怎防止轉動物件、重覆性行為、鴰鵡式說話？

charisma07

我兒3y3m，現在正等候自閉報告結果。不過未知結果，近幾天已見佢愈來愈愛轉物件，乜都攞黎轉：書、電話、煮飯仔個蕃茄、梳……愈轉愈快，我可以怎樣長遠地停止他？若我在他身邊我可以轉移他。但當我走開，佢一無聊又轉過。怎麼辦？

另外，我兒也有重覆性行為。有時會無端端大力fing頭，又或者無端端在眼前位置拍手，真的很怪，又驚佢整傷頸，怎樣可以防止再發生？

再者，我兒亦喜歡鴰鵡式說話，有時我知他是不明白，所以重覆。但有時他刻意重覆，好似搭車時他會模仿其他乘客/小朋友說話，他跟本不會明，卻刻意模仿，然後望望我笑，想吸引我注意。另外，佢又會模仿電視廣告口語，間唔中講「天氣報告係由幸福化痰贊助播出」，而且又愛看財經節目的匯價表(數字走來走去，卻形式很單調)。很奇怪，怎麼辦？

謝謝各位。

pocoyo123

同我亞仔兩年前都幾以, 同佢做D訓練, 有用呀

原帖由 charisma07 於 10-9-9 23:54 發表
我兒3y3m，現在正等候自閉報告結果。不過未知結果，近幾天已見佢愈來愈愛轉物件，乜都攞黎轉：書、電話、煮飯仔個蕃茄、梳……愈轉愈快，我可以怎樣長遠地停止他？若我在他身邊我可以轉移他。但當我走開，佢一無聊又轉過。怎麼辦？

...

someoneelse

感統問題...快 d搵 OT 或感統班幫手....千祈唔好俾佢將“問題”轉變成“習慣”，否則到時很難戒除....

原帖由 charisma07 於 10-9-9 23:54 發表
我兒3y3m，現在正等候自閉報告結果。不過未知結果，近幾天已見佢愈來愈愛轉物件，乜都攞黎轉：書、電話、煮飯仔個蕃茄、梳……愈轉愈快，我可以怎樣長遠地停止他？若我在他身邊我可以轉移他。但當我走開，佢一無聊又轉過。怎麼辦？

...

kelvin_hmlau

對不起說一句: 你的兒子很可能有自閉症/傾向.
快快去政府或私家作評估為妙, 對症下藥.

charisma07

pocoyo123, someoneelse:

謝謝你們。可否講講訓練的detail？我其實報左感統的course，但要10月先上堂，好心急，想快d識多少少skill止住咳先﹗

kelvin_hmlau:
不用sorry, 可以直說吧﹗我已估到兒子出了什麼事，所以已在協康做評估，下一至二個week等報告。心理學家口頭上說他表現比想象中好，初初亦不覺似自傾，只是玩到最後終於見了點特徵。還好，知道什麼事就可以對正下藥。

kelvin_hmlau

很高興見到你很樂觀. 因為你個問題係:點樣阻止, 我的答案係:呢一刻你係無法阻止, 但唔代表這些問題會揮之不去.

1.  如果佢識玩玩具, 識同其他人玩, 佢轉物件可能會減少.
2. 自我搖頭, 可能係本體覺遲緩, 感統訓練應有幫助.
3.  鸚鵡學舌問題, 無需多講, 言語治療肯定有幫助.

小兒兩歲開始發現有自轉和模牆, 睇風扇轉, 和玩自動門, 鸚鵡學舌, 讀廣告等問題. 現在四歲, 有大幅度改善.

加油吧!

charisma07

謝謝你的回應。似乎都係要落落實實上training，先可以懂得當中技巧。

我兒兩歲時到三歲頭都愛摸牆，而家變招了，就係我所講果幾招。技巧同強度都升級左﹗﹗仲有，佢講了好幾次「唔鍾意同小朋友搭校巴，要自己一個人搭」。好啦，等我努力，希望之後會改善。

原帖由 kelvin_hmlau 於 10-9-10 15:11 發表
很高興見到你很樂觀. 因為你個問題係:點樣阻止, 我的答案係:呢一刻你係無法阻止, 但唔代表這些問題會揮之不去.

1.  如果佢識玩玩具, 識同其他人玩, 佢轉物件可能會減少.
2. 自我搖頭, 可能係本體覺遲緩, 感統訓練應 ...

someoneelse

不是專業，不想亂提議，怕弄巧成拙....但現階段可以多點帶小朋友去打千秋...最好每日都打...可以的話，一路打千秋，一路同佢玩拋接球遊戲...如果遊樂場有氹氹轉的設施，也可同小朋友玩下....起初慢慢轉，不用心急....
希望幫到喇...

原帖由 charisma07 於 10-9-10 13:14 發表
pocoyo123, someoneelse:

謝謝你們。可否講講訓練的detail？我其實報左感統的course，但要10月先上堂，好心急，想快d識多少少skill止住咳先﹗

kelvin_hmlau:
不用sorry, 可以直說吧﹗我已估到兒子出了什麼事，所以已在協康做評估 ...

pocoyo123

我諗PST會比較啱你個小朋友, PSＴ就好以一個１對１的私人補習班，　佢邊樣最差，　就做邊樣，　當一樣行為有改善，　連鎖反應下其他行動又有改善

原帖由 charisma07 於 10-9-10 13:14 發表
pocoyo123, someoneelse:

謝謝你們。可否講講訓練的detail？我其實報左感統的course，但要10月先上堂，好心急，想快d識多少少skill止住咳先﹗

kelvin_hmlau:
不用sorry, 可以直說吧﹗我已估到兒子出了什麼事，所以已在協康做評估 ...

January

剛路過. 都想分享下.

我仔仔兩歲幾就開始訓練. 記得開始時好似冇轉野, 但就鍾意排野. 佢而家四歲八, 排野機乎冇再出現, 除左有時鍾意排下火車.  睇返佢呢幾年既發展, 佢細個果陣手仔吾靈活, 手肌差, 又吾識幼想, 吾識操控玩具, 玩玩具時好多時都只係識排同轉. 但而家大過左, 佢都會識玩泥膠, 捉棋, 玩lego, nds等.  

我仔仔之前都有重覆性行為。我就比其他動作或者有意義既行為代替左呢d行為. 每日都有幚佢擦身, 係屋企做感統訓練. 而家呢d行為有九成都冇出現.

我仔亦有鴰鵡式說話，有時仲會作d說話出來代表一d野. 一吾滿意又哭又訓地. 睇返呢幾年佢既發展, 佢當時應該係聽吾明或者吾識用一d岩既字/句子去表達所以先會咁. 有時亦可能覺得好得意, 想引下大人注意. 除左訓練同做家居功課我地都有同佢睇好多書, 帶佢出去玩, 不斷同佢傾計. 佢而家冇呢d行為, 有時講笑問返佢已以作既字係咩意思, 佢都只係笑話吾知.

其實佢地呢d行為好多時都係感統同言語出現問題先會咁樣. 我仔仔自兩歲八開始做言語/感統一對一訓練, 佢果時每樣訓練一星期一堂, 每日都做家居訓練. 再加上社交班,音樂班等等. 我既經驗都係想比你參考下. 學另外果個家長所講, 我吾係專業所以吾敢亂比提議. 但建議你及早認識及訓練, 而家可以去借關於感統, 言語, 自閉訓練既書來睇同埋去聽下d講座. 可以幚你有idea未來點訓練仔仔.

加油呀!

charisma07

謝謝各位媽咪的回應。聽見大家一兩年間可以大有進步，對我而言很鼓舞，我覺得A小朋友都不一定比下去，而且A仔媽咪通常都好好學同好用心，總之我會努力做﹗

又有一點想請教大家，我對training的形式毫無頭緒：

- 譬如我下個月開始輪E位，但聽聞都要輪起碼一年，咁呢一年期間你地如何給OT/ST訓練給小朋友？參加私人機構的？要是的話，我覺得一星期兩次的話，經已好貴﹗還是要頂硬上一年？

- 另外，你地小朋友通常每隔幾耐train一次？OT & ST每星期各一次/ 每兩星期各一次？如果是working mum點安排，豈不是每個weekend都要上堂？還是真係做fulltime mum適合d，可以weekday上堂，train得密d？

- 私營的training質素會否比政府的好d？亦即係，倘若他日我取得E位，政府那些training也有大幫助嗎？還是要繼續自淘腰包搵私營？

- Let's say取得E位後，小朋友所得到的training會直到幾時？係睇佢年齡還是睇佢表現？

好抱歉，我開始令人煩惱，問咁多問題，若有時間的，請幫手回答吧﹗謝謝﹗

someoneelse

事實上，很多自閉情況不嚴重的孩子，就算起初一切都很差，經訓練後也可追貼常人的...當然不是每個小朋友都可以，又或者每一方面也可以，但家長一定看得出分別&進步的！

響未有公家既服務之前，你基本上一定要搵私家幫手的，除非你等得...而私家既 OT & ST 係唔平，而當中 ST 又比 OT貴...不過無論你有錢或無錢，要取得最大成效，家居訓練一定唔少得！因為上堂只有 50分鐘，但孩子有很多個小時在家...

至於邊日去上堂，就要睇你搵既果間中心有咩時間俾你了....基本上情況頗緊張，不是你想要邊日有邊日的....

有些父母要返工，會叫家傭幫忙帶小朋友去上堂，並叫家傭學懂訓練內容，然後回家跟小朋友做家居訓練...但如果不行的話，父母便要放工回家後，跟導師的“功課薄”和小朋友做訓練了....所以響經濟許可的情況下，亦有不少母親們因而辭工做全職媽媽...

家長如按指示跟小朋友做家居訓練，另多加留意並改善孩子日常生活上的情況，加快進程，這當然可減少日後上堂的次數或金錢呢...

E位(可做到6歲)很看彩數，有人說好，亦有更多人說不好...反正依家你未有耐等到，遲些就算吧...好像我兒，一直做私家的，當等到E位時，已經攪掂哂了，派到位也沒用...

Good luck!

原帖由 charisma07 於 10-9-12 00:23 發表
謝謝各位媽咪的回應。聽見大家一兩年間可以大有進步，對我而言很鼓舞，我覺得A小朋友都不一定比下去，而且A仔媽咪通常都好好學同好用心，總之我會努力做﹗

又有一點想請教大家，我對training的形式毫無頭緒：

- 譬如我下個月開始 ...

January

e位, 吾一定比晒3t服務你, 訓練項目亦可能會轉小組或次數減少要試乎你小朋友既情況安排既. 所以都要睇你遇吾遇到好既冶療師. 再加上訓練時間係平日早上或下午所以都好睇你小朋友係返咩學校. 如全日就要請假去上訓練. 另外家長係在職, 亦要請假或者工人帶去訓練. 自己去當然跟足d又可以問多d野. 工人去只要工人返來如實報導已經好好.

私人訓練中心. 最平要四百幾, 一般都係六七百, 有d中心強語言, 有d強感統, 所以你都要睇下口碑, 而且好多時都好睇你小朋友夾吾夾到個冶療師. 一開始通常會做評估先, 然後同你講解再建議你上小組或者個別訓練. 私人中心一對一時間當然可以同中心/冶療師夾, 但一般來講放學時間, 星期六都好full. 可能要排一段時間先有位. 不過私人中心, 就算你吾係一齊上堂, 你亦可打電話比冶療師了解上堂情況同家居功課.  

上咩訓練, 一星期幾多堂. 你要按小朋友既同自己經濟能力. 有時一星期上足七日亦未必幚到小朋友, 反而一家人頻頻泊泊會好辛苦.  上堂只係一個鐘, 家居訓練同改變教育模式先係最仲要. 因為日日都可以做家居訓練, 每時每刻都把握機會練習.

記得我一開始就好緊張, 因為我覺得時間就係金錢, 想仔仔快d開始做訓練吾想錯過黃金時間, 所以都報左吾少訓練, 不過都試左好幾間ot, st先夾到岩既. 除一對一之外又上小組, 社交班等等. 每個月都用左我成份糧. 所以我當時都冇做全職媽咪, 不過做全職媽咪有度好就係你自己同佢去上訓練, 學到之後可以自己做, 慢慢你會發覺都係果d野, 可以自己訓練都得, 咁私人訓練就可減少. 同埋自己訓練係會緊張d跟得好d既. 所以如無經濟壓力當然幾時都係自己湊最好.

最後, 我想講, 小朋友個個情況吾一樣, 有d一分耕耘有一分收穫. 但有d小朋友可能十分耕耘先有一分. 所以我地做家長一定吾可以懶. 大家加油呀!

kelvin_hmlau

以上兩位媽媽都講出重點, 我有少少補充:

E 位係政府資助機構, 基本上無得揀. 當然可能遇上有熱誠的導師, 但亦可能遇上但求出糧的導師. 私人服務很參差, 但勝在有得揀, 唔好的可以 out 佢.

E 位服務基本上去到六歲.

charisma07

幾位媽咪：

謝謝你地咁詳盡的答覆。這幾天也很忙，雖然有看你地的回覆，但今天才有時間reply。

依你地的意見，都似乎在未有任何政府支援前，要自掏腰包頂住先………咁……!!

昨天我同兒子參加協康的playgroup，佢地辦得好好，我又見到其他媽咪都好努力，很同心幫小朋友，見到一班同樣用心的媽咪，心裡無咁孤單，又激發自己要努力。

其實亦想問問大家如何教小朋友英文，因為A仔同常言語發展慢，但唔教恐怕上了小學會更比下去，不過我會開新topic問大家，希望大家可給予意見。

謝謝﹗

caca0921

請問你有無同仔仔去排cac, 我仔做完評估後可以申請津貼, 有千零蚊一個月, 補貼吓都好, 我依家都係每星期一堂感統+幼師訓練, 一個月四千幾好甘呀

固姑娘

我想問下咁多位媽媽, 你地ge 小朋友幾大去做評估ga? 25 m 去做得唔得ga?

someoneelse

我囝19個月已完成評估! 如果你仲未開始,快點喇!

原帖由 固姑娘 於 10-9-17 16:09 發表
我想問下咁多位媽媽, 你地ge 小朋友幾大去做評估ga? 25 m 去做得唔得ga?