搭校車搭到好感慨

ay917

開學時, 向校車司機提出改上落車地點(只係改前一個路口), 個校車司機竟然黑面. 仲話唔知係邊個路口停, 又話會影響其他等接返放學家長...
有時自己會諗唔想撐到咁行, 話晒搭車果個都係自己個囡. 而家先係啱啱開學, 有排先到學校尾...
請問有無家長有類似情況, 可以幫下我嗎?

PeggyF

我覺得大家相就,唔影響大家就無問題,我諗你要同司機傾傾,如果佢唔傾,就係佢唔啱喇!!

hkspiderman

個個好似你咁米亂晒!! 咁set 站做咩???

小曳人

我俾大仔返暑期班時, 都遇過用類嘅問題
但係我遇到個好司機, 佢好樂意幫忙~ 仲要打俾其他小朋友一齊改前少少落車 (因為其實都方便到佢地)
我諗~ 如果你個方案可行又唔麻煩嘅, 應該唔會留難你.. 反而應該問: 點解當初佢set個站响嗰度, 可能有d原因 (e.g. 某d地方停車方便/安全d)

ay917

我都知好多人仲受緊校車氣同埋好多野自己改變唔到..
只係自己係消費者(俾車費果個), 有呢個要求唔係好過份掛. 如果唔得咪出聲囉, 使唔使黑面姐.

原帖由 PeggyF 於 10-9-8 10:31 發表
我覺得大家相就,唔影響大家就無問題,我諗你要同司機傾傾,如果佢唔傾,就係佢唔啱喇!!

marcuscyrus

原帖由 ay917 於 10-9-8 10:58 發表
我都知好多人仲受緊校車氣同埋好多野自己改變唔到..
只係自己係消費者(俾車費果個), 有呢個要求唔係好過份掛. 如果唔得咪出聲囉, 使唔使黑面姐.

有時校車編路線時可能d 時間係好緊迫的，否則尾站的小朋友就好慘了

bluemarry

我個仔仲慘,你都係改一個站,我個伙仔日日都要3個人坐兩個位.放學局到成頭汗.有無過來人媽媽可以教下我點做呀.

marcuscyrus

原帖由 bluemarry 於 10-9-9 16:18 發表
我個仔仲慘,你都係改一個站,我個伙仔日日都要3個人坐兩個位.放學局到成頭汗.有無過來人媽媽可以教下我點做呀.

呢樣我覺得真係要反影wo..係安全問題

bluemarry

我都來想反映,但個校車姨姨又係好串,有時講多句都唔想理你.同學校講又唔知理唔理,真係搭校車搭到好感慨!

ay917

而家問題解決左啦 : 校車司機今朝話去睇過我上次提議的路口, 下個星期試下响果度接送.

bluemarry

你好叻啊.堅持到底,最後成功,我都替你開心.