囡囡讀小一俾同學搶東西呀..點算好 !!

edea

要同老師溝通, 但家長都要小心, 唔好over-react令小朋友壓力更大. 唔好係咁大件事, 唔需要好唔開心. 妳囡囡喊成五個鐘, 會唔會係妳有話佢? 妳先要教佢take it easy, 同埋如果人地再搶佢野, 用嚴正語氣say no及同老師講.

呢個世界邊個地方都有欺凌, 係時候教自己小朋友點去保護自己, 受用一生.

先同老師見面溝通下啦.

edea

原帖由 lam1115 於 10-9-8 11:05 發表

其實我都已經好努力去解釋話俾個囡聽.好多小朋友都有呢d 事情發生,唔好受他們既影響,要積極去面對,我係佢面前都好堅強架啦,強忍眼淚,但只有內心真係好想好想去幫佢..但表面我知道不可以成日甘樣去保護佢架嘛,,為人 ...

我諗妳係一個好林善既媽媽, 其實唔係咩大事, 至少唔係有人糾黨打妳囡囡呀! 或者成班人故意杯葛妳囡囡唔侵佢玩. 呢D情況仲心痛, 我都見過, 但係我相信呢個世界上冇一個地方可以避過欺凌, 問題只係嚴重程度.

小一係適應期, 小朋友慢慢開始長大, 要學會面對, 克服, 團結, 最重要係自我保護.

edea

原帖由 lam1115 於 10-9-9 14:29 發表

搶野個個同學是男同學來架,唉..我今天去了學校同囡囡班主任傾過覺得甘樣問題唔大,要囡囡去面對呀.我知要囡囡去面對,但係唔係要起碼佢唔再驚返學先再面對呢~~
現在連學都唔想返,甘什樣去面對呢,佢未有暴力的動作,只 ...

妳知嗎, 小朋友都係擇善而欺, 越容易欺負到, 整喊佢既, 滿足感越大, 人性就係咁, 妳囡囡要學會堅強, 先唔好喊, 掃佢頭髮就撥開, 要好堅定去保護自己, 當一個人好難欺負, 欺人者就會轉移目標搵第二個(雖然呢樣唔係我地想見到, 但係無奈地冇辦法!), 我地唔可以幫人教仔, 但可以教自己小朋友堅強去面對人生中既風浪.

做媽媽都要堅強, 唔好俾囡囡見到妳好愁, 喊. 否則佢小心靈中都會產生恐懼, 連媽媽都擔心, 連媽媽都喊, 一定好得人驚啦.

妳要俾個好堅強既信念佢, 教佢冇做錯事唔需要驚, 妳要清楚同佢分析對錯, 指出呢個小朋友做既事係錯. 甚至妳可以要求老師俾對方家長既電話號碼妳, 兩個家長直接對話.