- 在線時間
- 220 小時
- 最後登錄
- 17-5-27
- 國民生產力
- 240
- 附加生產力
- 1220
- 貢獻生產力
- 0
- 註冊時間
- 70-1-1
- 閱讀權限
- 10
- 帖子
- 1693
- 主題
- 58
- 精華
- 2
- 積分
- 3153
- UID
- 36
|
各位新舊家長:
呢個星期, 我除咗星期三冇返去睇飯之外, 呢個星期都返足5日, 以往首星期正常上課, 都會比較毛漏, 好似見倒小朋友冇帶餐具, 唔知邊個飯壺係自己? 食到成身都係等等等等.... 一切都係正常既!
好多謝呢個星期一班舊家長義工, 同埋少量既新家長義工返嚟幫手, 因為除咗小一生之外, 今年重要加派人手上小三睇飯, 因為小三開始, 小朋友再唔係食一個個既飯盒喇! 而係... 佢地會自己裝飯, 添餸.... 所以, 對我地嚟講, 佢地就好似小一學生樣, 從零開始學起...
但各位家長可以放心. 過去呢一個星期, 小朋版適應力都好強, 先講小一同學仔, 佢地好叻, 係我近呢2年以嚟見既一班較叻叻既小朋友, 佢地開飯時間快, 食飯時間都好快, 再加上, 今年既小一生, 亦都好聰明, 一點就明... 所以新生家長大可以放心.... 如有問題, 亦可以問我, 我會盡自己知道既, 同大家分享~
小二生因為已經有一年既食飯經經喇. 所以佢地都好快上手, 呢點小二家長都太可以放心...
小三同學仔今年就最開心喇, 因為佢地自己裝飯, 自己添餸, 對佢地嚟講, 真係好有挑戰性, 小朋友今扶會學識, 如何珍惜食物, 我地亦盡可能會喺呢個月內, 幫佢地手好好加快開飯既時間, 同埋, 教識佢地唔好眼闊肚窄...
==============================
寶姨姨可以同大家分享一吓過去呢星期既趣事, 等大家都可以更加了解佢地食飯時間...
1. 因為小一生今年第一年入嚟讀, 佢地喺好多時都會每事問, 佢地會問, 點解要食飯盒? 點解會咁多人睇住佢地食飯(老師+1~2個家長義工)? 點解食學校飯要食一半以上, 自己帶飯要食晒等等.... 佢地求知心好強, 同時佢地既理解力亦同樣咁強...
2. 有一個小一同學仔, 有日食完飯, 唔記得帶餐具返屋企洗, 於是第二日個餐具發出少少嗅味, 小朋友大頭蝦, 絕對同佢係高/低年班冇關... 因為, 好多高年班同學仔都會...
3.星期四當日, P.3 某班學生因為食飯前上完PE , 所以佢地果日一班食咗足足4盒飯.... 嘩! 我睇倒眼都突埋, 邊可能食倒咁多飯架... 哈哈, 但佢地好開心咁話, 我重未飽呀! 見佢地食得咁開心, 自己都好開心呀!
===============================
喺呢度, 我好多謝呢個星期比我急CALL 返嚟幫手睇飯既家長義工, 當中有新既, 亦有舊既... 希望日後, 每有更多家長義工返嚟幫手啦! 因為過埋呢2星期, P.3就已經唔駛家長幫手睇飯喇... 我地只會全力睇P.1P.2... 如果大家都想更了解家長義工既工作範圍, 或者從做午膳姨姨當中更了解自己小朋友平時食飯情況, 大家都可以join 我地一齊玩架... 就算只係一星期一日, 或者係一個月一日, 我地都十分歡迎大家加入.... ^^
分享到此~ 希望各位小朋友會有個愉快既新學年啦! |
|