編班

amychoi

剛去電李小問何日可上網睇, 她說要1/9回校才通知學生, 我想像到當日會否好混亂?

looking

學校梗做法, 在行政上, 可以話唔掂, 有乜理由梗安排, 以前都話開學前二日知, 梗學生都有心理準備, 知道自己大概會同邊個一班, 起碼都放心啦,其實比起傳統學校, 在放暑假前(派成績表當日)已知, 我地的學校已經輸咗好一條街,如你所說要當日先知,細佬仔一定要自已係樓層搵, 我都唔明掂解唔可以早點公佈下, 學校點解要梗樣安排

磨菇頭

今早已經打過去問，佢話1号返到學校小朋友自己上番所屬樓層會有老師安排，我話咁點早會、點排隊呀？小一都知派邊班啦，我話成一百廿幾人响一層樓點安排呀？小朋友心急實你推我撞，到時有碰撞咁點算。一向都係8月尾擺上網架啦，我問佢點解今年要製造混亂，佢猛話會反映，天氣又熱又焗，我跟住話而家唔係要你反映，係要31号前將班別安排放上網呀，真激氣！

[ 本帖最後由 磨菇頭 於 10-8-29 14:53 編輯 ]

ptptmama

但我前排打電話問學校，學校叫我8月30日上網睇喎？
其實我都唔明白學校點解要咁遲先公佈，我以為轉左新校長會改燮提早比家長知道小朋友編邊一班，我見考試時間改左？

磨菇頭

重有早幾年上校車係小朋友各自上校車，舊年就要在有蓋操場等齊人先上車返屋企，天時暑熱，個個熱到一身汗先上車，最容易病，咁多人一齊排隊等車咪仲易交义感染。校方嘅解釋話危險，但啱啱打完放學鍾係唔會咁快可以開車囉，就算係開始出車，可以叫保母企响樓梯附近帶小朋友囉，日日放學返嚟好似游完水咁，成身濕哂。我都親眼見過校車陳叔帶遲落嚟嘅小朋友上車，其實真係反映吓。

hkangel89

其實早一兩天將資料放上網，有幾難？真不明白校方為何這樣處理。

ptptmama

真係希望李小改下這個情況，早些比家長知有乜問題，足足有成個幾月比你學校編班，編好左又唔願放上網比家長知，須唔須要搞到咁神秘呢？

amychoi

思考左幾日, 真的不明點解要1/9回校才知道編咩班?

ptptmama

原來真係1/9小朋友返到學校先知道編邊一班！真係想問校長搞乜，人手唔夠咩，一定要整到小朋友開學混亂D好咩？

[ 本帖最後由 ptptmama 於 10-8-30 11:37 編輯 ]

hkangel89

唉 ﹗既然可以係學校網教學生九月一日點做，為何不把分班表上網呢﹗究竟不上網有什麼好處？希望當天不要難為了學生及老師。

[ 本帖最後由 hkangel89 於 10-8-31 10:23 編輯 ]

磨菇頭

ridiculous:;pppp:

家熹媽咪

回咁多位家長:

實情係咩一回事, 我都唔多清楚, 因為我冇打過返學校, 但要小朋友9月1日返學校睇編班, 我個人覺得有好有壞...

好處:
記得呢家玩意, 我係升中時先玩, 估唔倒小朋友提早2年玩, 我會同阿仔講, 係呀, 以前喺升中時期先可以自己返學校睇編班, 感覺都好刺激, 因為唔知自己會讀邊班? 會有咩同學仔同班嘛? 加上, 某程度上, 我覺得小朋友自己睇編班亦可以多個機會讓佢地獨立... 因為我個仔早2年已經自己上網睇編班, 睇有咩同學仔同班,所以對佢嚟講今次好有刺激感~

我認為既壞處:

講真, 我從來都冇諗過要教阿仔包書, 因為佢由細到大小肌肉都唔好, 加上, 我自己真係好鐘意包書, 以往, 校網會喺開學前3日出通知, 我就會喺果3日入面, 包好晒所有書本, 但.... 今年就! 眾所周知, 每年開學頭, 就係家長會忙到爆既日子, 小朋友冇功課做, 但家長就會做到隻狗咁, 因為忙住要簽一大堆通告, 簽手冊, 開票等等..... 今年, 有幫小朋友包開書既家長, 就可能會多添一份功課喇....

但整件事, 校方亦有接家長電話, 了解點解會咁? 有咩問題等.... 但我知道以往有家長上網睇完編班後, 就打返學校投訴自己小朋友編果班唔好, 要求轉班, 亦有小朋友投訴唔想同某某同班, 又要求轉班, 講真, 開學前, 全世界既師生家長都同樣忙到爆. 但重要再處理特變事件, 校方今年咁做, 我相信, 絕對係因為有一班非常既家長, 會做非常事..... 我亦會投呢一票!

acalbum

To : 家熹媽咪

多謝你返來住持大局 !
忍不住出來對你的回應讚好 !

To : 各位家長

我沒有打電話到學校問原因,
也沒想過要問,
只是叫阿仔明天落校車就上所屬樓層,
然後問老師讀邊一班

自從上次中數事件, 這裡便變得沉寂
no news is good news !
為了這麼小的事又無風起浪,
何必呢, 唉~~

hkangel89

其實令我最擔心的，是學校以行政方便為第一位，而忽略了學生的利益。一所好的學校，學生利益應高於學校行政上的方便，。以往，我的小朋友總喜歡留意在這些時間，自己和那些同學一班。對於今年的安排，他顯得有些不安，其實小朋友也有不少壓力，能讓他們有充足的心理準備，相信會是一件好事。

家熹媽咪

原帖由 acalbum 於 10-8-31 15:11 發表
To : 家熹媽咪

多謝你返來住持大局 !
忍不住出來對你的回應讚好 !

To : 各位家長

我沒有打電話到學校問原因,
也沒想過要問,
只是叫阿仔明天落校車就上所屬樓層,
然後問老師讀邊一班

自從上次中數事件,  ...

acalbum:

唔好講到主持咁緊要, 哈哈... 只係學期頭喇, 先又有d時間上bk, 可能一陣又唔見咗我啦... kakak ^^

其實唔好講到話無風起浪咁嚴重, 在坐每個父母都緊張自己小朋友, 哽係會有所緊張, 亦有所擔心, 我亦不例外...

今次事件, 正正反影學校亦唔希望再有上年事情發生, 所以先有咁既決定, 但.... 最後點都好, 要相信學校每個決定, 戚既都係小朋友著相....

家熹媽咪

原帖由 hkangel89 於 10-8-31 16:28 發表
其實令我最擔心的，是學校以行政方便為第一位，而忽略了學生的利益。一所好的學校，學生利益應高於學校行政上的方便，。以往，我的小朋友總喜歡留意在這些時間，自己和那些同學一班。對於今年的安排，他顯得有些不安，其實小朋友也有 ...

angle :

坦白講, 我自己又覺得, 9月1號先編班, 同之前編班, 2者同行政上又好似拉唔上關係? 但, 因為家長們只會企喺自己方向, 同埋小朋友方向去諗, 所以就唔會諗倒學校之所以有咁既決定, 到底係點解?

小朋友當然希望可以早d 知道,邊個同自己同班, 我地家長又可以早d 整理課本,唔好堆埋一齊做.... 但, 無奈地, 結果都唔係我地所想. 既然學校有咁既決定, 我地唯一可以做既就係點去同小朋友講呢件事...

bebeyan

原帖由 家熹媽咪 於 10-8-31 17:37 發表


angle :

坦白講, 我自己又覺得, 9月1號先編班, 同之前編班, 2者同行政上又好似拉唔上關係? 但, 因為家長們只會企喺自己方向, 同埋小朋友方向去諗, 所以就唔會諗倒學校之所以有咁既決定, 到底係點解?

小朋友當 ...

其實21/8 小一家長會已經post 出了編班名單,而且都交代時開課當日安排.可能沒有參加的家長唔太清楚,今年是沒有post 編班名單上網.

[ 本帖最後由 bebeyan 於 10-8-31 20:29 編輯 ]

hkangel89

我所說的行政考慮其實好簡單：
1.如果學校認為post 上網會引致家長打電話要求調班，便已是行政上的考慮(免了自己的痳煩)，但似乎引致更多家長打去問為何不post上網。
2.如果post上網花了老師時間，因此不做算了。這也是行政上的考慮。
其實，問題不是網上有冇名單的問題，而是這樣的改動，對學生及家長帶來了什麼好處，是否真的比post好？

補充：剛看到學校有了新網頁，如果是這原因而不post編班，則可以理解，因要改動網頁。

[ 本帖最後由 hkangel89 於 10-8-31 21:41 編輯 ]

looking

其實, 我覺得學校方面咁多年的處事方針,都唔夠成熟, 往往斬腳趾避沙虫, 每次遇到問題就去避, 以下兩件事為例
1.好似考試派卷, 因有家長與老師間對答案有不同見解,為咗避開麻煩, 於是該年即刻不派卷,
學校有否想過, 對於想派卷, 想了解仔女邊方面唔好, 好讓自己能幫助仔女多點的家長, 又如何交代,

2. 今次事件, 如你所說, 在我來看, 亦是如此, 另數轉中亦一樣, 為何引起咁多迴響?????????因為校方忽略咗家長的知情權, 校方應多加強對小部份家長的溝通, 而唔係一刀切地不考慮大部份家長的意願

原帖由 家熹媽咪 於 10-8-31 17:37 發表


angle :

坦白講, 我自己又覺得, 9月1號先編班, 同之前編班, 2者同行政上又好似拉唔上關係? 但, 因為家長們只會企喺自己方向, 同埋小朋友方向去諗, 所以就唔會諗倒學校之所以有咁既決定, 到底係點解?

小朋友當 ...

家熹媽咪

原帖由 hkangel89 於 10-8-31 21:32 發表
我所說的行政考慮其實好簡單：
1.如果學校認為post 上網會引致家長打電話要求調班，便已是行政上的考慮(免了自己的痳煩)，但似乎引致更多家長打去問為何不post上網。
2.如果post上網花了老師時間，因此不做算了。這也是行政 ...

Angel :

或者係我頭腦太簡單, 我冇諗到咁覆雜啦... 不過, 今朝眼見情況都唔太亂, 小朋友大多都好接受, 及笑容好燦爛, ^^ 希望新學年, 大家都進步啦~