e-nopx 差d 唔見左我個女！

bobobooo

我女今年3歲，n1放暑假，就幫佢報左屋企樓下既e-nopx 英文同數學班，一星期每科上2堂，等佢消磨下時間。上堂後，其實我都有d後悔，第一、收生並唔係真係跟年齡，我見同我女一班既有大有細，當然最細係我個女，好似補習社形式咁各有各做，加上有得6、7歲既小朋友講既野，真係唔係咁o岩3歲小朋友聽到。每日就係功課多多咁，攪到我都好大壓力。

回正題，今日工人姐姐、同我爸一齊陪我女去上堂，工人姐姐放低左我女，知會左老師，當然就係走啦，果度地方都唔係大。當時未有人即時安排座位俾我女，佢仲係門下waiting area等緊，我爸因為唔捨得個孫，覺得係門口仲有得望望下，就無走到，係附近行下又望下。過左陣，我爸係e-nopx既附近遇見我個女，估計佢應該係趁有其他小朋友出出入入既時間自己走左出黎！我爸已經係一個無火既老人家，都覺得好激氣，就走入去同佢理論，話你有無攪錯，交左個細路俾你，你竟然俾佢自己走返出黎，好彩係遇得返佢，唔係我就從此唔見左個女架喇。

出黎既老師，就係平日教我女英文既老師，佢的確廣東話唔太好，佢就用廣東話同我爸講「我唔識廣東話」，就掉頭走，完全無理我爸。我爸好嬲打俾我，叫我老公即時落去接走個女。

我老公去到，英文果位老師依然豪無悔意，堅持自己無錯，同埋佢話工人姐姐應該係出面陪我個女，但佢個老闆都驚驚地，答應即時俾我女退學同退錢，當然只係退未上堂既錢。但我地覺得成件事好有問題，唔係你俾返幾百蚊我就ok，果度每日都有好多小朋友上堂，佢地照顧小朋友既意識咁低，一d都唔care佢地既人身安全，我今日好彩執得返個女，唔知日後仲會唔會有其他唔好彩既人。最後，我地無收到果幾百蚊，我想保留追究，請問大家，我可以點樣追究，避免日後真係有小朋友俾呢d無良既所謂learning centre整唔見？

再一次呼籲，呢間野真係唔好幫襯！

bunbuncoco

e-nopx係邊呢呀,呢排好多學校唔見小朋友

bobobooo

我果間就係荔枝角，但其實佢好多地方都有！

shkln

如果係個間，門口真係好狹窄，之前都試過同個女等都唔知企邊，教英文個個好似都識聽少少中文。她好似好無禮貌喎。

KJJ

你有冇上佢地既網頁到? 佢好似有 email 家.

可以send email  去個度反映下.

Click here <=左手邊係香港既email & Tel

原帖由 bobobooo 於 10-8-20 17:07 發表
我女今年3歲，n1放暑假，就幫佢報左屋企樓下既e-nopx 英文同數學班，一星期每科上2堂，等佢消磨下時間。上堂後，其實我都有d後悔，第一、收生並唔係真係跟年齡，我見同我女一班既有大有細，當然最細係我個女，好似補習社形式咁各有各做 ...

[ 本帖最後由 KJJ 於 10-8-27 09:36 編輯 ]

Yau_Cheung

You are very lucky!!

Chimama66

你真係好好彩!! 佢我覺得就算你唔告佢都要去消費處正式投訢佢。

老實講,我從來都覺得呢Ｄ乜乜center 同學嘢嘅地方都冇乜安全意識。我最少唔信佢地會認得Ｄ家長邊個打邊個。 所以我帶我個女去學乜乜物物我都會喺門口等到放學, 最多帶本書去睇住等。 安全第一。

pear12345

Charlotte_mom

樓主, 得罪講句, 你工人真係非常唔應該就咁擺低個細路(明知小朋友未入得課室), 今次真係你好彩(你又放心俾工人咁做, 危機意識唔夠)
先唔好講邊個負唔負責, 你都知一個呢d centre幾多人, 度門又開又關, 通常得一個姐姐睇場, 聽電話又係佢, 查詢又係佢, 收錢又係佢, d家長細路出出入入, 個老師自己都有野做, 你就咁擺低個3歲小朋友, 你咁都放心?!
唔止e nopi, 我相信香港90%既learning centre都差唔多setting, 我唔會相信人地一個職員可以咁一眼關七, 果個係我女我一定睇實直到跟老師入班房坐定, 萬一趕唔切接落堂都會打個電話同職員講聲, 起碼佢會為意有個細路無人理, 睇多2眼
我係直到最近我女10歲, 我至敢將佢放o係個learning centre度, 真係自己一個人等上堂落堂
你真係, 真係唔好咁做喇!

原帖由 bobobooo 於 10-8-20 05:07 PM 發表
我女今年3歲，n1放暑假，就幫佢報左屋企樓下既e-nopx 英文同數學班，一星期每科上2堂，等佢消磨下時間。上堂後，其實我都有d後悔，第一、收生並唔係真係跟年齡，我見同我女一班既有大有細，當然最細係我個女，好似補習社形式咁各有各做 ...

Michelmcy

原帖由 Charlotte_mom 於 10-9-13 22:59 發表
樓主, 得罪講句, 你工人真係非常唔應該就咁擺低個細路(明知小朋友未入得課室), 今次真係你好彩(你又放心俾工人咁做, 危機意識唔夠)
先唔好講邊個負唔負責, 你都知一個呢d centre幾多人, 度門又開又關, 通常得一個姐 ...

Agreed!!!

我囝今年剛升上小一, 妮幾年無論佢去邊處上堂, 我都係等佢入咗課室, 坐定定, 直至老師入課室閂門我先離開架.

阿囡媽媽

原帖由 Charlotte_mom 於 10-9-13 22:59 發表
樓主, 得罪講句, 你工人真係非常唔應該就咁擺低個細路(明知小朋友未入得課室), 今次真係你好彩(你又放心俾工人咁做, 危機意識唔夠)
先唔好講邊個負唔負責, 你都知一個呢d centre幾多人, 度門又開又關, 通常得一個姐 ...

ＡＧＲＥＥ

seeloyan

邊關工人事吖, 好明顯間centre好有問題! 放低小朋友(通知老師), 關埋門; 而小朋友出走了, 完全覺得佢地唔安全! 十分離譜囉~

babycherry22

原帖由 seeloyan 於 10-9-29 16:42 發表
邊關工人事吖, 好明顯間centre好有問題! 放低小朋友(通知老師), 關埋門; 而小朋友出走了, 完全覺得佢地唔安全! 十分離譜囉~

我個女o個間都是一夠鐘就叫個女坐在入口的凳等，即唔理見不見到家長到中心未，都叫佢出去坐，咁大門是可是但咩人都打開o個d，不過，我個女是不會出去，個問題是無人看住佢呢?

(有時我是企在門外，等的位太細)

其他家長是要準時，但家長未到都有需要叫小朋友去一個導師見不到的地方自己等嗎..?

我都無學了