真係頭都爆呀，選小學的過來人可以比意見我嗎？

taimanfung

今年要選小學呀！我個仔好坐唔定，係班中活躍份子，無論答問題、討論、小組活動、玩都一定有份重最多聲音果個，自問佢都係唔聽我教，3個老師有投訴又有讚佢係聰明的，比意見叫我選好嚴同多功課的學校，但我想佢讀d舒服唔太多壓力果d小學，我好驚仔仔受唔到功課和品德的壓力。我應該聽老師意見定跟自己意願呢？好多謝你的分享。

ROLEXMA

首先分清佢係百厭還是勇於答問表達自己，再睇你對仔係學業上期望，百厭我選嚴校，係小學束一束佢，如活潑就選校風好（唔一定嚴，係校內風氣）學校。
純個人意見，只供考慮！

Charlotte_mom

好多人都話活動教學=縱容小朋友曳, 但事實又點呢
我女讀一間活動教學既學校, 今年小5了, 佢(同佢D同學)比起傳統學生都唔係特別曳的, 不過始終學校唔係COOL得緊, 佢地會多咀D敢言D, 創作(吹水)力強D因為學校由得佢地發表, 亦由於同一原因, 小朋友同大人之間關係會密切D, 因為佢地會將心事大事小事都同你分享
我仔係超級心散坐唔定的(懷疑ADHD個案), 我都有問老師, 係咪應該搵間傳統學校黎COOL一COOL佢, 老師話, 佢唔係要呢D, 佢要間學校: 包容到佢D小缺點, 俾到刺激佢學習, 老師肯配合黎令佢上堂更有秩序, 於是我就一條心揀埋家姐間活動學校俾佢
仲有, 活動教學唔等於淺, 呢樣你要記住, 佢地上堂有STANDARD既教材, 但返屋企後做RESEARCH, PROJECT, 搵到幾多料消化到幾多, 就係靠小朋友自己, 所以聰明有求知慾既學生, 可以去到好遠(你寫得幾深, 老師一樣陪你玩, 唔似傳統學校功課永遠只有一個STANDARD答案, 教法上呢樣係好唔同的)

當然最終點揀亦好睇家長決定, 如果你想穩穩陣陣, 時刻清楚知道佢學緊咩, 答案岩唔岩, 知規守禮, 就要行傳統條路喇

原帖由 taimanfung 於 10-9-9 01:47 AM 發表
今年要選小學呀！我個仔好坐唔定，係班中活躍份子，無論答問題、討論、小組活動、玩都一定有份重最多聲音果個，自問佢都係唔聽我教，3個老師有投訴又有讚佢係聰明的，比意見叫我選好嚴同多功課的學校，但我想佢讀d舒服唔太多壓力果 ...

taimanfung

多謝你地分享。我個仔係百厭果種，因叫唔聽，我有用藤條1至2下，有罰企，驚1陣又冇左件事，我唔係好注重成績果種，只要讀得開心，吸收到已ok，其實都係自己做成的，由bb到4歲都冇比d壓力佢，睇書唔多，會帶佢四圍去探索見識，可能自己讀書唔多，唔係好識睇住本書教，可能係咁做成坐唔定，個口冇時停，好大自由度。但我區學校好極端，所以咪頭爆囉！

Charlotte_mom

我有教個仔架, 但佢真係好UN皮+好古惑
叫佢蚊耳仔罰企, 佢夠膽一路蚊一路自己走位去窗口睇隔離屋個電視
細細個BB, 離遠喝佢叫佢唔好攪, 佢就襯你未跑到埋去攪多2下
老師都話, 佢係聰明仔, 完全知道晒D規則, 就係搏大霧, 搏你睇唔到, 搏你睇到又有咩反應, 今次咁做會打, 下次咁做又點, 無反應咩再激D睇下點, 哎...........

所以我會覺得唔係靠COOL就成事, 有D人(好似我仔)絕對係遇強越強果種, 老師要見招拆招同佢鬥智 , 當老師引起到佢學習, 佢學野絕對唔差, 好似我仔而家1:1學普通話, 快過其他學生TIM

原帖由 taimanfung 於 10-9-9 10:19 AM 發表
多謝你地分享。我個仔係百厭果種，因叫唔聽，我有用藤條1至2下，有罰企，驚1陣又冇左件事，我唔係好注重成績果種，只要讀得開心，吸收到已ok，其實都係自己做成的，由bb到4歲都冇比d壓力佢，睇書唔多，會帶佢四圍去探索見識，可能自己讀書唔 ...

Aurea

我囡都係今年選小一, 都係坐唔定, 唔谷得個隻,  越硬佢越唔入腦, 到頭來可能咩都學唔到, 我覺得讀書認該係開心咁去學習, 而唔係我嗌爆喉嚨, 拎住雞毛掃指住佢個隻, 不竟佢要係個間學校度讀 6 年, 我唔想太辛苦, 所以我而家都放軟心情, 唔追逐名校,傳統學校個d喇!  

原帖由 Charlotte_mom 於 10-9-9 10:42 發表
我有教個仔架, 但佢真係好UN皮+好古惑
叫佢蚊耳仔罰企, 佢夠膽一路蚊一路自己走位去窗口睇隔離屋個電視
細細個BB, 離遠喝佢叫佢唔好攪, 佢就襯你未跑到埋去攪多2下
老師都話, 佢係聰明仔, 完全知道晒D規則, 就係搏大 ...

brian61950

又嘆又hea的名校也有的.

原帖由 Aurea 於 10-9-9 15:43 發表
我囡都係今年選小一, 都係坐唔定, 唔谷得個隻,  越硬佢越唔入腦, 到頭來可能咩都學唔到, 我覺得讀書認該係開心咁去學習, 而唔係我嗌爆喉嚨, 拎住雞毛掃指住佢個隻, 不竟佢要係個間學校度讀 6 年, 我唔想太辛苦, 所以 ...

happyvalley

等我插下嘴 + 唸唸先，呢條問題其實好 Standard，小朋友個個都一樣，坐定好或是週身刀，只要有興趣，咪點都會專心上堂。學校 d 方法，來來去去都咪係老師做指揮，傳統或非傳統，老師的師質最重要，老師有辦法，學生自然專注於課堂，可與不可求啊…

小學過程最重點係建立語文基礎，喜歡思維，反而學識其次。

所以能夠做的，或是可以做的，就是多多鼓勵小朋友上進，喜歡閱讀，留意身邊事物，上到高小自然會自動讀書。

分數呢樣野要高分，兩法，一係死做死記，一係思考探索、尋根究低。

所以搵校，最緊要小朋友可以應付，所謂太深無非是考試卷深，或者讀高一年級，無助於學識的。如果讀到人人話深的學校，就準備辛苦六年，反之，搵間平容，無咁辛苦，一樣可以上 Band 1 中學。

[ 本帖最後由 happyvalley 於 10-9-9 23:23 編輯 ]

Charlotte_mom

我小朋友學校有個英文老師, 有次分享佢教書之道, 佢話佢啟蒙老師(教佢教書既鬼佬)同佢講, 對住班學生, 最重要係可以efficiently deliver到message, 所以你要當自己係個entertainer, 要吸引你班聽眾去聽你想講既野, 至叫做成功
唔理傳統又好活動又好, 我覺得以上一番說話都好岩, 點解而家咁多所謂補習天王, 佢地究竟同學校老師有咩分別? 咪就係charm lor

原帖由 happyvalley 於 10-9-9 11:17 PM 發表
等我插下嘴 + 唸唸先，呢條問題其實好 Standard，小朋友個個都一樣，坐定好或是週身刀，只要有興趣，咪點都會專心上堂。學校 d 方法，來來去去都咪係老師做指揮，傳統或非傳統，老師的師質最重要，老師有辦法，學生自然專注於課堂，可與不 ...

taimanfung

多謝回應，我開始有d方向lu 。

wenyin

我有兩個舊同學都係教緊band 1 中學, 佢地話佢地同補習天王最唔同的地方, 係佢地除咗要教書外, 仲要兼顧很多行政, 學生品行, 行為的問題, 又要同家長溝通, 帶學會etc etc, 而補習天王只係做好教書一範就得了.

原帖由 Charlotte_mom 於 10-9-10 11:33 發表

我小朋友學校有個英文老師, 有次分享佢教書之道, 佢話佢啟蒙老師(教佢教書既鬼佬)同佢講, 對住班學生, 最重要係可以efficiently deliver到message, 所以你要當自己係個entertainer, 要吸引你班聽眾去聽你想 ...

csy_ma

原帖由 happyvalley 於 10-9-9 23:17 發表
等我插下嘴 + 唸唸先，呢條問題其實好 Standard，小朋友個個都一樣，坐定好或是週身刀，只要有興趣，咪點都會專心上堂。學校 d 方法，來來去去都咪係老師做指揮，傳統或非傳統，老師的師質最重要，老師有辦法，學生自然專注於課堂，可與不 ...

Whitepine

有道理!!

原帖由 happyvalley 於 10-9-9 23:17 發表
等我插下嘴 + 唸唸先，呢條問題其實好 Standard，小朋友個個都一樣，坐定好或是週身刀，只要有興趣，咪點都會專心上堂。學校 d 方法，來來去去都咪係老師做指揮，傳統或非傳統，老師的師質最重要，老師有辦法，學生自然專注於課堂，可與不 ...

山山

原帖由 brian61950 於 10-9-9 15:52 發表
又嘆又hea的名校也有的.

吓, 邊間??

loveboy

我個小朋友同你個小朋友一樣呀!!講野沒時停~!多多表達~!!!我見網上話嶺x大學香港同學直資小學,呢間係好好既活動教學~€老師好有愛心~但間學校好新~我都唔知呢間野係點??有沒媽媽知多d呀??thanks

brian61950

marymount.

原帖由 山山 於 10-9-11 23:39 發表


吓, 邊間??