聽得入耳, 我就會留意個老師係咪循循誘導, 有無耐性, 講解會唔會好清楚....我覺得小朋友明白自然會有興趣, 唔明白一定無興趣, 咁功課就一定要做, 不過, 有 ...

Whitepine

我真係羨慕你有禁懂事的小朋友。我仔佢有興趣的科目，例如英文，佢做得好開心。但遇到一D無興趣的，就比較麻煩啦!!我只教導佢有D野係小朋友要做，係佢的責任。責任係要盡忠，無論有無興趣都好，當然我會教佢欣賞所做的一切，盡能力去做。

所以我教我仔唔係只做有興趣的事，無興趣的有時都要做!!

原帖由 77777 於 10-9-24 11:58 發表
咁我真係自己小朋友的personal experience來, 佢係明白就會有興趣, 因跟得上.... 不過, 又未必一定個個係的....

Whitepine

睇得出你好錫你仔。其實每個家長都希望兒女生生性性，比最好的給佢地，無人想鬧兒女的。我仔剛剛小一，有好多野都唔同左，有好多野都要適應，唔似以前，要學習有責任，守約，例如: 懂得處理一D問題，遵守規則，讀書，自理，與人相處的基本禮貌，不要凡事只想自己，也要明白及接納其他人的意見..世界並唔係只有佢自己!!

我同你一樣，全家最"惡"的是我!!!

原帖由 77777 於 10-9-24 13:11 發表
我個仔都好HEA架...不過, 有D野係成左習慣, 係從小開始....咁功課溫習又係佢的基本責任, 不過都係要三催四請...我都會陪佢溫書架....成六年級啦....

有時小朋友一定會懶, 好似我個oral哥哥要佢每日都要寫一篇journa ...

atari

"惡"跟"嚴"其實是兩個不同概念

老師不可以"惡", 但一定要"嚴"

"嚴"是指對學生的行為有要求, 例如先舉手,後發問. 上課時有明確的規則, 任何不守規則的行為必須立即阻止. 至於阻止違規行為的方法要視乎情況, 不應該看到老師大聲鬧學生就覺得唔好. 唔通兩個小朋友大打出手仲唔大聲喝停佢地咩?

每一個小朋友(留意是每一個)都"精於"測試別人底線. "嚴"的老師能堅守這條底線, 其實我認為這是一種負責任的態度. 要知道鬧人動氣是很傷神的, 你不會看到一個沒責任感的老師鬧小朋友, 因為佢會覺得:個仔/女係你, 唔關我事,學壞對我無影響.

希望各位家長見到老師鬧小朋友時, 懂得欣賞老師對小朋友的責任心. 不要只覺得老師"惡", 小朋友受唔到等等. 處理不同小朋友確實應該用不同方法, 但當你面對的不是一個,而是一班的小朋友, 你就會明白當中的難處, 總不能因為你"特別"的情況而給予"特別"的待遇. 當其他小朋友感受到不公平, 課堂的秩序便會一發不可收拾了.

ANChan59

Thanks for your clarification. It makes more sense to me.

Nowaday, most teachers won't do anything to have conflict with kids and parents. Because most of us may complain to headteacher or EDB, jeopardise the next contract.

If a strict teacher complain to me about my son, I will listen to her/him. Most of the time, it's my son's fault. I take their advice and cooperate with them, I can see my son improve in that areas.

judy

惡唔惡唔緊要，最緊要是有料嘅好老師。

阿二暑假時常和我上香敬佛，我求佛保佑阿大會考取佳績，阿二求佛保佑出名惡嘅某某老師唔好教佢。事後，証明佛祖好有知慧，唔會同我地顛。阿二真係俾某某老師教。某某老師係惡，阿二對佢嘅功課唔敢鬆懈，那門功課也有了進步，於是不再抗拒那門功課，進而不再抗拒也不驚那惡老師，良性循環。

可惜，在香港，就算幾出名的学校，仍不能保証全體都是好老師，学生每年都在暏運氣。聽說在大陸，好学校全是一級名師，有勢力的家長設法讓孩子塞進好班房，閒閒地六，七十人一班。

[ 本帖最後由 judy 於 10-10-6 10:04 編輯 ]

Sumyeema1

我的小朋友讀幼稚園，班主任 K1 已經向家長表明， 她覺得用鼓勵的說話教導小朋友比用負面的詞語好。  如家長在小朋友面前問起孩子的表現，班主任一定會講好的一面。

K1 時，我女上課不專心，經常搶答問題，影響到別的同學。 老師打給我，教我在家裡設定[靜音時段]， 如小女做得到，就給予貼紙做獎勵， 老師再在學校贊她一下。 現在已有改善。

幼稚園的老師應該[愛心]至上。

我女比較好彩，朋友的女讀下午班，個班主任就很嚴肅，沒有笑容，次次開家長會， 我朋友都好驚，怕又有說話聽。