小一開學後, 情緒有問題

tigerkelly

Hi 各位 Dad, Mom,

我個女K3時很喜歡返學,  样样事做足100分.  但自從小一開學後情緒有變,  時時悶悶不樂, 每天放学后样子總係唔開心..  問佢点解,  她說上堂時, 很多小朋友頑皮, 很噪,  這令她很煩燥及不能集中精神上課.  

她被老師選了做班長, 負責維持秩序,  但大部份同学都不聽話.  擇了其中一人名之后, 那小朋友立即刷掉...她覺得沒辨法維持好秩序是她的責任, 怕老師鬧.

是不是大部份小学都是這样呢? 定還是我個女過份認真呢?  我覺得有啲似逃學威龍間學校咁..  

我擔心緊唔知係唔係揀錯學校比佢...

盼賜教

lam1115

我囡囡又是這樣呢,心情好差.有一日有個男同學不小心用PEN 點左一點係佢校服,點知返到來喊晒口話,佢肯定有心呀 ~~ 我話你同學或者唔小心呢,唔好甘計較啦好嘛...佢就唔出聲啦.
佢比以前小左說話,成日無拉拉就喊噃..我問佢做咩喊,佢話好驚返小學呀..我問佢點解佢話D 男同學好曳,我話你大個女架啦,要慢慢見不同既人,有乖有曳小朋友慢慢去接受啦 ~~唔好為小小事唔開心啦 !!
其實我知道係升上小一係要有過渡期,但見到其他小朋友開開心心,見到自己亞囡成日喊噃.我個心真係不是味兒架..

JANPCY

開學個幾星期之喎.....咁快就要班長負責擇名. 小一學生都需要時間適應課室既秩序, 咁快就叫小朋友擇名, 擇人地名果個又有壓力, 被擇名果個又唔開心....

如果你女因為咁而有壓力, 不妨同老師傾下啦, 問老師班長係咪要負責擇名.

chan803

原帖由 tigerkelly 於 10-9-10 14:49 發表
Hi 各位 Dad, Mom,

我個女K3時很喜歡返學,  样样事做足100分.  但自從小一開學後情緒有變,  時時悶悶不樂, 每天放学后样子總係唔開心..  問佢点解,  她說上堂時, 很多小朋友頑皮, 很噪,  這令她很煩燥及不能集中精 ...

有無同班主任講?

或者同班主任要求唔好做班長住? 不過記得問過囡囡想唔想唔做先.

粉紅虎

囡囡都係小一暫時未發生以上情況, 亦明白大家心情, 近排睇左幾本孩子情緒問題書本, 小小書本上的分享, 希望幫到大家....
當孩子情緒不佳, 聽到父母要自己這樣要自己那樣, 又怎麼可能接受呢? 要真正幫助小孩, 就得先讓小孩平靜下來.
孩子雖然哭個不停,但哭泣絕對不是小朋友的本意, 到這種情況時, 父母要先穩定自己, 要明白往往並不是他們自己想哭, 而且多數情況下找不出原因, 小孩就是一直哭泣, 掌握了小孩哭的這些特別, 才能和孩子的心自然地產共感.

當小孩的情緒不穩定時, 首先要做的確認情緒, 所謂確認, 就是大人對小孩情緒的正確了解.

要這樣對他說 : <是的, 我知道你一點都不想哭, 可是忍不住一直要哭個不停.....對不對? 你也不想哭個不停, 但就是停不下來,對不對?>

說完這些話之後, 如果你能理解這點, 就能把這些話很有技巧地告訴他, 說的時候態度溫柔而認真.

孩子哭泣多半是因為願望沒有得到實現,心裡難過,他們還不懂得控制, 所以一哭就停不了, 一旦大人了解他們的心思, 親切而輕鬆地對話, 他們的心就會不知不覺地開朗起來了.

我個人閱讀後感想.... 我多左從小孩的角度去諗, 細心左聽囡囡講野, 對囡囡溫柔左, 我覺得有好處, 囡囡比之前係好左, 睇多d書真係有羥幫忙.

happyvalley

原帖由 tigerkelly 於 10-9-10 14:49 發表
Hi 各位 Dad, Mom,

我個女K3時很喜歡返學,  样样事做足100分.  但自從小一開學後情緒有變,  時時悶悶不樂, 每天放学后样子總係唔開心..  問佢点解,  她說上堂時, 很多小朋友頑皮, 很噪,  這令她很煩燥及不能集中精 ...

間間學校都叉唔多，鬼叫學校無權撰學生！所以幼稚園裹同學守規矩，真是會有利有弊的…

我囡小學叉唔多一樣多活躍學生，不過幼稚園同學與生番叉唔多，上到小學就無人事的問題了，還會學懂忍，及用說服。

Whitepine

升小一真係一個好大的轉變，小朋友開始要自己去學懂解決一些問題。而家可能要令佢知道你明白佢的難處，問下佢自己的意見，佢自己可能想解決的方法等。或者同佢分享下你自己的感受，令佢明白難題經常都會有，小朋友大左就會同以前面對的事唔同左。

另一方面，你都要同班主任講，當然要預先話比小朋友知，佢同意後才做，有時小朋友可能想自己解決都有可能呀!!

原帖由 tigerkelly 於 10-9-10 14:49 發表
Hi 各位 Dad, Mom,

我個女K3時很喜歡返學,  样样事做足100分.  但自從小一開學後情緒有變,  時時悶悶不樂, 每天放学后样子總係唔開心..  問佢点解,  她說上堂時, 很多小朋友頑皮, 很噪,  這令她很煩燥及不能集中精 ...

Whitepine

唔好禁擔心，呢到有好多家長同你一樣。鍚佢多D，同佢傾多D。大家一齊努力!!!

原帖由 tom911 於 10-9-11 10:54 發表
我大女都係咁，幼稚園好開心，一上小一，就有焦慮，成日驚，又悶悶不樂，呢2日喊到話唔要返學，嗚…希望女女快些適應喇！見到佢咁，又擔心又痛心 ...

fa_fa

個個小朋友都會發生唔同問題,
我個囝問題就唔係學校問題,
而係發覺佢自從升咗小學博咀多咗,
叫佢做一樣野或提佢做一樣野,
佢話 : 得啦!唔好講咁多!
仲挑戰你既權威同決定,
話 : 我覺得你咁做唔啱, 俾著我一定唔會好似你咁呀!
每日總係要唔開心收場,
我都唔知點算?
唔知關唔關佢做班長事呢?

Whitepine

問題唔係番學唔適應禁簡單!!

可能你地要細心留意下小朋友，佢或者有一些其他問題。

原帖由 fa_fa 於 10-9-12 00:36 發表
個個小朋友都會發生唔同問題,
我個囝問題就唔係學校問題,
而係發覺佢自從升咗小學博咀多咗,
叫佢做一樣野或提佢做一樣野,
佢話 : 得啦!唔好講咁多!
仲挑戰你既權威同決定,
話 : 我覺得你咁做唔啱, 俾著我一定唔會好 ...

panbaby

未必一定關做班長事, 有些細佬做班長不知幾開心, 頂咀是很多小孩成長必經之路, 要軟硬兼施.

原帖由 fa_fa 於 10-9-12 00:36 發表
個個小朋友都會發生唔同問題,
我個囝問題就唔係學校問題,
而係發覺佢自從升咗小學博咀多咗,
叫佢做一樣野或提佢做一樣野,
佢話 : 得啦!唔好講咁多!
仲挑戰你既權威同決定,
話 : 我覺得你咁做唔啱, 俾著我一定唔會好 ...

nakoko

原帖由 tigerkelly 於 10-9-10 14:49 發表
Hi 各位 Dad, Mom,

我個女K3時很喜歡返學,  样样事做足100分.  但自從小一開學後情緒有變,  時時悶悶不樂, 每天放学后样子總係唔開心..  問佢点解,  她說上堂時, 很多小朋友頑皮, 很噪,  這令她很煩燥及不能集中精 ...

我仔都係小一又係做左班長,又係要擇人名,佢又冇唔開心仲覺得自己好威咁,有次佢話我知擇某同學名時,該同學即刻擦左佢,我問仔仔點做,佢話再寫返,佢再擦,佢再寫直至佢唔再擦,其實都擔心,驚繼續落去會攪到冇朋友鍾意同佢玩,但咁難得有班長做而佢又鍾意做,冇理由要去同老師講佢唔做喇,人生難得一個經驗,點都要佢繼續既,我諗一個學期完就換新架啦,但我同仔講,不如下次再有同學嘈需要擇名既,試下比次機會佢叫佢安靜先,再嘈就擇你名架喇,anyway,呢d係佢學校裡人際關係上既野,始終由佢口中轉術返黎有幾真確真係唔知,唯有盡量問多d,大家努力

pennyma

我個女情緒沒問題,反而係做功課做得好慢,而且學校老師要中文字寫得好正,所以做5至6樣功課要1.5至2小時,有沒有家長可分享另小朋友做功課快些的方法呢?

happyvalley

原帖由 pennyma 於 10-9-17 22:56 發表
我個女情緒沒問題,反而係做功課做得好慢,而且學校老師要中文字寫得好正,所以做5至6樣功課要1.5至2小時,有沒有家長可分享另小朋友做功課快些的方法呢? ...

我囡小一慢過妳，當然唔好學我，因為我幫佢做。其實還細姐，到小三就無問題，不過要面對考試會寫得慢，常錯字，低分數…

見過小一精英，佢地寫字好快，計數連加都好快，我囡當時真係無得 Fight！

winniethe718

我小朋友最初讀一年級時做功課都很慢.
就咁抄書都最小抄一小時.加詞語又一小時
他手仔抄書同抄詞語已經很累.仲其他功課呢!所以大家都做到係度發脾氣

我之後同佢定左個時間表.同規則.
每做30就休息10分鐘.但個10分鐘內唔可以看電視.唔可以玩.可以做的是去洗手間.飲水.安靜坐係係度.同閉目養神.
#一定做好功課才可以看電視.才可以玩
5:30食飯,6;00再做功課
9:00就一定要訓.功課做唔晒的話.我會寫手冊給老師知道.因為我有和老師相糧過.如真的太多功課時,我兒會星期六,日補做.

仲有就係平時同小朋友做吓手仔的小肌肉發展.手仔無咁快累,做功課都快D

之後他因為要玩同看電視,很多時食飯前便會完成功課.咁多左好多時間溫書

tinkerbell2004

我都有d同感, 覺得佢博咀多咗, 但試吓唔好批評佢太多, 唔好樣樣都話佢 "唔啱", 好似反應好d!

原帖由 fa_fa 於 10-9-12 00:36 發表
個個小朋友都會發生唔同問題,
我個囝問題就唔係學校問題,
而係發覺佢自從升咗小學博咀多咗,
叫佢做一樣野或提佢做一樣野,
佢話 : 得啦!唔好講咁多!
仲挑戰你既權威同決定,
話 : 我覺得你咁做唔啱, 俾著我一定唔會好 ...

tinkerbell2004

要用2-3小時做功課, 真係好辛苦!

原帖由 winniethe718 於 10-9-18 09:15 發表
我小朋友最初讀一年級時做功課都很慢.
就咁抄書都最小抄一小時.加詞語又一小時
他手仔抄書同抄詞語已經很累.仲其他功課呢!所以大家都做到係度發脾氣

我之後同佢定左個時間表.同規則.
每做30就休息10分鐘.但個10分鐘 ...

pennyma

謝謝大家,我想請教下是否給個女小睡片刻再做功課是否比較好呢?小朋友做咁慢是否平日都沒時間溫習當日所學的呢?