現在d小學派位都唔公平....造馬

fmc

都唔係睇成績，受洗過有分,老豆老母係個度做／讀有分，兄弟姊妹個度讀又有分，首名出世子女又有分.，我唔係要我仔讀勁學校,我知我仔讀唔黎,但真係xyz....甘派位有d白痴

monkeybaba

原帖由 fmc 於 10-9-16 23:43 發表
都唔係睇成績，受洗過有分,老豆老母係個度做／讀有分，兄弟姊妹個度讀又有分，首名出世子女又有分.，我唔係要我仔讀勁學校,我知我仔讀唔黎,但真係xyz....甘派位有d白痴 ...

乜事咁慶?
願聞其詳...

ziyi

第1,父母在該校做唔係加分,而係必收(如果申請的話)
第2,兄姊在讀都唔係加分,而係必收
第3,弟妹在讀是一分都沒有得加,要考插班的
第4,首名子女那5分是象徵性的,試想想,哥姊在讀,是必收,父母兄姊是畢業生是加10分,首名子女算什麼
如果說哥姊唔係係香港讀/或沒有玩過這遊戲,是可以向教育局申請第1個玩這遊戲的子女有返這5分,不過手續比較麻煩
第5,這加分遊戲只佔學校的一半學額,你還可以搬去你想讀的小學那一區,抽獎啊

我係無打算靠這遊戲的,但既然沒有一個完全公平的,看開一些,或唔玩這遊戲轉去申請直資/私校啦

最後,幼稚園最多5歲幾人仔,考什麼?
用筆試定口試?
說真的,連直資/私校大多數考試都是看下小朋友的性格/合群性等
真的考很多知識上的嗎?
放鬆下啦,這遊戲就是令人都發癲的
保持一下冷靜

原帖由 fmc 於 10-9-16 23:43 發表
都唔係睇成績，受洗過有分,老豆老母係個度做／讀有分，兄弟姊妹個度讀又有分，首名出世子女又有分.，我唔係要我仔讀勁學校,我知我仔讀唔黎,但真係xyz....甘派位有d白痴 ...

loveboy

絕對同意!!!咁細個就要咁樣先有資格讀一間自己應為心儀既學校....我覺得對小朋友對大人都有一定既壓力!!!

BOBO128

如果全部學校都要經考試先派到位, 我想連快樂既幼稚園生活都會消失........

原帖由 loveboy 於 10-9-17 00:56 發表
絕對同意!!!咁細個就要咁樣先有資格讀一間自己應為心儀既學校....我覺得對小朋友對大人都有一定既壓力!!!

loveboy

我覺得係香港做學生真係好有壓力~人人都話讀書不是求分數...但往往好多學校都係用名次黎LABLE左個小朋友....如果一D唔係咁好既學校,D小朋友讀得唔好就唔理佢地....唔去開解佢地...一直上小6...之後中一....咁對佢個身心都唔好啦~

littlefaith

原帖由 fmc 於 10-9-16 23:43 發表
都唔係睇成績，受洗過有分,老豆老母係個度做／讀有分，兄弟姊妹個度讀又有分，首名出世子女又有分.，我唔係要我仔讀勁學校,我知我仔讀唔黎,但真係xyz....甘派位有d白痴 ...

最公平就係「有教無類」，啲名校有幾多人報，就照收幾多人，係咪？

照道理，香港唔應該得一間DBS，而係應該開夠18間，全港各區都有一間，仲可以搞小班教學添，到時「追捧名校」嘅家長開心，皆大歡喜囉﹗

appleycma

應該要全部位都比來用大抽獎先公平，到時可能又有一班舊生同有兄弟姊妹就讀的說不公平lu.

thomasha

如果政府有咁多土地資源俾d賺大錢o既直資學校搞分校，都幾好呀，不過到時有d二三線學校又會出黎反對，話扼殺佢地o既生存空間。話說回來，本來就應該汰弱留強，政府殺校我贊成，當然我也會同情因此失學的學生。

原帖由 littlefaith 於 10-9-17 06:34 發表


最公平就係「有教無類」，啲名校有幾多人報，就照收幾多人，係咪？

照道理，香港唔應該得一間DBS，而係應該開夠18間，全港各區都有一間，仲可以搞小班教學添，到時「追捧名校」嘅家長開心，皆大歡喜囉﹗ ...

thomasha

個人認為，兄姊在同校就讀的確有好處，父母處理和照顧會容易一點。至於學校職員或校董子女，似乎跟學校理念的聯繫並不明顯，反而舊生子女這方面的聯繫會強一些。

原帖由 appleycma 於 10-9-17 07:40 發表
應該要全部位都比來用大抽獎先公平，到時可能又有一班舊生同有兄弟姊妹就讀的說不公平lu.

littlefaith

原帖由 thomasha 於 10-9-17 08:02 發表
如果政府有咁多土地資源俾d賺大錢o既直資學校搞分校，都幾好呀，不過到時有d二三線學校又會出黎反對，話扼殺佢地o既生存空間。話說回來，本來就應該汰弱留強，政府殺校我贊成，當然我也會同情因此失學的學生。
...

「一刀切殺校」表面上汰弱留強，不過未能解決名校當中老師「濫竽充數」的現象，有不少名校仍充斥著「劣質」、「因循」、「準時放工」的教師，上課「千猜」，誤人子弟。

反觀不少「band 3」學校，卻有很多「優質」老師，殺校對這些老師，又是否公平？

Annemarie

好同意 thomasha 既講法！  1／ 兄弟姊妹有分加絕對廳該 ﹣ 因為放便家長照顧。
2／ 父母既關係都有分加就真係太唔應該！  相等於這個遊戲只係一直落去都係俾這一群“有關係”既人玩！  
3／令我唔欣賞既仲有地區同地址， 明白好多家長都因為這個原因為小朋友搬到“校網”， 但係可能到最後只獲派往一些自已都唔知係咩既學校。  但係就有好多用“報家人／朋友地址”既家長成功！  成功既有唔係派人“CHECK”。。。
4／ 如果有相同宗教信念有分 ﹣﹣﹣ 自已身邊就有很多朋友因為有分去入會。  唉 。。。


香港教育制度本人覺得很失望同失敗！

thomasha

優質老師才可以在低band的學校顯露真正實力。教一班識自動讀書o既學生，當然比較能力稍遜o既學生容易。

問題是，作為家長，我們有甚麼途徑知道學校o既老師係優質？看成績還是看其他方面？殺校的主要原因係收生不足，咁家長當初又點解唔揀呢間學校呢？

我都覺得政府唔應該貪方便，一刀切殺校，不過又應該點樣評核一間學校是否該殺呢？或者可以俾幾年時間學校"自救"，但係學校資源有限，如果返魂乏術，亦應該放番o的資源出黎俾其他辦學團體用。

原帖由 littlefaith 於 10-9-17 08:43 發表


「一刀切殺校」表面上汰弱留強，不過未能解決名校當中老師「濫竽充數」的現象，有不少名校仍充斥著「劣質」、「因循」、「準時放工」的教師，上課「千猜」，誤人子弟。

反觀不少「band 3」學校，卻有很多「優質」老師，殺校對 ...

manmak88

「千猜」...... 不是潮州福建朋友可能不太明白......
我因為聽得多父母說才知道, 雖然周星星有教過

原帖由 littlefaith 於 10-9-17 08:43 發表


「一刀切殺校」表面上汰弱留強，不過未能解決名校當中老師「濫竽充數」的現象，有不少名校仍充斥著「劣質」、「因循」、「準時放工」的教師，上課「千猜」，誤人子弟。

反觀不少「band 3」學校，卻有很多「優質」老師，殺校對 ...

thomasha

2/ 我覺得父母係舊生有分加亦有佢o既道理，唔係一定佢地想有乜"特權"，只係父母係舊生又揀o個間學校，即係大家理念相近，咁樣小朋友入到學校會容易適應d。
3/
借地址 - 的確係執行上要查緊d先至可以杜絕。可以好簡單，請d失業人士突擊檢查，既可創造就業，又可以加強執法。
入教搏加分 - 可以考慮規限要已經有信仰最少三年，o係信仰黎講，咁樣先至穩固，而且亦可杜絕臨急入教o既問題。

原帖由 Annemarie 於 10-9-17 09:15 發表
好同意 thomasha 既講法！  1／ 兄弟姊妹有分加絕對廳該 ﹣ 因為放便家長照顧。
2／ 父母既關係都有分加就真係太唔應該！  相等於這個遊戲只係一直落去都係俾這一群“有關係”既人玩！  
3／令我唔欣賞既仲有地區同地址， 明白好多 ...

runme

"現在d小學派位都唔公平....造馬 ... 都唔係睇成績..." ???

樓主, 睇成績時你又會吾會鬧制度俾你同細路好大壓力呀!

請問樓主樣先係公平?  其實人人入到想入果間就最公平.

不如叫St. Joseph, Maryknoll, DBS, DGJ, SPCC 收晒所有申請人就最簡單啦!

Charlotte_mom

算啦, 我相信10個香港父母9個都丙過呢個制度
(另外果個充滿信心入到心儀學校 )

我最最最頂唔順係"監護人"制度, 簡直係俾家長走法律喇, 試問健康家庭有父有母, 無啦啦邊度搵個監護人出黎呀?! 如果根據EDB既DEFINITION--過夜果度, 我相信而家100個監護人入面, 90個都唔合格

Geni

hm... 可能今年多o左好多一早已經做好準備o既家長, 所以咁早就出現呢個topic.

我諗唔會有一個所有人都覺得公平o既派位機制o家o勒! 但既然我地要參加, 就唯有根據規則盡力做. 如果最後派得唔滿意而你又覺得小朋友有能力o既話, 你大可以小二考插班o家!

再講, 依家先至係一個開始, 到你小朋友入o左小學之後先至係戲肉.....

大家放鬆d啦~~~ relax~~~

hui_bb

我幼稚園的校長說是公平的, 因為只要小朋友想讀書, 就有機會, 唔係好似大陸甘, 俾幾萬蚊留位費或識人就可以讀名校, 只係家長要一些個個都想入既名學校就照顧唔到囉.

thomasha

諗深一層，其實香港已經好好，大陸同好多地方唔係個個小朋友有書讀，邊有我地咁差唔多肯定有書讀。

或者香港o既家長已經覺得受教育是理所當然，要求亦越黎越高。

原帖由 hui_bb 於 10-9-17 11:23 發表
我幼稚園的校長說是公平的, 因為只要小朋友想讀書, 就有機會, 唔係好似大陸甘, 俾幾萬蚊留位費或識人就可以讀名校, 只係家長要一些個個都想入既名學校就照顧唔到囉. ...