小女剛上中一, 我好勞氣, 媽媽們你地有冇甘架 ?

apoaaa

唉, 我女升中一了, 我時時怕佢跟吾上, 所以同佢對功課, 拾書包甘... 我已教左佢一d好的方法, 但佢又吾記得左, 攪到我好火, 我一火, 便狂駡佢, 駡下駡下, 咩都講得出口, 之後, 佢吾開心 , 佢哭....
而我, 在佢 sleep 的時侯, 我好肉赤, 好後悔....

我每次都叫自已泠靜d , 吾好駡佢, 但... 我又要工作, 回家又要 做晚飯, 之後洗哂碗便開始教佢, 我好大壓迫感....

請問, 作為家長你們, 又系點架呢 ? 請指教我吧

Sindy

原帖由 apoaaa 於 10-9-9 15:47 發表
唉, 我女升中一了, 我時時怕佢跟吾上, 所以同佢對功課, 拾書包甘... 我已教左佢一d好的方法, 但佢又吾記得左, 攪到我好火, 我一火, 便狂駡佢, 駡下駡下, 咩都講得出口, 之後, 佢吾開心 , 佢哭....
而我, 在佢 sleep ...

佢地小一小二都自己執書包架囉喎.....到左中一,都大過架啦.....比佢學下跌低啦.....程度跟唔上,就要緊張...但執書包呢D自理野..比佢學下啦

仲要比佢學下咩係佢地責任...我個衰仔小一時...做漏功課,居然同老師講我跟漏左...我初時都有咁既心理,但老師同補習老師都話得佢啱架....問佢而家邊個返學......?

[ 本帖最後由 Sindy 於 10-9-9 15:59 編輯 ]

share.gain

我同你一樣都係在職媽咪, 不過我好你少少, 因我有工人, 放工返去唔駛煮飯.
其實, 個個小朋友性格都唔同, 所以媽咪要面對嘅都唔同, 你個女係咪比較依賴? 我覺得要將責任交番俾佢囉! 或者忍心啲等佢撞吓板先會自己記住. 舉例話: 執書包, 雖然你已教她如何執書包, 但佢知道亞媽會幫佢跟手尾, 所以咪事旦執, 自己唔上心. 你要認真地同佢講: 你係中學生啦! 執書包要自己做唔可以再依賴, 亞媽我唔會幫你執啦! 試一兩次佢真係唔記得帶書俾老師罰, 以後佢就會認真地去做.
咁做法好似好衰, 但係講佢接收唔到竟耍忍啲.

Rattie

今朝  daddy 至問亞囡點解個書包咁重，點解唔擺d 書落 locker 度 etc etc

雖然我都好肉赤亞囡要揹個咁重嘅書包，我都話 "你由得佢喇"。

Support 我哋儘量提供，其他學校嘅嘢都希望佢自己攪掂，可以唔洗幫就唔幫。

hhma

睇topic, 以為你話小朋友懶, 好似我仔上年甘....
but入到黎睇, 因為呢樣野就鬧.....hmmm.....老實講, 媽咪你失控左d bor
btw, 佢唔跟住既方法,有無唔記得做功課or帶少左書呀?

原帖由 apoaaa 於 10-9-9 15:47 發表
唉, 我女升中一了, 我時時怕佢跟吾上, 所以同佢對功課, 拾書包甘... 我已教左佢一d好的方法, 但佢又吾記得左, 攪到我好火, 我一火, 便狂駡佢, 駡下駡下, 咩都講得出口, 之後, 佢吾開心 , 佢哭....
而我, 在佢 sleep ...

wan2010

唔駛咁勞氣，免傷母女關係。

我有以下提議：
1.首先平心靜氣同個女傾吓，睇吓佢有冇乜嘢苦衷或困難；話佢知你其實係想幫佢，因為中學唔會再似小學咁照顧啲學生，所以佢應該學懂自己照顧自己。
2.或者講清楚你對佢的要求(當然唔好太苛刻)，希望佢可以合作，大家都開心
3.可以預備張清單俾佢跟住做
4.亦都贊成俾佢試下撞板，自己去承受番d後果

記住，你自己都要好好控制自己，有些說話真是點樣慶都不能衝口而出，這樣只會雙方都會受傷害的。

bobokiko

哎,我就剛同你相反,我一d都唔理我個女,由得佢自己攪,由於她過份緊張,佢每日看書包,看功課,每日看十幾次,拾完又拾,看完又看,我成日話佢再係咁真係精神病啦,我叫佢放鬆,佢都係咁,我就快都精神病啦,我可以點樣呀

Ivy07

我個仔都係剛升中一，小五開始，已經完全唔伯睇佢的功課，同執書包，開學已經完全無理佢，佢有locker，但個書包鬼咁重，成日同我呻個書包很重，好辛苦，但我都無理佢，淨係叫佢自己諗，提議佢把唔須要用的書放係locker。其實我都好心痛的，但希望佢可以自己學習解決問題先唔理佢。

[ 本帖最後由 Ivy07 於 10-9-9 20:55 編輯 ]

motherlau

緊張實有啦！！

band 1 驚佢跟唔上.........
band 2 想佢叻d 變 band 1.........
band 3 驚佢學壞唔聽講............

我都試過好似你一樣一開火就收唔到..........結果 ........同你對著幹囉........
之後,我情緒上有問題，一講呀女就會 ，知道要控制自己，所以成日提自己，relax.......好多野唔好太上心啦！！盡左責任，唔係太差就算啦！.......
可能因為咁,佢地成績一般,但係win左親情，好愛惜大家，好明白我為佢做既一切 ...........

大個女啦！後果要自己擔！功課、書包自己攪啦！帶唔齊、做唔齊咪比老師罰囉！無謂做醜人........我從來唔煩呢d野，我只係煩佢地溫書咋……… 只係叫佢地自己溫........我冇咁好心機同佢地溫lu.......



我絕對唔算係好媽媽啦！！

原帖由 apoaaa 於 10-9-9 15:47 發表
唉, 我女升中一了, 我時時怕佢跟吾上, 所以同佢對功課, 拾書包甘... 我已教左佢一d好的方法, 但佢又吾記得左, 攪到我好火, 我一火, 便狂駡佢, 駡下駡下, 咩都講得出口, 之後, 佢吾開心 , 佢哭....
而我, 在佢 sleep ...

wan2010

motherlau

咁又誇左d ..........可以平衡下就好啦！
我個d就係乜都唔上心

試下比d活動佢啦！如果得閑一齊煮下野食、一齊睇下電視，分散佢注意力，慢慢拖長d時間,可以話整埋少少野一齊 check ，睇電視睇到廣告時一check, check 完讚佢原來做得好好，呀媽好放心 ，教佢都要放心.....慢慢等佢唔好太緊張.........

原帖由 bobokiko 於 10-9-9 19:07 發表
哎,我就剛同你相反,我一d都唔理我個女,由得佢自己攪,由於她過份緊張,佢每日看書包,看功課,每日看十幾次,拾完又拾,看完又看,我成日話佢再係咁真係精神病啦,我叫佢放鬆,佢都係咁,我就快都精神病啦,我可以點樣呀:naught ...

JJBBCC

唔好勞氣!傷感情!我女都是中一.
佢升中一, 新學校,新老師,每科都新要求, 功課又唔同哂,呢個星期日日都要留校活動, 現在下午,天氣又熱又焗, 書包又重, 又要自巳放返. 放學都無停手, 一時間要pick up 噤多嘢,身心都好辛苦! 見到亞女話好辛苦, 我都好心痛! 驚佢捱病!

但亞女話返到學校,好開心! 見佢功課, 又緊張, 温書都ok,我都好安慰!
佢放學返到屋企, 休息(30mins), 我引佢講吓學校,同學, 開心, 辛苦, 等佢鬆吓! 佢講shoulder痛, 就練佢幾吓! 林哂! 又講多比我知!
佢話學校D嘢又多又亂, 老師又講得快....
我就比本mini size notebook佢, 叫佢老師一講就drop down,
我又print咗"9月"日曆A4 Size貼响書柜門, 等佢mark down 遲D交的功課,project,  要帶的嘢,weekend耍買的嘢. 佢又check到, 我又提到佢.
呢兩樣,亞女都讚我!

我哋返新工,都要3months probation period 啦!

一定要認同 & support 佢!讚吓佢啦! 佢都想好!

JJBBCC

你個女,同我個女,係唔係失散咗的姊妹?! exactly 一樣!!!!
我同你講D嘢都一樣,
EQ高都比佢攪到EQ低, 講到口水乾, 樣樣都担心!
我成日講"未知,未發生,不受控制的事,就唔好想,盡咗力ok!"但佢都係........
激死我!

原帖由 bobokiko 於 10-9-9 19:07 發表
哎,我就剛同你相反,我一d都唔理我個女,由得佢自己攪,由於她過份緊張,佢每日看書包,看功課,每日看十幾次,拾完又拾,看完又看,我成日話佢再係咁真係精神病啦,我叫佢放鬆,佢都係咁,我就快都精神病啦,我可以點樣呀:naught ...

LLMUMMY

我只係負責佢地"有一個健康心身"

其他"自己承擔"

原帖由 motherlau 於 10-9-9 23:19 發表
緊張實有啦！！

band 1 驚佢跟唔上.........
band 2 想佢叻d 變 band 1.........
band 3 驚佢學壞唔聽講............

我都試過好似你一樣一開火就收唔到..........結果 ........同你對著幹囉........
之後,我 ...

Mandy0203

其實我們作為家長的...要學習---放手...
只要盡左力提點他們...他們咁大個...
要他知道做人係要有承擔...
失敗左要學習爬番起身...就已足夠...

當他們覺得辛苦時...
給予適當的安慰和鼓勵...
必定很快發現...他們成長不少...

我由小五開始
完全沒有跟囡囡的功課的了...
甚至乎...溫習都是由她自己來...
或者讓她與同學一同溫習...

她開學的數天...
除了有少許書本要我跟一次之外...
(因為係英文班...大部份書本係全英文)
就沒有其他大問題了...
暑假時...係中學返了兩星期的暑期班...
對校內的事物有一定的認識...
所以沒有太過擔心她對學校不適應...

ZZdaphne

1)由主動幫手變成被動
升中一, 由主動幫手變成被動,即係佢要求我才會幫, 溫書都是, 不過我會偷偷地check 有無帶齊物件,會提佢,或者將物件放係枱上, 笑笑口話佢知, 有意見畀佢,佢唔接受都由佢, 之後佢會明白.

2) 唔好要求佢地教一二次後唔會再錯
我女都好緊張做漏功課和漏帶物件要記conduct, 佢唔係想唔做, 係無記性, 忘記做, 佢地都好大壓力, 就算功課追唔上都唔會罵, 我地要幫佢, 唔係罵佢.如果佢有錯. 如果唔係好過份,我會由得佢, 因為漏功課和漏帶物件, 老師都責怪過, 我唔會再罵, 只叫佢下次留心, 問佢下次使唔使提醒佢, 你要明白,大人都會錯, 何況佢地.但行為上唔可以犯錯. 而且被老師罵下又唔係好大件事, 不過最緊要最重要係---------罵完要改.

[ 本帖最後由 ZZdaphne 於 10-9-10 12:13 編輯 ]

KK

原帖由 apoaaa 於 10-9-9 15:47 發表
唉, 我女升中一了, 我時時怕佢跟吾上, 所以同佢對功課, 拾書包甘... 我已教左佢一d好的方法, 但佢又吾記得左, 攪到我好火, 我一火, 便狂駡佢, 駡下駡下, 咩都講得出口, 之後, 佢吾開心 , 佢哭....
而我, 在佢 sleep ...

睇得出你係好錫佢，但有時要識放手，俾返個責任個小朋友，讀書係佢既工作，做亞媽既最多問下佢做完未做、好未…在旁支持下佢、在家事上盡力照顧佢……每人都應該有佢自己的責任，佢大個架喇！唔再係小學生，係時候改變下過往的習慣…
加油

ZZdaphne

買兩樣武器--------

1)  白板---你寫下想提佢做的事件

2) 記事本-----要仔女寫下學校要做的事件

[ 本帖最後由 ZZdaphne 於 10-9-10 12:10 編輯 ]

ppun

每個孩子的個性不同,但不論怎樣,父母都要學會放手.

昨晚放工回家,我問剛升中一的孩子: "溫好書未?"
孩子想了一想, 答: "未"
我問:"為什麼未?"
他答: "Daddy,其實我只能答未,因我若答溫好,你會問我是否已經識晒, 所以我不能答溫好"
我無語

各位家長,有冇想過孩子其實是已經盡力滿足爸媽的要求.

Sindy

原帖由 ppun 於 10-9-10 12:09 發表
每個孩子的個性不同,但不論怎樣,父母都要學會放手.

昨晚放工回家,我問剛升中一的孩子: "溫好書未?"
孩子想了一想, 答: "未"
我問:"為什麼未?"
他答: "Daddy,其實我只能答未,因我若答溫好,你會問我是否已經識晒, 所 ...

你個小朋友小小年紀都咁入世.....小有小有...我女只識答我有分數啦.....跟住就比我炳佢......