請問如果小朋友返k1第2日就整親, 仲要老師唔知, 應該點?

jkj

今日放學發現bb隻腳損左, 仲留血, 都幾深, 打比老師, 佢話無見小朋友跌到, 跟住不停講唔好意思, 佢哋會留意下, 我應該點反應呢?  好心痛, 返兩日學攪成咁.  請問你哋小朋友有無試過? thanks

albb

我覺得無咩可以做, 個老師都係咁SAY SORRY, 如果你想投訴, 咁可能你要預定佢係你仔既評估報告唔會咁好睇囉(我本人覺得)

jess-poon

[quote]原帖由 jkj 於 10-9-1 22:47 發表

我覺得都係要語氣重小小同先生講,嘅佢地先至會責任感重D,前兩日收到朋友電話,佢係佢仔仔嘅NOSE里面(係好里面)夾咗條橡皮筋出來,嚇到震,跟住星期一話返俾D先生同校長聽,佢地都好像冇咩事咁,SORRY都冇講,個條橡皮筋係學校先生用來扎書簿用嘅,即係先生冇將D也收好,俾小朋友攞來玩然后擺入個NOSE里面,小朋友係冇得怪責嘅,都係大人嘅責任來,小朋友又唔係機器人,肯定係好動嘅,交得俾你學校,你學校就要負責任,個朋友都係好唔開心.對間學校都好失望.間學校佢個仔仔都係剛剛新轉讀K1,依家都話要重新再諗諗囉,

Smallpigbb

我個女讀PN時跌到一次，同小朋友一齊跳舞就俾小朋友撞到個頭，全部都係老師話我知道，我個人覺得返學整到都無辦法，雖然心痛但小朋友未係好識表達同保護自己，我就有教個女如果整到要同老師或者媽媽講，另外有D朋友教過我入學校之前check下有無損傷，放學又check下同問下個小朋友，不過你個老師都已經say咗sorry都已經好好起碼知道自己都有問題。

sundae525

小朋友返學整到都無得避 (特別第1, 2日). 老師講左sorry, 話會留意下, 咁都ok.

tsobaba

Agree! 我覺得衣D係成長嘅一部分。

pollybell

我個仔禽日都在學校跌倒,個頭起左個超高樓,真係心痛都爆,可以做既咪同佢睇醫生,有時無得避有講同無講個結果都係一樣,我自己覺得如果無講應該唔會好痛又無喊,所以老師唔知,如果有心隱瞞另計,我諗好少呢類老師.

KK07

好常見,不用太擔心,遲D仲會成日病,因為同學仔會互相傳染,這是必經階段.

dogdogling

就算你自己帶小朋友去公園玩你都唔可以擔保拒唔會跌親撞瘀，可況幼稚園老師1個對10個，根本無可能人釘人睇到實，有時小朋友整親無喊到可能老師真係未必知道，老師知道後有同你道歉，並承諾會多加留意其已經好夠。

其實小朋友返學校就一定小不免有碰撞，我自己小朋友就試過返nursary時被同學咬到隻手，接放學時仲有個深紅色既牙印，係就係肉痛，但係呢個反而係一個好好嘅機會去教小朋友面對逆境同唔開心，比機會佢去成長，而唔係永遠都好似 溫室小花，連小小既風浪都經唔起。

mosibaby

我都覺得冇得驚, 希望小朋友識得避開唔好俾人傷害啦, 我最怕都係俾人咬, 因為聽好多朋友既學校都有咁既case, 點解小朋友咁鍾意咬人既呢?