大家滿意今年校巴公司的接送安排嗎?

lotto

住元朗, 上年上車時間是7:30; 今年竟然是7:00, 嚇一跳
之前住屯門, 上車時間也是7:00....
我分別致電校車公司, 似乎不在乎我的訴求, 獲回應: 你有自由唔搭.....非常憤怒!!!
我已致電學校找譚老師投訴 !!
事實上, 上年校車公司無論在接送時間及服務態度也很好!! 不知為何今年要轉? 唉, 新不如舊....

violin-cello

原帖由 lotto 於 10-9-3 19:24 發表
住元朗, 上年上車時間是7:30; 今年竟然是7:00, 嚇一跳
之前住屯門, 上車時間也是7:00....
我分別致電校車公司, 似乎不在乎我的訴求, 獲回應: 你有自由唔搭.....非常憤怒!!!
我已致電學校找譚老師投訴 ! ...

我同意你所講, 因我同你遭遇一樣, 最火滾就係上年盈泳簽唔到學校合約做校車, 叫我地D家長一定要支持佢地, 好啦...我地成班家長不知幾支持佢地, 又同學校反映!!! 我地全部都唔坐學校既學車而坐盈泳保母車....到左今年盈泳順利簽回做校車, 佢地D死人態度即刻惡劣由其係o個個陳e (反轉豬肚), 佢就話知你唔好搭, 早上車就唔好搭啦, 個個都係咁早架啦, 又講大話同好多家長講話校長要求7:30am一定要返到學校!!! 我個仔日日晨咁早就到左學校......

佢地係為左自己趕下場接幼稚園d學生 , 就要我地d仔女倒屎咁早上車, 仲要上車時間比原本通知再提早, 最好笑就係坐左2日, 個學車ee又叫我地再早d, 不停咁提早...我諗就快未天光就要上車!!!

[ 本帖最後由 violin-cello 於 10-9-3 23:27 編輯 ]

09Civic

自作孼....

09Civic

陳姓負責人上年佢失咗合約時，曾打電話比前PTA委員出言XX，最後6位前PTA委員一齊報警............但今年竟然批佢做！學校及PTA都唔知攪什麽？  anyway.......你地可以找當日幫盈泳拉客D前前PTA委員及現位家長校董投訴



[ 本帖最後由 09Civic 於 10-9-4 01:07 編輯 ]

GCH

我地個琴姨都係惡人一名,成日話學校今年早咗上堂,七點九呀嘛,學校無同你地講咩?
我地上年又係七點五上車,但而家就七點上車,我地七點到都仲話我地遲,要我地再早五分鐘等佢車,佢想一黎就走,嘩,咩事呀?我無遲到喎!點解仲要早呀?我仔未到七點半已返到去,真係無謂

而家晚晚八點半就踢個仔上床,第時有默書考試想溫耐少少書,又怕佢唔夠瞓,真係煩:;pppp: :;pppp:

[ 本帖最後由 GCH 於 10-9-4 06:21 編輯 ]

acalbum

非常同意

amychoi

我地係尾二站, 大約都有成8個小朋友, 仲有幾個係小一生, 他們要該站的學生坐車尾位(大旅遊巴), 仲要係6個位坐7個人, 這幾天不用帶書, 個書包都輕D, 我囡好細粒的, 都話迫, 下星期帶埋書時, 我都不咁想像.

行路到學校大約是15分鐘, 搭校車回家要40分鐘, 都想梗搭唔搭好.

hkangel89

其實去年和今年的校車服務都不好，只不過今年到了一個不合理的情況，大家繼續向校方反映及校車公司投訴吧，如果今年不能改變，明年大家便知如何做佢。(合理上車時間，天水圍頭站不應早於七時二十分，元朗不應早於七時零五分)，有學校是有兩間校車公司行同一區，但站不同，少了幾個站，行車及上落可節省十分鐘，而且有競爭才有進步。

GCH

咁即係超載?犯法架喎!

原帖由 amychoi 於 10-9-4 11:14 發表
我地係尾二站, 大約都有成8個小朋友, 仲有幾個係小一生, 他們要該站的學生坐車尾位(大旅遊巴), 仲要係6個位坐7個人, 這幾天不用帶書, 個書包都輕D, 我囡好細粒的, 都話迫, 下星期帶埋書時, 我都不咁想像.

行路到學 ...

violin-cello

原帖由 09Civic 於 10-9-4 00:53 發表
自作孼....

09Civic

我地上年支持盈泳既家長, 都係由幼稚園坐到上小學, 一直關係都好好, 如果唔係我地都唔支持佢啦!!! 所以唔係叫自作孽! 請你攪清楚先好話人!

佢地今年既服務態度惡劣, 我地都一樣會投訴佢地...佢地為左趕下場接幼稚園, 要我地D仔女7:30就返到學校, 實在太過份, 我地一定會投訴

09Civic

自作孼指
1.此人曾對我校前PTA委員所作出的行為！
2.此公司曾有超速前科
3.此公司曾有員工在車上說粗言
4.此公司在非校方上落點上落

以上種種，但有人(有班人)為佢向校方施壓，比佢繼續收客。你地同佢好，現在卻影響其他家長/小朋友

現在請你出來為其他家長爭取，好像你(們)
上年為他說好一樣！

GCH

吓,乜原來大有文章

但老實講,我地上年4a線既姨姨及司機都真係好好呢!今年換咗盈泳,個姨姨惡形惡相,一味叫人早早早,又唔睇緊d細路,我仔小二,佢話放學時d高年級調晒位都無人理,所以好掛住上年既姨姨同司機叔叔呢!

violin-cello

原帖由 09Civic 於 10-9-5 22:21 發表
自作孼指
1.此人曾對我校前PTA委員所作出的行為！
2.此公司曾有超速前科
3.此公司曾有員工在車上說粗言
4.此公司在非校方上落點上落

以上種種，但有人(有班人)為佢向校方施壓，比佢繼續收客。你地同佢好，現在卻影響其他家 ...

首先我要講清楚我地唔係前PTA委員, 亦不是幫佢地拉客個班家長, 向學校施壓亦不是我們, 你不要自己以為係就發神經亂罵人 , 我地無做過你所講既事, 亦不須企出黎幫大家爭取, 現在係須要大家一同向學校投訴! 你咁清楚莫非你是前PTA委員?

我地同佢地好, 係因為佢地之前確實對我地好, 對我們既小朋友都好!!! 發生你所講既事我從來無聽過, 請你唔好係到亂咁指責我(們) , 唔通你係人地對你好客客氣氣, 都要罵人既人嗎??? 人地對我地好, 我地一樣會對佢地好, 唔通人地對你好, 你會無事走去罵人嗎???

你咁多論點何不到學校投訴, 我地已經投訴完, 現在請你都去學校投訴, 係到亂罵人都無用

[ 本帖最後由 violin-cello 於 10-9-6 08:27 編輯 ]

moondream3003

violin-cello,

佢在BK 一响都係咁, 0吾好激親自己, 留番啖氣, 因為你最終會覺得好浪費.

原帖由 violin-cello 於 10-9-5 15:54 發表


09Civic

我地上年支持盈泳既家長, 都係由幼稚園坐到上小學, 一直關係都好好, 如果唔係我地都唔支持佢啦!!! 所以唔係叫自作孽! 請你攪清楚先好話人!

佢地今年既服務態度惡劣, 我地都一樣會投訴佢地... ...

GCH

激鬼氣
今朝問個同車既高年級哥哥上星期係咪真係
730返到學校,原來校車講大話,佢地係元朗遊花園,遊到745先返到學校,豈有此理呀!

當日又扮晒關心咁講想小朋友返到學校唔駛咁急,所以七點半返到去慢慢去下洗手間,個人定落黎準備上堂,原來又係話大話

wawaliluk

我諗校巴既然甘多問題, 大家是否應該平心靜氣地再向校方反映。

我地家長要求其實很低, 希望校巴公司以適合時間安排上落時間, 安全接送小朋友等。

shino_mok1983

我今日都打左電話返學校投訴，佢地話今日同校車公司開會，話會反映喎。不過我諗校車佢地都係："意見接受，態度照舊"。

violin-cello

原帖由 moondream3003 於 10-9-6 09:53 發表
violin-cello,

佢在BK 一响都係咁, 0吾好激親自己, 留番啖氣, 因為你最終會覺得好浪費.

moondream

原來佢係咁既......我都覺得佢個名好熟悉, 多謝你提醒, 我唔會再浪費時間係D咁既人身上, THANKS!

不過我真係唔係佢講向學校施壓既家長, 我地只係同一屋苑既4,5個家長, 無咁POWER! 如果我地真係有做過, 今年就真抵打, 但我地真係無, 請大家不要誤會, 多謝大家!!!

GCH

朋友話陳EE同佢地朗怡朗晴既家長話
而家改遲五分鐘喎,
但朗怡到七點三就一定唔等,
佢地要去朗晴搭,
而朗晴七點四就一定開車走唔等,
咁咪其實換湯唔換葯,
將平時等人果五分鐘放返晒入去
佢地都係唔會改架啦

樂B媽媽

有少少更正~~

朗晴係早咗5min, 以前係7:20, 宜家係7:15, 陳ee話學校提早咗上堂, 都係"大話"..

果位陳ee仲好笑, 同d小朋友話點解一定要窗簾, 因為有小朋友用手指扮槍嚇警察和修路工人, 引來警察上車鬧人, 但小朋友唔聽, 仍然做, 所以咪要拉窗簾, 唔好比警察睇到

其實係驚人睇到佢地超載, 我聽我嘅小朋友講, 最少有3位小朋友要同其他小朋友share 一個位坐, 共用一條 seat belt, 所以陳ee都無位坐, 佢個位已坐了2位小朋友, 離晒譜, 你係咪收一個錢先

[ 本帖最後由 樂B媽媽 於 10-9-7 12:25 編輯 ]