- 在線時間
- 30 小時
- 最後登錄
- 10-10-22
- 國民生產力
- 32
- 附加生產力
- 12
- 貢獻生產力
- 0
- 註冊時間
- 05-6-8
- 閱讀權限
- 10
- 帖子
- 79
- 主題
- 7
- 精華
- 0
- 積分
- 123
- UID
- 47706
|
放鬆D, 我個仔今年小二, 舊年公佈結果時, 我都發呆, 派左一間全區最差嘅學校, 之後就要到處叩門, 我入左六間申請, 其中有四間肯接見, 去到一D勁多人申請嘅學校, 竟然有二三百人申請十個叩門位, 又擔心佢入唔到好學校, 又擔心佢入左會谷得好辛苦, 我個仔亦唔係好醒嘅人, 去見果D勁谷學校, D老師用英文同普通話問問題, 我個仔唔識答, 當然唔收我個仔, 但呢兩樣都TALK得嘅小朋友, 去見間間都收, 所以而家重有時間, 去裝備你個小朋友! 當年有兩間例外, 問D日常生活嘅問題, 睇你點應對, 亦要畫一幅畫, 我個仔畫左個媽媽拖住佢同亞妹去買野, 可能老師覺得佢好乖, 畫中都好和諧, 所以最後呢間學校收左, 呢間係一間中上嘅學校, 冇勁谷勁做補充, 個仔讀得開心, 全級有三班, 每班三十人, 每年都有四十幾人入到BAND 1 中學, 反而壓力冇咁大, 所以真係入到全區最勁嘅學校固然好, 但係如果你個小朋友谷唔起, 最後每晚都係家長嘔晒血去對功課, 個細路眼淚洗面都幾慘!
重有, 有D叩門嘅小學要你選擇過佢先會接見, 到大抽獎時好好選擇, 大家都放鬆D, 留番D心血對功課同應付測驗考試, 條路漫漫長, 當年我嘅愁冇表現比個仔睇, 但佢好乖, 係電話度同亞姨講希望快D有間好學校收我, 等媽咪開心D啦!
[ 本帖最後由 bb-bu-bu 於 10-9-28 22:05 編輯 ] |
|