多謝下午幼班的班主任

sam9035

自從小囡今個月返德望學校開始，我地都感受到全校的職員都充滿愛心，尤其是小囡讀下午班的班主任，她經常會打電話來告訴小孩子上學的情況，今天下午近放學時段我囡囡想大便，老師帶佢去厠所可惜未能成功，小囡想痾但又痾唔出好辛苦，校車到要上車，聽班主任形容小囡當時眼濕濕想喊咁，班主任為左咁總共打左3次嚟，佢知道我地返工唔喺屋企就叮囑我地叫家中姐姐留意，非常多謝德望老師的關懷與愛心。

另外都想問一問各位家長，小女由出世到而家都有便祕的問題，近半年來情況更嚴重，平均3日先有一次便便，痾好耐先痾得出頭一舊便便，係好黑、好粗同硬，我睇個diameter係 over 1吋(講得好核突)，都理解點解每一次都痾得咁辛苦，佢而家仲未戒奶，每日食2-3餐奶，已把奶粉溝多啲水，佢之前一路食雪印Beanstalk，啱啱最近轉食森永大仔奶粉，佢唔係太喜歡食水果，不過我地都有氹佢食，我地真係好擔心，唔知各位有甚麼意見，Thanks!

MyAshley

原帖由 sam9035 於 10-9-15 21:08 發表
自從小囡今個月返德望學校開始，我地都感受到全校的職員都充滿愛心，尤其是小囡讀下午班的班主任，她經常會打電話來告訴小孩子上學的情況，今天下午近放學時段我囡囡想大便，老師帶佢去厠所可惜未能成功，小囡想痾但又痾唔出好辛 ...

係呀! 我好多謝下幼班的朱老師, 佢好細心, 我好放心!

另外你可以嘗試每日一杯鮮搾ORANGE JUICE, 我囡囡之前都有便秘問題, 依家解決了, 還有儘量少吃餅乾類...

babychin

我個囡之前都有此便秘問題, 睇左兒科醫生, 醫生話奶粉熱氣, 叫我地轉飲 fresh milk, 我地e+早晚都係飲鮮奶, 從雪櫃取出, re-heat 一會,便給阿囡飲, so far都ok.

另, 我地下幼愛班, 開學頭一個星期, 朱老師都有日日打電話俾我, 今星期一開始就冇了, 我想是阿囡已 settle down.

sam9035

多謝兩位意見，我都有些朋友提議我用新鮮鮮奶或花奶作代替品；另我想講我囡讀的是下幼望，班主任係Miss Chan，我諗每一位老師都是很有愛心的。

catsanddogs

原帖由 sam9035 於 10-9-16 17:27 發表
多謝兩位意見，我都有些朋友提議我用新鮮鮮奶或花奶作代替品；另我想講我囡讀的是下幼望，班主任係Miss Chan，我諗每一位老師都是很有愛心的。

下幼信的'姚老師'也是非常好和親切, 她經常在晚上致電 給我 , 讓我了解女兒學校生活和適應過程, '例如: 起初哭泣, 後來習慣了.'  而且, 她關心和了解我們的親子生活和相處方式.

我欣賞和感謝姚老師(大姐姐 )的熱誠, 細心和專業......在此多謝  多謝 !!:loveliness:

[ 本帖最後由 catsanddogs 於 10-9-16 20:11 編輯 ]

babycoming

我女係上幼信,都係姚老師和譚老師教,但我一次都未收過電話呀....我都好想知囡囡係校既情況 !

原帖由 catsanddogs 於 10-9-16 19:53 發表


下幼信的'姚老師'也是非常好和親切, 她經常在晚上致電 給我 , 讓我了解女兒學校生活和適應過程, '例如: 起初哭泣, 後來習慣了.'  而且, 她關心和了解我們的親子生活和相處方式.

我欣賞和感謝姚老師(大姐姐: ...

elmolly

實不相瞞, 其實我個女係上幼愛, 同下幼愛既老師都係一樣, 但我從來無收過老師電話, 連自己搵老師都要好難先搵到

waiunsinkable

我都係呀...上幼愛...但都未收過老師打黎...不過前幾日問曾老師邊本係主題書...再傾下囡囡係學校點, 佢都講得出我囡囡有乜好同唔好..真係好細心..

原帖由 elmolly 於 10-9-17 19:18 發表
實不相瞞, 其實我個女係上幼愛, 同下幼愛既老師都係一樣, 但我從來無收過老師電話, 連自己搵老師都要好難先搵到

elmolly

原帖由 waiunsinkable 於 10-9-18 23:39 發表
我都係呀...上幼愛...但都未收過老師打黎...不過前幾日問曾老師邊本係主題書...再傾下囡囡係學校點, 佢都講得出我囡囡有乜好同唔好..真係好細心..

umm...我寫左紙仔問老師, 無覆過我