各位,請幫忙解答,我個仔似傾向邊類呀?(急問)

R小姐

Dear 各位媽咪,
係咁既,我個仔就黎兩歲九個月,岩岩喺1/9/10正式讀K-1,
先講吓佢平時性格,喺屋企都係冇時停,鐘意周圍走,好少坐定,
不過佢有興趣既野,佢都會坐定定做,eg:佢鍾意睇既DVD,
佢可以坐定定睇完又睇都得,如果睇厭左就梗係同圍郁啦..
=_=,但佢喺發展/學習同理解方面都係OK完全冇問題,
尤其記性好好,講一,兩次就會記得(補充:尤其對佢鍾意既野,簡直講一次已經記到實...)
依家唯一既係表達能力仲係未可以講到一句句子,暫時都係呢D先係講4個字一句--->老師早晨/唔該媽媽/唔該亞爸...
佢喺情緒方面係完全正常,從來都冇發覺佢行為古怪/異常/失控,完全冇,但有時掛住玩/有野吸引,佢就唔會望你,
要叫佢望住我,我就會望住.
唯一發覺佢同一般小朋友唔同,就係佢有潔癖,呢樣野喺佢歲幾開始發現,直到依家就黎兩歲九個月,依然都係咁,仲越大越要乾淨/隻手唔肯拎野食,起初以為佢懶得拎,但用叉或牙籤拮住佢係會拎,到左就黎要返學,我同婆婆就強迫佢拎餅乾/曲奇,(因為呢兩樣食物都唔可以拮黎食),佢好勉強拎起,隻手會拈左餅碎/曲奇碎,佢就係咁用手拍,多數會打開隻晒手好似唔想要隻手咁,食飯時有一粒飯喺咀角都會指到你抺左為止/玩緊佢最鍾意既野就一定要擺得好好,歪少少都唔得...(佢既Info介紹到呢到先)
依家問題就係,佢返左第一日學,老師同我講佢第一日返學既情況俾我聽;話佢坐唔定,話佢果時會聽,立即坐底,但老師行轉背佢就又唔肯坐,老師話佢好少同老師有眼神接觸,對鍾意既野先有興趣,唔係樣樣野都岩/可以引到佢注意力,所以又認為佢專注力不足,老師問佢野唔係次次答---->其實呢樣佢喺屋企都會咁,我有時叫佢叫我(即係叫媽媽),佢多數會奸笑走左去(PS: 佢肯定係聽到,因為佢奸笑,並唔係好似聽唔到咁),我同佢講,好啦,你唔叫媽媽,媽媽唔彩你啦,佢聽完立即叫媽媽....-_-,呢樣野歲半開始到依家有時都係咁,好間唔中先一叫佢就叫我....-_-
老師講完以上佢上堂情況之後,已經話覺得佢同其他廿五位小朋友唔同,第三日已經話寫信轉介我個仔做評估-_-"
(補充:之前老師有問過我個仔識左咩知識,我答佢個仔識講24個英文字,6個顏色,1-10數字,數字就用左3,4日左右識講/識認...老師聽到就問我有冇帶佢Check IQ,我答左冇,因為唔覺得佢有咩問題,太蠢或太叻,兩樣都唔係)
依家同大家講完一大輪,想問吓各位有經驗既媽咪,我個仔大概有冇問題?因為我上網搵過[自閉]/[過度活躍]同[資優生]都有好多特徵相似,所以我都睇到好亂,唔知佢有邊種傾向,大家有冇仔/女係類似我個仔咁款架?
Sorry,太長篇,唔好意思,多謝各位解答:)

asap2122

你囝囝是否很少和其他小朋友玩，或是很少機會？如果是，睇情形，至多只是有少少自閉症傾向。我個仔也差不多同樣情況，好彩早發現，定期密集訓練就ＯＫ！

R小姐

我地屋企得佢一個小朋友,所以佢平時比較少同其他小朋友玩,返學之前婆婆每日都會帶佢落公園玩,佢好鍾意群其仔小朋友架,相反,如果小朋友返晒學公園冇人,佢就會走,唔會一個人玩....
有時我朋友帶仔/女黎我屋企玩,我都有留意過佢情形,都係會同其他一齊玩,仲要讓佢心愛既玩具俾佢地玩,冇自私或唔讓既情況,所以我一直都認為佢社交方面係冇問題,有時同佢去街街,都會主動走過去另一個小朋友度,有時仲會攬住對方添...

mybabynbaby

1>依家唯一既係表達能力仲係未可以講到一句句子,暫時都係呢D先係講4個字一句--->老師早晨/唔該媽媽/唔該亞爸...>>
語言差左少少, 可以講3詞句子嗎?例"我要食餅", "俾波媽咪"....其他人成日都唔理話黎用"遲0的大個會識呢0的黎籍口.."

2>但有時掛住玩/有野吸引,佢就唔會望你,
要叫佢望住我,我就會望住
3>老師問佢野唔係次次答
4>坐唔定>>
專注力不足

5>仲越大越要乾淨/隻手唔肯拎野食,佢好勉強拎起,隻手會拈左餅碎/曲奇碎,佢就係咁用手拍,多數會打開隻晒手好似唔想要隻手咁
6>玩緊佢最鍾意既野就一定要擺得好好,歪少少都唔得>>
固執行為

有少少似自傾.
其實佢係咩都唔緊要啦~只要你發現佢有問題你去處理.
例如:你覺得佢語言未識表達, 你可以同佢去語言治療, 同埋你地要堅持要佢答你地野先俾佢, 就算講唔到一句, 你都要佢答,要唔要, 食唔食, 俾唔俾...等, 佢肯講一兩星期後,再加長, 我食, 我要, 俾我...etc..如佢唔想講,你都要佢點頭/"令"頭, 一定要表達, 如果佢為左唔表達而發脾氣, 你可以訓佢咩都唔俾佢/要訓佢企/坐, 同佢講"媽咪要訓你, 因為你xxxxx...", 企/坐係一個佢可以睇到你會有咩行動既地方, 你就唔理佢,做家務當睇佢唔到,過一,兩分鐘後,你就埋去呵番,  但佢一走開, 你就捉實佢, 唔好俾佢走, 同佢講"媽咪要訓你, 因為你xxxxx..." 都幾WORK.

你覺得佢唔識同同齡小朋友溝通, 你帶佢去社交班, 去公園你可以教佢點同小朋友玩, 帶波..etc, 就搵0的差唔多大既小朋友同佢地, 可唔可以一齊玩呀,你小朋友就可以從中學習
點同小朋友溝通.

同埋教佢多0的打招呼, 同保安員又好, 要野又好..等佢接觸多0的人.教買野,要講"俾錢唔該", 找錢後"唔該叔叔/姨姨"

你覺得佢下午佢咩野做, 你可以帶佢去興趣班. 畫班,英文班, 大肌肉班...etc...

當發覺佢有唔同,就早0的同佢訓練啦~
我個女都係3歲知佢發展遲緩(言語/認知遲左9個月-1年)
不過言語治療師同我0的朋友(心理學家/幼稚園老師)都話佢冇認知遲左9個月-1年咁多, 只係言語/言語理解差)

一齊加油~~!

[ 本帖最後由 mybabynbaby 於 10-9-13 08:06 編輯 ]

hinhei

其實你應該同你個仔去排期, 咁樣就會確確實實知咩事, 而加個個你一言, 我一語, 真係會搞到自己好迷惘!!

但若果真係係我個人睇到......好似我仔細個!!


坐唔定


但係有趣興的就可以好專注


鐘意排嘢....


遲說話


好記性


鐘意同人玩.....但你有無留意到其實佢係唔係咁識得係一大群人中溝埋一齊玩?? 會見到佢特別咗??!!


我仔最後評為亞氏保家症!!


佢上N班都係不停比老師投訴, 叫我帶佢去評估.......


不過呢D真係只係我呢個C奶講, 我未見過你個仔, 我未讀過心理學........


所以你最安心都係帶佢去做評估吧!!

winavis

原帖由 R小姐 於 10-9-10 00:43 發表
Dear 各位媽咪,
係咁既,我個仔就黎兩歲九個月,岩岩喺1/9/10正式讀K-1,
先講吓佢平時性格,喺屋企都係冇時停,鐘意周圍走,好少坐定,
不過佢有興趣既野,佢都會坐定定做,eg:佢鍾意睇既DVD,
佢可以坐定定睇完又睇都得,如果 ...

My daughter exactly the same as you talk.
but her teacher said need to observe a period of time. coz she just go to sch 2 days

Cutemom0808

看來你小朋友只是專注力缺乏，沒有甚麼不正常呢

小貓媽媽

原帖由 R小姐 於 10-9-11 00:26 發表
我地屋企得佢一個小朋友,所以佢平時比較少同其他小朋友玩,返學之前婆婆每日都會帶佢落公園玩,佢好鍾意群其仔小朋友架,相反,如果小朋友返晒學公園冇人,佢就會走,唔會一個人玩....
有時我朋友帶仔/女黎我屋企玩,我都有 ...

我囝囝都同你一樣，不過我想問你一句，你兒子讀的幼稚園是否有收兼收的學童呢？因為我聽一個朋友講，有些學校會想拿多些津貼（因為收兼收有津貼）所以見到稍為有問題都送去檢查，睇吓會會搏到係兼收，所以也不用太介懷，咪當做BODY CHECK。

Glucks

其實你個小朋友唔似有問題, 佢似未適應到新環境, 新人同新事物. 你不如叫老師再留意下佢, 例如佢想要一d野, 但老師唔比或唔準, 佢會唔會大聲不停尖叫等等...

Himmi

你小朋友平時當無專注做緊野甘同你/其他人講夜﹐有無望住你﹖或者例如問你羅零食甘﹐有無望住你﹖或者同人打招呼﹖如果有望人都已經唔會當係自閉症了。
當然我唔系專業﹐只系因為我的兒子剛做評估﹐先前老師懷疑他有少少自閉傾向。見治療師時講既﹐有眼神接觸就已經唔會系。睇你所講的請況﹐你兒子似系跟我既一樣有感統問題。
你負擔得到既可以去私辦的評估中心。或者你叫醫生寫信﹐去http://www.dhcas.gov.hk/tc_chi/information_nr/information_nr.html 排期。