請問有冇N1D1(PM)同學仔

媽珠

Hi! loloyen,

你真傻. 我明白你嘅心情. 但呢啲嘢根本我哋都唔可以預計. 諗嚟都冇用. 噉樣你自己會發出負能量 o架. 如果個天真係唔想比BB 你. 噉當初有時事時就帶佢走啦!你應該當呢啲係過去式嚟回憶.留多啲心血教下個仔, 又要教佢食飯, 做功課, 著衫, 著鞋, 自己洗白白, ......

尋日同Miss Lam 傾開, 我話阿女成日坐唔定, 放假要帶佢出街玩, 如果唔係響屋企會攪攪陣:;pppp: . 佢提議唔好成日出街, 留響屋企睇下書. 反而我每個星期六會帶佢去圖書館睇下書.一坐就兩三個鐘.
不過阿女而家個心成日都掛住去街. 呢兩日扭要去圖書館. 佢爸爸又應誠佢和. 話尋日放學帶佢去, 點知冇去到. 因為唔夠時間. 佢就自己走去廚房坐響地下度 .今朝11:00 起身又要去. 我解釋比佢知唔夠時間去, 要weekend 先可以去. 仍竟然 住話唔返學都要去.其實佢致不在去圖書館. 佢想佢 daddy 帶佢去街就真. 因為佢 daddy 係"YES father" 佢要嘅嘢都會買. 反而佢見我在場阿女又唔會扭, 因為佢知要媽媽買嘢要三有(有 limit, 有quota, 有 condition). 所以阿女頭先已經約咗佢 daddy 過兩日去街, 但我唔準去. 我話噉我自己去街玩. 佢又唔比. 竟然話 " 如果返到屋企唔見咗媽媽佢會唔開心"  


uote]原帖由 loloyen 於 10-10-13 15:43 發表
HI!!媽珠
我平時對住BB唔會表露唔開心,只有自己靜靜既時間先會去諗,我都唔想太去諗,不過又係要諗,傻傻地,C6成日話諗乜,都冇事呀,BB好好喎,佢唔係我佢唔知做MAMA既擔憂 !
你女女都係睇人嚟炸嬌,我BB都會,昨日MI ... [/quote]

loloyen

HI!媽珠
你女女都幾LIKE去街街,我BB都LIKE,不過BB只會星期六同日,見到DADDY係度先會提議去,如果見到DADDY係度佢冇得去,佢都會發下脾氣,不停咁講街街,街街,街街,講到你答佢話去先停 !我已經好努力唔去諗,不過真係好難唔諗,每日都要檢查BB啲BOO BOO,VV顏色,因為膽管再發炎既時候,個人會黃同BOO BOO,VV會變色,所以都唔可以唔諗,不過唔諗咁灰,可能會好啲!
唔知係未BB太細個,隻手太細,今日一寫長既直線,佢就會到中間停咗又或者下面個啲出晒界,唔識慢慢郁,我知佢已經好努力,可以坐係張枱到差不多2個鐘,中途去下廁所,又自己返去坐繼續寫,本來做一個鐘,因為星期一個篇要補做,所以時間用咗雙倍,唉 !

媽珠

Hi! loloyen,

我怕阿女大啲 teenage 成日走出街玩. 不過佢歲零都知咩係出街. 有次我罵佢. 佢竟然自己著鞋走路. 鞋佢著到和, 因為係魔術貼涼鞋, 不過左右錯咗. 但係大閘佢開唔到, 佢竟然叫姐姐開比佢. 姐姐緊係唔開啦! 如果唔係一個BB走咗出去點算呀! 有日我返外家 family day, 同我阿爸講開, 我阿嫂同阿女講笑 叫佢下次媽媽罵, 嚟舅母屋企!(因為只是一條馬路之隔, 加上我阿爸日日會嚟帶佢去同表姐玩, 所以阿女識路)
我都日日睇阿女啲 BOO BOO o架.....
唔夠直可能隻手唔夠力. 比啲練力嘅嘢佢玩下. 泥膠, 開樽蓋, 衣夾夾紙....., 以前阿女PN 班每月都有一份呢啲玩具比佢哋返屋企玩. 或者每日抽啲時間比佢做下嗰本功課. 呢啲嘢熟能生巧.
好長嘅直線阿女都會畫出介再返轉頭, 因為佢仲未能夠心眼合一, 同埋佢都未學到一路寫, 隻手向下拉落去. 唯有叫佢練多啲啦!

你 BB 都好乖, 自己開始知要坐定做功課. 不如你同 Miss Lam 講下, 下次放假啲功課叫校車送比你, 噉咪唔駛噉辛苦囉!

原帖由 loloyen 於 10-10-14 01:13 發表
HI!媽珠
你女女都幾LIKE去街街,我BB都LIKE,不過BB只會星期六同日,見到DADDY係度先會提議去,如果見到DADDY係度佢冇得去,佢都會發下脾氣,不停咁講街街,街街,街街,講到你答佢話去先停 !我已經好努力唔去諗,不過 ...

[ 本帖最後由 媽珠 於 10-10-14 02:11 編輯 ]

loloyen

HI!媽珠
今晚MISS LAM又打比我啦!其實我都知小小點解,因為阿仔今日放學見佢件校服幾DIRTY,好似又係香蕉,但我見份餐單今日係食雪菜肉絲米, 有香蕉,我問阿仔佢都話係食香蕉,謎底要解開,原來今日真係食香蕉,昨日先係食米粉,MISS LAM話阿仔又玩香蕉,揸上手度,玩完一次又玩一次,重整到隔離小朋友個櫃,連MISS LAM件衫都有 ,跟住MISS LAM用咗惡小小既語氣話佢.佢就大喊 ,重喊咗好耐同扯蝦,MISS LAM最後比個個香蕉佢,一定要佢食埋,當時MISS LAM夠鐘要帶其他小朋友去洗手,咁叫第2個MISS睇住佢食完,不過佢見到MISS LAM同其他小朋友出咗課室,阿仔就即刻食埋個香蕉,MISS LAM話佢可能驚唔要佢,剩番佢1個,所以彭彭聲食跟出去 ,我同MISS LAM傾電話時已叫阿仔即時SAY SORRY!問阿仔係未想MISS LAM唔開心,佢話唔好,我當時同MISS LAM扮話如果下次黎駿再玩任何食物,叫MISS LAM唔好比阿仔入課室,阿仔即刻有啲想喊,除咗玩香蕉外,MISS LAM都話佢之前唔好既行為都改好咗,同MISS LAM講完電話後,我又再嚴厲教訓一輪,我話揼咗個書包去,因為你唔乖,你返學要喊都唔開心,咁唔好返啦,我話返學係開心,佢見我揸住個書包一路行去大門,佢一路抆住我件睡衣,唔比我行,重想喊,佢話要返學,唔敢玩香蕉,要食晒啲嘢,要叻同乖,當時阿仔係咁講暏,可能返到學校又唔記得我既訓話,不過我每日返學前出門口,我都會再同佢講,每日提住佢,真係口水都乾 ,今日有張通告25號睇SHOW,你會去嗎?我會同DADDY陪佢去,因為我見到有CHARLIE,阿仔好LIKE佢,阿仔成日都開學校啲DVD睇,最LIKE睇CHARLIE,到時佢一定好開心 !不過唔知當日同唔同阿仔著特別服飾 !

媽珠

Hi! loloyen,

前日我同Miss Lam 講電話時, Miss Lam 都有提過小朋友食嘢嘅問題, 佢哋學校都有教小朋友唔可以浪費, 又舉例比小朋友知現在在其他地方有啲小朋友係冇嘢食. 其實我成日都會叫阿女一定要食晒自己碗入面啲嘢同叫阿女食嘢時唔好玩, 亦都唔可以攞嘢食嚟玩. 又會開電視比佢睇非洲小朋友嘅生活. . 但佢都係唔明. 可能佢真係未感受過就唔明白. 或者真係要比佢試下餓下. 佢先識真惜.

25號我都會去. 我個女唔係好鐘意睇學校啲 DVD. 希望佢今次去完見咗 Charlie 真人後會鐘意啦! 過兩日得閑啲先諗下 嗰日著咩衫啦!

尋日去接放學, 見到 Mr. Win 真係好受小朋友歡迎. 啲小朋友一見到佢即刻追上去(好似追星噉)同佢玩. 我個女直情追到去49號個閘前. 要我拖實阿女Mr. Win 先敢開門走咋!

原帖由 loloyen 於 10-10-15 00:51 發表
HI!媽珠
今晚MISS LAM又打比我啦!其實我都知小小點解,因為阿仔今日放學見佢件校服幾DIRTY,好似又係香蕉,但我見份餐單今日係食雪菜肉絲米, 有香蕉,我問阿仔佢都話係食香蕉,謎底要解開,原來今日真係食香蕉, ...

loloyen

hi!媽珠
今日同bb去反嘔城買萬聖節衫,開頭阿仔即刻指住thomas(因佢偶像係thomas),不過我同佢講好大件喎,再放埋佢個身到去到腳眼,我話不如買披風,佢話要買帽先,阿仔就選咗魔術帽係橙加黑,跟住比佢選披風,佢就選咗黑底橙色圖案既,同帽都可以話係一set ,重買咗大包糖比佢拎返學校派,見佢好開心,希望當天阿仔唔好有病返唔到學就慘啦 !
今日起身問阿仔,今日friday點解你冇返學既?佢話玩香蕉,因為昨晚我同佢講,今天罰佢冇得返學,等佢反省下 ,佢又信喎,希望佢真心知道唔好再玩食物啦!
今個星期中文個功課,有個活動整羊羊,想問下你係未要做完帶返學校交 ?

媽珠

Hi! loloyen,

你每日都同佢講下Halloween 返學有 party, 又同佢倒數. 等佢好開心噉期待嗰日來臨. 開心啲會令佢身體強壯啲. 當然要注意天氣變化啦!
嗰樣遙遙羊我相信唔駛帶都得, 因為上次個人 Miss Lam 都係貼入功課入面. 但今次羊就應該貼唔到. 不過, 我同阿女講要帶返去比Miss Lam, 等佢知道所有功課都要做齊, 做完一定 Miss 會睇. 等佢比心機做. 我相信羊仔去到學校. Miss 打開書包都會睇到, 會同佢傾兩句, 之後退返比佢帶返屋企.

原帖由 loloyen 於 10-10-16 00:40 發表
hi!媽珠
今日同bb去反嘔城買萬聖節衫,開頭阿仔即刻指住thomas(因佢偶像係thomas),不過我同佢講好大件喎,再放埋佢個身到去到腳眼,我話不如買披風,佢話要買帽先,阿仔就選咗魔術帽係橙加黑,跟住比佢選披風,佢就選咗黑底 ...

loloyen

HI!媽珠
我今日都同咗阿仔整搖搖羊,都係諗住交比MISS LAM,如果睇完唔收MISS LAM都應該比番阿仔,阿仔都有份做,油顏色同痴羊羊,剪就我幫佢剪,因為佢未識揸怕佢整親,阿仔都好 ,我呢排同阿仔去街見到Halloween既物品裝飾,我都會同佢講係Halloween既嘢,等佢知多啲,同埋話佢知Halloween個日就係DADDY生日,唔知佢記唔記得 ,再後一日就係自己(阿仔)生日 .
你女女係未決定著公主衫,天氣開始涼,你要幫阿女著多件打底,唔係冷親就麻煩啦 !

媽珠

Hi! loloyen,

尋日C6自己無端端自己走咗去接夠女放學, 返嚟同我講話Miss Lam 冇咩同佢講, 但同我就好多嘢講 . Miss Lam 實係知道啲男人冇心裝載, 同你講都冇用 .


羊仔尋日比Miss Lam 收咗, 阿女仲問我幾時會比返佢. 我叫佢自己問Miss Lam.

我會同佢著件緊身內衣在內, 如果再凍就著多對襪褲同著件外套仔. 但我知佢實會自己一上車就自己除咗件外套.

原帖由 loloyen 於 10-10-17 01:03 發表
HI!媽珠
我今日都同咗阿仔整搖搖羊,都係諗住交比MISS LAM,如果睇完唔收MISS LAM都應該比番阿仔,阿仔都有份做,油顏色同痴羊羊,剪就我幫佢剪,因為佢未識揸怕佢整親,阿仔都好 ,我呢排同阿仔去街見到Halloween既 ...

loloyen

hi!媽珠
miss lam冇乜同你c6講,如果我c6去我諗miss lam都冇嘢同佢講,男人都係粗心大意唔上心 !
昨晚miss lam打比我,問我阿仔返學前係未唔開心,因為佢一返到學校就喊係咁講go home,我話唔係,不知幾開心,其實我同miss lam講知道點解,可能阿仔出門口前我同佢講返到學校要同miss lam講sorry關於上星期四玩香蕉,我同miss lam講佢可能驚你未嬲完,所以喊,miss lam當時問阿仔係未要go home,佢冇答,跟住miss lam叫阿仔比個返學證佢,問阿仔係未唔返想學,佢答要返學,跟住開始做運動,阿仔就收咗聲,到放學都冇事,阿仔好在乎人哋點睇佢,可以記住好耐,都唔知好定唔好 ,thx!

媽珠

Hi! loloyen,

你知你個仔嘅性格, 你可以就住噉樣嚟教佢. 教佢對每個人都要有禮貌, 要聽大人話. 噉人哋就會同你玩, 話你乖.但我相信亦都要個別事件同佢心理輔導. 小朋友而家仲細, 唔會太難教.

原帖由 loloyen 於 10-10-19 16:18 發表
hi!媽珠
miss lam冇乜同你c6講,如果我c6去我諗miss lam都冇嘢同佢講,男人都係粗心大意唔上心 !
昨晚miss lam打比我,問我阿仔返學前係未唔開心,因為佢一返到學校就喊係咁講go home,我話唔係,不知幾開心,其實 ...

loloyen

HI!媽珠
我知道佢啲性格,我已經成日用好聲好氣同阿仔解釋,例如-(你返學開唔問心,佢話開心,我話你喜歡MISS LAM?佢話喜歡,咁我話如果你喜歡一個人你想唔想佢開心,佢話想,咁我就話你係學校要乖,MISS LAM見到你乖,MISS LAM就會好開心,如果你唔乖,MISS LAM會唔開心)同樣對家人,工人姐姐一樣咁講法,我知道阿仔喜歡人讚佢,我都好努力禁住啲火,用多幾次氹佢既說話,如果氹咗好多次都冇改善,我就會 ,不過今日做功課都算乖,開頭都專心,跟住比我睇兩睇叫佢寫過唔靚個啲,佢就有些唔耐煩,重發咗小小脾氣,跟住我叫佢唔好做住要冷靜下,阿仔就 ,佢係都話要做,咁我未用好聲氣同佢講,你專心啲唔可以發脾氣,你要唔要靚,佢話要,咁我就比番佢做,跟住我就去廚房睇下啲餸,阿仔每寫完一個就叫MUMMY,走去廚房門口同我講靚,咁我睇下又幾好,讚下佢,叫佢寫埋另外個幾個,如是者佢行咗幾轉廚房,最後我睇晒有啲真係OK,有啲出咗啲界,咁我未同佢講,不如寫過唔靚個啲,佢話好,咁最終用咗40分鐘完成,食飯前攪掂晒,算好啦 !C6返到嚟問BB唔使做功課咩,我話一早做晒啦,C6即刻去讚下個仔,因為C6知道平時同佢做功課好鬼勞氣又耐,今日竟然咁快攪掂,我都有小小意外 !

媽珠

Hi! loloyen,

做人阿媽真辛苦!!!!

我做女食飯嘅情況同你BB 做功課嘅情況一樣. 每一啖都要提佢 "不" "趙" "吞". 仲要唔係一叫就做, 有時好似阿崩叫狗, 你有你叫, 佢有佢唔理. 教咗佢自己食飯成年幾都仲係噉

我怕阿女做功課都係噉, 所以不嬲佢寫字, 畫公仔. 我都唔比人同佢做旁述, 等佢自己慢慢寫, 坐定定, 寫晒成版先比佢郁一郁. 而家佢自己習慣咗, 唔需要 都可以自己做功課, 不過我睇住會做得快啲.
起碼可以煩小樣嘢, 如果唔係白頭髮都出多幾條!!!

原帖由 loloyen 於 10-10-20 02:19 發表
HI!媽珠
我知道佢啲性格,我已經成日用好聲好氣同阿仔解釋,例如-(你返學開唔問心,佢話開心,我話你喜歡MISS LAM?佢話喜歡,咁我話如果你喜歡一個人你想唔想佢開心,佢話想,咁我就話你係學校要乖,MISS LAM見到你乖,MISS L ...

loloyen

HI!媽珠
聽日應該唔使返學,隻馬騮又係屋企攪攪震,唔知星期五返唔返到 !
今日晝圓圈,又係有頭冇尾,臨尾個人啲褸晝咗成個鐘,之前個啲就有心機 ,又逼我出動 先完成!阿仔幾時先可以好頭好尾自己攪掂 !我都驚多出多幾十條白頭髮,趁未變白之前,我已經剪短晒啲頭髮,唔想咁顯眼 !

loloyen

HI!媽珠
聽日應該唔使返學,隻馬騮又係屋企攪攪震,唔知星期五返唔返到 !
今日晝圓圈,又係有頭冇尾,臨尾個人啲褸晝咗成個鐘,之前個啲就有心機 ,又逼我出動 先完成!阿仔幾時先可以好頭好尾自己攪掂 !我都驚多出多幾十條白頭髮,趁未變白之前,我已經剪短晒啲頭髮,唔想咁顯眼 !

媽珠

Hi! loloyen,


我估明天都可能唔駛返, 頭先新聞話個風行得好慢.

你試下 train 下你 BB. 開始時要佢坐定20分鐘或做指定頁數嘅功課(唔係 Miss Lam 嗰啲) . 之後你見到佢可以坐定定 就可以開始加時間/頁數. 我個女之前我都係噉樣 train佢. 開始時叫佢寫一版copy book (約20個英文字或數字), 之後加到2頁, 3頁....

佢寫時你可以唔駛陪佢, 要佢自己做. 噉樣你自己冇噉大壓力. 但唔可以比佢亂畫公仔.

原帖由 loloyen 於 10-10-21 01:10 發表
HI!媽珠
聽日應該唔使返學,隻馬騮又係屋企攪攪震,唔知星期五返唔返到 !
今日晝圓圈,又係有頭冇尾,臨尾個人啲褸晝咗成個鐘,之前個啲就有心機 ,又逼我出動 先完成!阿仔幾時先可以好頭好尾自己 ...

loloyen

hi!媽珠
thx!明白晒,我會試多啲方法去訓練阿仔,今日你女女冇得返學,你同佢去咗邊到,明天我諗應該唔使返呱 !

媽珠

Hi! loloyen,

原本同佢去圖書館, 但因為佢食嘢食得太慢, 食到我食完瞓咗. 之後, 我叫佢 daddy帶佢去。點知去到原來星期四唔開. 最後佢兩父女去咗 ELEMENTS 玩, 玩到食DINNER 先返.

原帖由 loloyen 於 10-10-21 18:38 發表
hi!媽珠
thx!明白晒,我會試多啲方法去訓練阿仔,今日你女女冇得返學,你同佢去咗邊到,明天我諗應該唔使返呱 !

loloyen

HI!媽珠
你女女今日就好開心,我阿仔就去咗睇醫生,天氣一轉又嚟鼻水,希望星期一冇事健康返學 !今日工人姐姐問阿仔,你學校有啲同學叫乜名,阿仔答你女女全名,我都唔知道佢係我上次接佢放學時見到你同你傾既時候同阿仔講過,咁耐都記得,定係佢係學校同你女女玩過做咗朋友 ,真係 !

媽珠

Hi! loloyen,

我個女都有兩聲咳, 所以今日叫佢返學戴口罩 , 唔好嘢到同學仔. 累到同學仔星期四, 五冇得返學玩就唔好啦!

阿女一返嚟就要聽halloween CD. 但我要佢做完功課先聽. 而家佢聽緊, 好開心和. 啲歌都識唱.

講開隻CD 啲水準又有返噉上下 . 唔會聽到耳仔都則埋.

可能我個女高大, 又多表情又多動作, 所以你 BB 對佢印象深刻. 咪記得佢個名囉!

原帖由 loloyen 於 10-10-22 01:22 發表
HI!媽珠
你女女今日就好開心,我阿仔就去咗睇醫生,天氣一轉又嚟鼻水,希望星期一冇事健康返學 !今日工人姐姐問阿仔,你學校有啲同學叫乜名,阿仔答你女女全名,我都唔知道佢係我上次接佢放學時見到你同你傾既時 ...