自閉早期訓練實在教甚麽?

Jasmine-4711

小兒4.5歲,有自閉傾向而已,評估後可做單對單早期訓練及6-8人社交小組.言語ST已一直上緊.

去協x會上了幾次6-8人社交小組,玩遊戲及說社交故事,沒有乜用.我去公園也可教他同樣的野,eg.點請人同佢玩或讓開,不可爭野/打人,輸了不可哭...老公話我'徙'$$,繼續.

心橋剛致電話自閉單對單早期訓練有位,可選每週一次或每兩週一次.形式也是玩遊戲及說社交故事,問有冇其他方法管教他(因他很易激動及不肯去冷靜閣,反而令佢打人),她又賣關子,要我先做$600評估,分析後才答我.
我亦等明愛樂融單對單早期訓練的位,但需每週一次.

小兒很喜歡與小朋友玩,只是有固執習慣及易激動(哭閙、打父母),請問各位:
1)明愛定心橋師資好d?
2)單對單早期訓練實在教乜???怕像社交小組,$付了,但冇乜我自已以前未教過.老公說白花了$.
3)自閉如不嚴重,每兩週一次ok嗎?因ST另計,應慳得慳...

我是FT mama,很多時間陪佢/教他.可以點控制一不順意就激動,你教佢就破壞野,你帶去'泠靜"就打你?

[ 本帖最後由 Jasmine-4711 於 10-8-22 15:38 編輯 ]

pocoyo123

想問下你個小朋友語言能力怎樣? 遲緩幾多? 表達能力如何?
我小朋友五歲,評估時係自傾,  以前佢兩至三歲時, 都好以你小朋友一樣, 好易情緒激動, 又唔會泠靜, 現今情況已可控制, 因為佢言語能力已可表達有什麼問題, 佢又可聽得明白, 就會小D發脾氣
我以前兩至三歲半時同佢返心喬一對一言語班, 跟住返左半年耀能社交班, 又返左一年樂天社交班, 亞仔又讀過二年I位, 一年S位, 如果你問我邊個最好, 我自己咁耐的觀察, 首先讀一對一係因為小朋友言語比較差, 我亞仔開始讀係只有單字, 所以要上一對一堂, 過左年半后, 佢可以聽得明指令, 我轉去耀能上社交, 都係學下玩游戲的規則, 排隊, 邀請,發問,(因耀能係要家長一起上堂, 最初亞仔會游下雲, 發下呆, 又會唔守規則,咁我會口頭提示佢), 之后, 佢有進步, 我轉去樂天, 因樂天社交班係唔比家長一起上堂, 佢讀左一年, 現已可以對答,不過, 我覺得邊間學校最好, 都係S位, 因為佢每日在學校學到的野, 比我同佢出面的訓練多得多

jasmine4711

謝謝你,但你所說的並非單對單自閉早期訓練. Social Group佢有上過,冇乜用,因我是full-time mama成日帶佢去公園點同人相處,group上的野我自己已教過,冇新野学到.

語言ST佢已上左2年,慢人6个月.可以表達自己及駁嘴添
,但仍選擇哭鬧

I/S位每日也只有30 min輔導.

[ 本帖最後由 jasmine4711 於 10-8-23 23:54 編輯 ]

Capricorn2521

以我理解，你小朋友(可能因為語言慢)一直有做單對單早期訓練，不過近來評估說他是自閉傾向，所以你想找單對單自閉早期訓練，對嗎?

如果是，那其實單對單早期訓練係冇分自閉吾自閉，早期訓練係針對孩子的弱項教家長如何做家居訓練，而且同是自閉傾向的孩子在不同階段的表現不同，須要的訓練也不同。所以職員並非賣關子，而是真的要按個別孩子需要而定訓練目標的。當然不同的導師所設計的訓練課程也不一樣，仲有同孩子夾吾夾。實在太多因素....影響了訓練的素質。

我小朋友一年前都評為自傾，因為初時坐吾定，導師只可以成日同佢做類似感統的訓練，我都覺得在遊樂場可以做，4個月後便停咗，又2個月後在心橋有位，就一直做到依家已半年了。一開始我已告訴導師我的目標，因為佢一日坐吾定就好難學懂其他野，導師及我都同意先要訓練安坐，而導師亦比心理準備我必須要佢喊幾堂，我全力合作。最後現在當然係看見成果的。

至於上多少堂及上什麼堂，都要視乎各家長的能力。好多家長都說私人s位好，我都知。不過實在太珍貴，我老公並不贊成，我為了保持家庭諧和(對孩子很重要)，只好妥協。但我條件是要上一星期一次的單對單訓練，而且我好比心機學習，及遇到不明白的地方，我一定會問。另一方面我也告知老公訓練的內容，爭取他的支持。由於他是看見進步的，後來也一起和我討論如何教導及訓練孩子。也可幸的是心橋的姑娘很有經驗，也可夾到我小朋友。我個仔依家成日講：媽咪呀，星期六去探x姑娘呀.....。

希望你明白我要表達的東西，相信自己吧。

[ 本帖最後由 Capricorn2521 於 10-8-23 17:33 編輯 ]

jasmine4711

Capricorn2521:

第一段:對,已做2年ST,剛发現自傾,現要選自閉早期訓練:單對單/Group/幼園兼收位(I 位??).後者不考慮,因他幼園有聯繫(非直升)小学.况且要等到k3,唔想last year有大改動重新適應又要面試p1.

S 位同I 位有何不同?

相信自己?我怕自巳選錯了(冇排兼收位),單對單一週一小時唔知効用幾大.有些 I 位家長亦要另外加堂.唔知邊樣好,時間也只剩一年就6歲了.選錯了會累佢一世...

kelvin_hmlau

偶然路過, 比d 意見吧:

1. 固執哭閙等情緒問題其實10個自閉兒10個會有. 這裡媽媽應應可提供處理方法. 兒子不需要上堂學情緒, 媽媽可以上下d 免費講座提昇 Parenting 技巧. 我提供的方法係: 1. 堅持, 不可縱容壞行為. 比佢知道怎樣做才對的. 媽媽要厚臉皮, 大庭廣眾教仔不需害羞. 2. 如果佢理解能力增強, 溝通能力改善, 哭閙情況會改善.

2. 個別, group 訓練也好, 個仔學到野就好. 學唔到或不能安坐可能係太深或無興趣. 可試其他的.

3. E/I/S位的選擇因人而異, 不用擔心選錯, 因為未讀前無人知答案. 人地話你聽的不是答案, 係參考. 通常問10個人, 3 個叫你讀E, 3 個叫你讀I, 3 個叫你讀S. 讀左進步很大為之對, 反之是錯. 本人為小兒先選I 位, 後改 E+S位. 最後選擇了E位. 充滿了傳奇, 不知是對是錯.

4. 最後, 小兒一年前(3歲)讀過協康社交小組, 我的想法和你一樣: 無用. 一年後我再想想, 現在讀應該有用, 希望你明白這道理吧. 一切源於一個字: Competence. 你的目標係提昇你兒子的 competence. 你係船長, 祝你用智慧帶他到終點吧.

kelvin_hmlau

你想知的 E/I/S 位, 可參考宋姑娘呢個網誌, 寫得很詳細.
http://hk.myblog.yahoo.com/teachyourchildtospeak/article?mid=53

原帖由 jasmine4711 於 10-8-24 00:12 發表
Capricorn2521:

第一段:對,已做2年ST,剛发現自傾,現要選自閉早期訓練:單對單/Group/幼園兼收位(I 位??).後者不考慮,因他幼園有聯繫(非直升)小学.况且要等到k3,唔想last year有大改動重新適應又要面試p1.

S 位同I  ...

Capricorn2521

對不起，遲了回覆。 不過相信kelvin_hmlau已回覆了你。不錯....沒人知事情是對是錯，只要堅信自己，不斷求進步便可了。而且也有人，甚至醫生說兼收位跟普通幼稚園分別不太大，方便上班族家長不用office hour帶孩子上e位訓練而已。

我也上過協康社交小組。我看不見即時效果，但我仍然要求再上同一課程第2次，只可惜當時仔仔過了3歲不能再參加同組活動。只好選其他的。

至於安坐能力，如果我仔仔係學到野，我也不會介意坐與不坐。當時亞仔的知識全都是由disney dvd而學到的，
或是自己研究出來的，又不會說太多單字。根本不會與人溝通。要改變這一點，必須由安坐做起，至於內容....便要花點心思，要是一些他有興趣的東西，由短時間做起，大力的讚賞作鼓勵。

所以你的仔仔可以表達自己及駁嘴，情況應該吾算太差，不要再想以前是對是錯了。以你情況，full time mum又吾想轉校，e位應該最合適。

原帖由 jasmine4711 於 10-8-24 00:12 發表
Capricorn2521:

第一段:對,已做2年ST,剛发現自傾,現要選自閉早期訓練:單對單/Group/幼園兼收位(I 位??).後者不考慮,因他幼園有聯繫(非直升)小学.况且要等到k3,唔想last year有大改動重新適應又要面試p1.

S 位同I  ...

[ 本帖最後由 Capricorn2521 於 10-8-24 16:30 編輯 ]

Jasmine-4711

Thanks, everyone!