91校網選校排位及叩門經驗分享

mingb

小兒今年已入小一，自己是過來人，曾經叩過幾間算是91網的top小學，有成功有失敗，希望可以分享一下自己少少既經驗，對冇經驗或者冇頭緒既家長可以有幫助，我既經驗只係憑自己觀察，經驗及其他家長的分享得知，當中有錯有漏希望不要見怪，只希望能幫到大家．


首先講排位，原來好多家長都唔識擺排位，佢地囝囡可能都好醒，學野又多，但往往係派到十幾志願，好唔開心，用心哉培，卻在最重要的選校排位出錯，是很不值的，我建議家長應該向幼稚園查詢或者上網睇下，電腦的抽籤先後次序是怎樣做的，另外排位方面，對叩門亦好重要，要怎樣決定，或者我先講下叩門．


第一城呂小 - 要叩門的話，自行派位及統一派位都一定要選佢第一位，最重要係一定要有關係，即係有熟人介紹，先可以有叩門位，而要叩得成功，就要看介紹人與校長的關係了，每位都係校長自己一個親身見面，叩門睇小朋友睇得好全面，包括你用幾多時間去教個細路仔，點樣教，平時同佢去邊，佢學緊ｄ咩野，有冇拎過獎，有冇機會第時幫學校拎獎，common sense，時事新聞，唔多考細路仔邏輯，問黎問去，其實主要都係睇家長點樣哉培個細路仔．如果你冇關係，基本上係唔會見你，就算你自行派位及統一派位都選佢都係冇用，所以決定選佢第一，有定心理準備，但在二三位可set保險線，呢個之後講．


沙田圍呂小 - 呢間小學我唔太清楚，我諗同一呂小應該差不多．


培基小學，要叩門的話係好容易的，係人都有機會，只要在截止日期前遞表就可以，分批見，不過佢成功獲選既學生睇唔睇佢選校排名，就唔係咁清楚，叩門有考埋小朋友既英文能力，而呢個只係第一次，要叩門成功，學生係要過兩關即係去兩日，而第三次係見家長，即係要過三關．

第一城胡小 - 好睇誠意，雖然佢又係係人都有得見，但係我相信只要你選佢兩次第一，叩門前再俾ｄ心機等校長知道你存在，叩門成功既機會會比較大，如果一心諗住入呢間小學，應該唔難，只要有誠意，就比較好辦．叩門都係一班小朋友坐在課室，每人獲派故事書，之後問番故事書既內容之類．．．．．．

朱小，要叩門，應該係要選佢第一或第二志願先至有得見，見面係主任逐個見，唔係一班人一齊，家長同小朋友一齊見，考既野好正常，有中文有英文有數學有邏輯有IQ也有思考題．

上面既叩門內容只係參考，可能年年唔同．

好了，到擺排名，有ｄ學校係冇可能擺在第二位，如果唔係擺在第一位，基本上係唔需要再擺落去，除非你想叩門好睇ｄ，基本上上面講既五間小學，擺在第一位打後其實係浪費，完全對抽籤結果沒有幫助，亦只會有負面影響，當你了解電腦點樣抽籤，就會明白．

唔同家長有唔同心儀既學校，以下是本人的排位建議，只供參考而已，排名先後並不一定代表學校的好壞，我亦不是認識太多，只是一般人的喜好排列，沒有提及的也不代表她不是好學校，我不建議大家拿小學跟小學比較，但講邊間小學有咩好我覺得完全冇問題：

1. 一呂 / 沙呂  / 一胡 / 培基
2. 朱小
3. 蕭小 / 梁小
4. 沙循 / 沙胡


第一位，當然係大家最心儀既小學，朱小第二位並不是有機會抽到，而係萬一第一位唔中，要叩門都仲多間朱小可以叩，因為一胡同培基都唔睇志願都有得叩，但叩門時佢睇唔睇排名就唔肯定，可能都會有參考，如果你認為你小朋友非常Top，可以唔理一胡同培基都得，最多都時叩先至突出表現搏一搏．至於第三位，其實都好緊要，因為呢個就係保險線，基本上一同二都唔中，第三選呢兩間既機會都仲好大，因為以往有唔少人排到去第三位都仲排緊冇可能既呂明才，蕭小同梁小都係好小學，有人更將佢放在第一，入唔到最top既，有呢兩間收，其實都唔錯．

如果唔係放呂小在第一，我就有咁既建議，蕭小同梁小應該第三志願都仲入到，可以騰出第二位選一間叩門時好睇ｄ，不過呢個唔可以保證，因為每年出世率唔同，又可能多左人識玩呢個遊戲，想穩陣ｄ，建議將蕭小同梁小放第二位，其實識遊戲規則，點抽落到第三，第四已經知結果，所以5打後既選擇，我也不必多提了，但大家最好填哂全部，幾唔願意都好，無它既，因為冇蝕底，冇蝕底既野，填多幾隻字也無妨吧！

1. 朱小 / 一胡 / 培基
2.  朱小 / 一胡 / 培基
3. 蕭小 / 梁小
4. 沙循 / 沙胡

再講多次，只係參考，因為年年唔同，而我亦只是一個家長，只希望能將小小經驗，分享給大家，事實可能未必如本人所說，如果大家心儀既小學同我心目中既選擇有唔同，也可不必理會上面，小學先後次序是敏感話題，希望大家能和諧討論．

[ 本帖最後由 mingb 於 10-9-15 04:19 編輯 ]

Geni

Thank you very much for your sharing! Really useful!

bowling68

直頭要置頂 for 91 parent.

沙呂都係識人好辦事

仲有派得唔好, 可以谷小朋友考前三,
係小一上學期完或小一下學期尾
去心儀學校考轉校試  博一博.

dlmcdlcl

敝了, 我一心打算誇區20分 TRY 一呂. 都打算要去到叩門階段. 原來要人事. 我邊O黎搵個識校長的人呢??? 嗚嗚....

大家都是基督教, 我睇O黎要問下牧師識唔識浸信會的牧師了, 多謝報料.

mingb

原帖由 dlmcdlcl 於 10-9-15 13:58 發表
敝了, 我一心打算誇區20分 TRY 一呂. 都打算要去到叩門階段. 原來要人事. 我邊O黎搵個識校長的人呢??? 嗚嗚....

大家都是基督教, 我睇O黎要問下牧師識唔識浸信會的牧師了, 多謝報料. ...

其實好正常的，能夠識人親手俾到叩門信給校長既都有幾十個，位就得十個度，佢又要逐個見，仲邊有可能應付到其他人．

DD仔

我觉得今年的第一志愿,可以从2间LMC,培基,胡上,朱小中选一,但第二志愿,如果不放萧小或梁小,就会颇危险,随时会跌到很后.当然,这只是一个提议,想搏一搏的话,还是可以从5个里面选2放在头两位.
我自己不是太熟识朱小,如果单从升英中%,它又不像是太突出...

goreme

咁第一次交表, (自行分配), 使唔使交 profilio ?

mingb

原帖由 DD仔 於 10-9-16 09:52 發表
我觉得今年的第一志愿,可以从2间LMC,培基,胡上,朱小中选一,但第二志愿,如果不放萧小或梁小,就会颇危险,随时会跌到很后.当然,这只是一个提议,想搏一搏的话,还是可以从5个里面选2放在头两位.
我自己不是太熟识朱小,如 ...

因為先前有人講過，蕭小放第四都入到，而剛過一年有人將蕭小放第三都派到，所以才有這個想法.

朱小可能因為座於屋村內，被唔少人忽略......

little_prince

十分感謝 mingb 的分享。

如果得15分(無宗教分)，自行派位選一呂等於送死。如果叩門都要講關係，咁之前白白送死都係嘥心機?

mingb

原帖由 little_prince 於 10-9-16 17:05 發表
十分感謝 mingb 的分享。

如果得15分(無宗教分)，自行派位選一呂等於送死。如果叩門都要講關係，咁之前白白送死都係嘥心機?

15分絕對冇可能, 20分都未必有機會, 所以你對了, 自行派位其實選佢係side左.

ccfamily

真人真事兩個cases.

Case 1.
甲,乙部first choice都選一呂,因唔識人,連in都無得in.
扣門培基 ,沙呂 (無得in)都唔收.

Case 2.
甲部first choice選培基, 乙部first choice 選沙呂, 兩間扣門都收.

兩個cases都派到沙胡, 扣門第一城胡小都唔收. (估計校長不想同沙胡搶學生).

Ivyl

想問一問大家嘅意見.

女兒有15分,89網,喜歡培基,知道首輪無可能入到.女兒文靜怕羞,希望叩門時因屬首自願而多點誠意分.

值得冒險嗎?

Ivyl

原帖由 Ivyl 於 10-9-17 12:17 發表
想問一問大家嘅意見.

女兒有15分,89網,喜歡培基,知道首輪無可能入到.女兒文靜怕羞,希望叩門時因屬首自願而多點誠意分.

值得冒險嗎?

dlmcdlcl

想問清楚一點，　ＣＡＳＥ　２　係咪識校長，所以叩門收呀？？

原帖由 ccfamily 於 17-9-2010 08:04 AM 發表
真人真事兩個cases.

Case 1.
甲,乙部first choice都選一呂,因唔識人,連in都無得in.
扣門培基 ,沙呂 (無得in)都唔收.

Case 2.
甲部first choice選培基, 乙部first choice 選沙呂, 兩間扣門都收.

兩個cases都派到沙 ...

dlmcdlcl

我前天突然有掙扎，因為一呂要識人才可叩門, 為左呢點, 成晚訓唔著，　係咪應該自行改 TARGET, 因為有20分, 都仲有其他選擇, 但想來想去, 真係心儀一呂 (津貼來講), 所以都係決定駁一駁, 20分自行揀一呂, 甲1揀一呂, 加上中途開始寄定自薦信, 睇下有冇得叩門, 如果真係冇, 都心甘命抵, 最多返本區讀.

另外, 我都會報8間DSS & PRIVATE SCHOOL, 真係聽天由命.

jacquesau

謝謝分享, 如果不論沙呂定一呂都要講關係, 咁我寧願直接揀胡素貞或者蕭漢森咪重好？

mingb

原帖由 dlmcdlcl 於 10-9-19 00:15 發表
我前天突然有掙扎，因為一呂要識人才可叩門, 為左呢點, 成晚訓唔著，　係咪應該自行改 TARGET, 因為有20分, 都仲有其他選擇, 但想來想去, 真係心儀一呂 (津貼來講), 所以都係決定駁一駁, 20分自行揀一呂, 甲1揀一呂, 加 ...

哎也，搞到你訓唔著添......

唔好咁大壓力啦，如果你心儀一呂，就勇往直前吧，我覺得最重要係在二，三位既選擇做得好，唔好搞到派到自己唔理想既小學就OK了．

mingb

原帖由 jacquesau 於 10-9-20 14:54 發表
謝謝分享, 如果不論沙呂定一呂都要講關係, 咁我寧願直接揀胡素貞或者蕭漢森咪重好？

咁就要睇下個決心係點樣了，又未必抽唔中既，好多人真係好恨入到呂小，就如中獎，見到有人真係抽到開心到喊出黎，其實咁出名既學校俾你真係有得叩有得面試，機會都唔會大，因為競爭好大，所以係咪因為冇得叩而唔選佢，睇下你點睇吧~