今日做完評估, 點算?!

lokjoan

今日去CAC, 評估為自閉症譜系, 仔仔2歲9個月, 要輪i位, 除了等之外, 我還可以做什麼?
  
但其實我覺得佢情況唔係真係咁差, 只係講說話唔多望人, 成日問乜嘢嚟嫁之後自己答返, 坐唔定同埋唔鍾意同小朋友玩.

kelvin_hmlau

建議閣下先大哭一場, 跟住收拾心情做野.
自閉症其實唔係無得醫, 透過適當訓練, 會大有進步的. 我保證你過多半年, 會成為專家.

mybabynbaby

上兩星期我都有問自己,我除左等仲可以做咩, 我就不停搵資料, 仲有同女女相處時間多左, 反省自己, 增值自己, 政府幫唔到我, 我唯有自救, 我都係岩岩知, 我個女發展遲緩.
你小朋友唔鍾意同小朋友係唔係少接觸, 我之前都好少俾呀女去公園, 而家日日落, 佢自己有自己0的朋友一齊玩, 不過唔係好識同人溝通, 另外我都同佢join左個社交班, 又可以同多0的小朋友玩, 多一個機會好過少一個機會
另外我同我女女報左0的班, 都等佢唔使咁悶, 社交班(在不同場合可以同小朋友溝通), 興趣班(提升自信), 言語治療(因為我個女唔係好識表達, 口肌有少少問題), 另外會再報一0的班(搵緊), 另外我朋友叫我教佢發音, 因為佢覺得呀女個口好懶, 唔多願郁, 可以講野, 但就唔係好識用氣...
大家一齊努力, 你要支持住, 你記住你唔支持住你個仔, 冇人支持得住.
只要冇乜情緒行為, 可以冇事, 我有0的朋友0的仔女原來都有, 佢地唔講真係睇唔出, 而且有0的仲好叻, 會表演, 比賽拎獎都有....睇你點付出....

BeBe媽媽

除左等派位....自己四圍上網/去圖書館...等等搵資料.自己響屋企多D同小朋友做訓練.
我當初知道評估結果後,無流過一滴淚,不過當然有唔開心....個心只係諗有乜辦法幫亞b,四圍搵資料/方法.
我無去懷疑個結果係咪錯,當住係先,唔好浪費時間,同個b響屋企做住D書本教既訓練先!
我知道結果只係3個多月,仲未係專家!

lokjoan

謝謝! 我昨天搵左協康會, 都有d班有位, 依家乜都唔諗住, 幫佢報左先.

mybabynbaby

你報邊間呀??
我報九龍西個邊full哂~~

boc

Add oil

:loveliness:

原帖由 lokjoan 於 10-8-20 07:55 發表
謝謝! 我昨天搵左協康會, 都有d班有位, 依家乜都唔諗住, 幫佢報左先.

lokjoan

新界東, 一個星期上一次, 上十幾堂個種.

原帖由 mybabynbaby 於 10-8-20 10:24 發表
你報邊間呀??
我報九龍西個邊full哂~~

mybabynbaby

我join唔到呢0的班, 因為我仲想sat同佢上, 我都想學下點同佢玩遊戲, 自己學多樣都好嘛...