2010 K1適應周

becky2914

不知不覺上左兩日適應期，大家感覺如何？
我仔就話返學好開心，今日個手偶表演得很好，但我返左兩日，連一個同學仔的名字都唔知，可能我就唔鐘意主動同其他家長傾吐，所以難去識人，但我想小朋友咪更難去識同學仔！！！
因為點名係用電腦的，又無特定坐位，老師又無叫學生去介紹自己，都唔知我仔幾時先至知同班同學的名。

claudiayk

唔緊要啦...小朋友好快會適應....人總有不同性格...有啲會比較被動..有啲會主動啲....係正常既...唔緊要ga....小朋友會有佢哋一套去交朋友的...

至於我既小朋友..返咗3日..都好鐘意返學...同返預備班時完全唔到...而家日日都好想返學...最緊要佢哋開心啦...我哋最想睇到都係咁...

nikkei1990

我相信佢哋經過適應期後，會好鍾意返浸幼，我個女睇布偶劇睇到哈哈笑，我都好佩服老師的心思！

其實我都好想搵機會同其他家長傾下偈，不過大家實在太忙，又要睇住小朋友，又要陪小朋友玩玩具，睇圖書，做手工，似乎個個都唔係好Relax，希望未來會好啲！

除咗小朋友要適應開學，連媽咪都要一起適應，我陪阿女返咗三日學，個眼圈黑咗好多，要咁早起身真係好攰，又要認識新老師，又要認識新家長，又要觀察囡囡對新學校的反應，每晚唔夠九點已經好想瞓覺。

星期一小朋友就要自己上課了，到時要同阿囡分離，睇怕都要一翻爭鬥，你哋會唔會去聽園長的講座呀？