潮媽心聲~~最低工資最高工時

MGO

工作壓力大、教兒壓力大、有些更要同早已退休，但樣樣想當年的老人家同住，面對自由度有限的潮媽，唔想咁樣可以點樣? 我個人覺得事實改不了，呀Q又何況! 我的經驗分享站~~

我唔會自己攬晒D野做，通常我有共識老人家負責煮白飯，我回家煮D超簡單的小菜就可以開飯，然後各自開工，老人家緊係睇電視，老公就幫手開機洗衫晒衫(佢的運動時間)，個仔做工課，我就同個仔睇功課(親子時間)，1,2年班教晒佢填學校表格，一簽名搞掂。然後個仔係房睇書，老公入埋去睇報紙 (等佢親子+通識)，我就可以做運動(清潔家務)，然後去廁所焗sauna出身汗(洗廁所)，跟住沖個涼。通常搞完都10點，老人家又睡埋，到我同老公2人世界，如果老公都瞓埋就係我happy hours, 上網睇連續劇，中可以補習埋台語，普通話，日語，有時CHECK吓個仔上過D什麼網站，FACEBOOK有什麼發言，都好忙GA. 得閒咪留句鼓勵說話囉，就係咁14年又過了。

星期6就食好d, 抽埋老公去街市, 帶埋個仔去超市, 等佢地知物價，同練手力喇. 星期日休息日，出街食。如果老人家礙我教仔,我會贊咗佢地先囉，我會話: 我老公咁有分寸，都係你地教得好,我個仔點可以mug都唔識做ga，你帶佢出街咪影衰你地囉，唔得ga,一家人關埋門教好d。

反正事實改不了，凡事向好方便諗會開心d, 正能量都會多d. 如果有最低工資最高工時選舉，我會投香港媽咪一票。

dlmcdlcl

講得好!! 你EQ好高. 讚.

MGO

我都會心情唔好, 我會化悲憤為力量. 我一嬲就會用個廚房出氣, 大清潔一次,洗一次要成個鐘. 什麼火都比D汗整息晒喇. 有時番工做到興,放工我會去買D靚和牛回家, 係屋企一家人玩韓燒(肉類). 加火鍋(煮菜),起碼我唔駛煮! 飲埋氣水. 都不錯. 不過我都知足, 因為我份工都叫準時放工. 我EQ練咗14年, 呢幾年都好好架!