請問有冇N1D1(PM)同學仔

媽珠

Hi! loloyen,

可能真係你BB乖, 所以有貼紙. 我個女今日冇提過貼紙呢樣嘢. 一落車一路用手指畫眼皮, 又問我佢啲化妝品響邊 . 我話媽媽都唔化妝, 點會有化妝品. 佢就叫我去買 . 我同佢講買嘢要DADDY 去, 叫佢自己講. 但過咗兩個鐘後就唔記得咗囉. 佢實係今日見到有人化妝, 但我問佢佢又講唔到比我聽, 淨係響度講東講西.......
我又冇特登听阿女讀書比我聽. 等我明天試下佢先.不過頭先瞓覺講完故事, 佢都唔肯瞓. 要我一人一句噉同佢讀. 讀完差不多成千字.  攪咗成大半個鐘. 佢又話要一句中一句英 . 我連眼淚水都錶晒出嚟都仲要我講? 只有同佢講媽媽好好累 , 明天一早起身再講......    我相信佢哋返學Miss Lam 都係噉同佢哋上堂.....


唔記得同你講, 尋日我見到深水埗福榮街(玩具街) 有好多halloween 嘅嘢賣. 你有時間可以去睇下. 又或者花園街(十字路口嗰間玩具店)我都見到有, 不過多數係套裝, 所以比深水埗貴一啲.

原帖由 loloyen 於 10-10-5 00:29 發表
hi!媽珠
冇事啦!時間會沖淡,thx!
今日bb又有貼紙,唔通今日bb又乖,其實可能全班都有,不過我同bb講因為你乖先有貼紙,佢不知幾囂 !我好佩服學校教小朋友既方法,今日第一日教what a mess!我夜晚同bb溫 ...

loloyen

hi!媽珠
我見到你整咗個表,你真係有心機,好靚 !
你女女貪靚豬!
好彩上星期四去睇下校服實物,原來size5咁大,如果諗住同夏季size差不多就填,出事啦!我bb現在穿size 5夏季校服都有小小大,現在冬季訂咗size 4!你訂幾大?thx!

原帖由 媽珠 於 10-10-5 01:20 發表
Hi! loloyen,

可能真係你BB乖, 所以有貼紙. 我個女今日冇提過貼紙呢樣嘢. 一落車一路用手指畫眼皮, 又問我佢啲化妝品響邊 . 我話媽媽都唔化妝, 點會有化妝品. 佢就叫我去買 . 我同佢講買嘢要DADDY ...

媽珠

Hi! loloyen,

個 表我仲用個透明folder 入住, 貼響佢掛書包個位到. 只可以比佢睇, 唔比佢 touch. 因為佢有個 習慣係將所有可以貼嘅嘢都會除晒落嚟入落個袋仔到周圍放, 我怕佢將啲相當新玩具周圍放, 所以平時換相都要等佢 咗先換. 如果唔係我就要由他他條 變成喊得一句句 囉.

校服我都係跟夏天填咗 size 6. 其實阿女著size 5 係最fit, 但 size 5 條裙唔過膝, 我怕佢唔鐘意 (佢話啲裙唔過膝 就唔係公主裙....)
冬天校服, 我都預咗要試完再換. 希望唔駛等得太耐啦!


(

原帖由 loloyen 於 10-10-5 16:04 發表
hi!媽珠
我見到你整咗個表,你真係有心機,好靚 !
你女女貪靚豬!
好彩上星期四去睇下校服實物,原來size5咁大,如果諗住同夏季size差不多就填,出事啦!我bb現在穿size 5夏季校服都有小小大,現在冬季訂咗size 4! ...

loloyen

HI!媽珠
我就冇你咁好心機,我剩係自己寫低,當每日BB做完功課,我就會叫BB自己執明天既書,佢都識執,今日BB又有貼紙,你女女有冇(唔好介意,如果你女女今日冇,唔好以為我覺得我BB叻過你女女,係度晒命,我只係想問下,係未個個都有,等我知道下BB情況,SORRY定先! )

媽珠

Hi! loloyen,

各師各法啦! 因為我唔想睇住佢執, 佢有時會將所有書放晒落地, 當自己去咗圖書館每本都打開睇一睇, 我睇到有時會 .

佢都有貼紙, 不過佢開始好似唔係好鐘意啲貼紙噉. 一落車就比咗我. 到而家都冇問我裸返.
尋日佢冇心機做功課, 一返嚟就同我講 "今日有功課做, 點解日日都要做功課?" 一聽就知人講又佢講...., 之後佢話佢個9A車友尋日放學響車度講...

我自己又有啲疏忽, 冇留意佢嘅情緒, 尋日冇陪佢做功課, 等佢做到好馬虎, 一睇就知冇心機做. 叫佢做完自己睇返ok先放落書包, 連續 2次都係佢ok 但我唔 ok 叫佢自己擦咗再做. 第3 次我都唔睇叫佢自己負責. 但尋晚佢我再 睇返怕會激死 MISS LAM, 所以要佢今朝擦咗再做. 開頭都係游魂, 又要 完冷靜返先做得好.... 我呢個阿媽幾時先唔駛做三陪(陪食, 陪上興趣班, 陪做功課) 呢




quote]原帖由 loloyen 於 10-10-6 01:00 發表
HI!媽珠
我就冇你咁好心機,我剩係自己寫低,當每日BB做完功課,我就會叫BB自己執明天既書,佢都識執,今日BB又有貼紙,你女女有冇(唔好介意,如果你女女今日冇,唔好以為我覺得我BB叻過你女女,係度晒命,我只係想問下,係未個 ... [/quote]

loloyen

hi!媽珠
大家都係三陪,我諗重有排陪,我bb同佢講去做功課,佢會好快去攞,跟住坐係細枱到等我比鉛筆佢,不過次次都係開頭好專心,當每次做完一個時,我會問佢靚唔靚,佢多數都話唔靚,因為每次bb做到好馬虎我都會即刷咗佢,一個字可能刷4,5次,bb見到我刷咁多次,開始冇心機,我多數會用哄既方法先,問下你要唔要印仔,因為miss lam每次check完會蓋印仔,開頭都受下,見我一路刷一路唔想做,有時我話佢大聲啲佢又喊,激死我 ,真係考我eq!昨晚同佢做,佢重要做2篇,因為上星期三冇返學要補做,我又用第2個方法哄佢做好啲,不過都係刷嚟刷去,侍寫完一個問佢自己覺得靚唔靚,佢話唔靚,我話不如刷咗再寫靚啲好唔好,叻唔叻,佢多數話好,不過都要寫幾次先唔使刷,刷到我都手軟 ,我都唔敢大聲話佢,怕佢又喊攪好耐先可以平靜再做,eq低啲都死!

媽珠

Hi! loloyen,

我通常叫佢自己攞晒功課同筆坐定定我先行去同佢一齊睇, 跟住叫佢自己打開上次嗰頁睇下成績, 同佢解釋點解有紅筆如果Miss Lam 比多個印佢就會先贊下佢. 跟住叫佢講比我知要點做, 做啲咩? 佢次次都識講嫁和. 跟住我會講小小秘訣比佢知點會做得靚. 但次次我有我講 , 佢有佢做. 好似畫圈我會向左開始, 但佢會向右開始. 我唔會太過執著要佢改, 等佢全部做完先同佢討論邊啲唔好叫佢自己擦. 平時我望住佢會好正常噉做. 呢兩日冇睇住就出事 啦!
頭先同睇佢畫咗兩個都ok. 咪走咗去執嘢囉. 點知佢做完主動比我睇 佢自己收貨但我唔收貨, 條條車軚好似爆晒噉. 咪叫佢自己擦咗再做, 跟住佢又去游魂, 我罰佢企, 叫佢自己諗下希望佢冷靜下, 我落街買啲嘢. 唔夠5分鐘, 返到屋企佢竟然坐響sofa . 佢見我想"炳" 佢, 佢就先開口話已經 check好晒啲車軚全部ok. 我叫佢比我望下. 點知佢拉唔開書包(因為拉到角位 cake 住. 我乘機話佢 放學亂放書包+ 唔比心機做功課所以個書包嬲佢, 唔比佢開. 佢竟然對住個書包應錯 , 但只應亂放, 每應一次佢就開一次, 但都開唔到. 我話佢唔夠誠心, 因為佢唔應唔比心機做功課, 佢一應我輕輕幫佢一拉就開, 佢望一望我, 但我估唔到佢係覺得神其  定話我整故佢....
再睇都係唔得, 佢將啲軚全部補, 攪到一個軚幾條線. 最後要我出手擦完再坐響度睇佢就做得快過打針, 唔好噉玩我啦!!!!

原帖由 loloyen 於 10-10-6 16:00 發表
hi!媽珠
大家都係三陪,我諗重有排陪,我bb同佢講去做功課,佢會好快去攞,跟住坐係細枱到等我比鉛筆佢,不過次次都係開頭好專心,當每次做完一個時,我會問佢靚唔靚,佢多數都話唔靚,因為每次bb做到好馬虎我都會即刷咗佢,一 ...

loloyen

HI!媽珠
昨晚我都用咗成個鐘先同BB做完啲車呔,又係中途冇心機,哄完唔得到我發惡 ,佢又喊 ,攪咗一輪,人都癲,我知BB已經好努力,因為佢太細個,都唔可以要求咁高,小小爆呔都算,不過我想訓練佢既專注力,慢慢令佢習慣做功課要專心,快啲做完又靚既話就可以玩,唔知要等幾耐先唔使篤住佢做,唉!

媽珠

Hi! loloyen,

我個女又係, 做咩都響度玩, 食嘢個口唔係好郁個隻腳就不停郁, ..............

我上次介紹你其中有本叫創意運筆, 好似而家佢啲功課, 又係畫直線, 斜線, 畫圓圈... 你試下買比佢自己做下, 一來等佢試下自己坐定定做功課(做得唔好, 你都唔會有壓力). 二來做多啲手指同手腕都靈活啲.

原帖由 loloyen 於 10-10-7 15:18 發表
HI!媽珠
昨晚我都用咗成個鐘先同BB做完啲車呔,又係中途冇心機,哄完唔得到我發惡 ,佢又喊 ,攪咗一輪,人都癲,我知BB已經好努力,因為佢太細個,都唔可以要求咁高,小小爆呔都算,不過我想訓練佢既專注力,慢慢 ...

loloyen

HI!媽珠
THX你,我有同C6講過話買,但佢話用白板筆寫唔好,所以冇買到 !
今日做直線好好多,可能圓形真係好難掌握,我個仔咪一樣唔停隻腳,食飯係都要郁,可能細個係咁,大啲應該好啲,明天你會去接女女放學嗎?今日阿仔放學我問佢今日HAPPY IN SCHOOL,佢話HAPPY,我問BIG定SMALL,佢話SMALL,我問仔點解,因為平時佢多數都會話BIG HAPPY,佢話今日曳,問佢乜事曳,佢話冇唱歌,唔知係未上音樂堂既時候玩性格冇同其他同學起身做動作同唱,等我明天問下MISS LAM先,THX!

媽珠

Hi! loloyen,

我個女對斜線唔係好掌握到, 之前我見佢手仔夠力, 有買過啲 copy book 比佢做, 有虛線位就寫到, 到白格就寫唔到. 我諗都係要練多啲先得.
細路都係一個個, 好似表弟(應該細過你個仔2-3個月), 佢仲好動過我個女, 但食飯佢唔周身郁.

今日我會去接呀, 順便睇下 套校服.

細路仔有時情緒波動好大, 可能突然冇 mood 就唔唱, 我個女都會.

原帖由 loloyen 於 10-10-8 00:30 發表
HI!媽珠
THX你,我有同C6講過話買,但佢話用白板筆寫唔好,所以冇買到 !
今日做直線好好多,可能圓形真係好難掌握,我個仔咪一樣唔停隻腳,食飯係都要郁,可能細個係咁,大啲應該好啲,明天你會去接女女放學嗎?今日 ...

loloyen

HI!媽珠
今日你都聽到BB係音樂堂 ,真係唔知點解,平時佢好鍾意唱歌,連校車姨姨同司機叔叔都話佢係歌星,可能呢兩日玩情緒 ,今日收到張通告賣旗活動,請問你會參加嗎?見到個時間咁早,有啲難,如果BB本身返上午班咁就冇問題,加上BB又咁細個,可能下年先參加會好啲,因為佢做完呢個活動都唔知乜事,始終太細未明白,我BB下星期一要請假,因為定期要返醫院睇肝功能報告,星期日要抽血 ,到時要同BB大搏鬥 !

媽珠

Hi! loloyen,

佢唔係唔鍾意唱歌, 可能佢唔慣大合唱, 阿女話仲要做動作(跳舞) 同有時Miss Leung 會找小朋友玩樂器. 始終都係剛開始返學, 可能未習慣群體生活啦! 慢慢比老師贊多幾次佢有咗信心就會冇嘢o架喇!
我會參加賣旗活動, 因為個個星期六返跳舞班都見有人賣旗, 我都會叫佢買. 佢開始知咩係賣旗, 我想比佢識多啲.
我個女都試過抽血. 嗰時佢兩個月大, 有日食咩 咩. 我阿媽驚到唔知點, 咪即時帶佢去醫院急証室, 照咗 x-way話冇事, 見佢細個要佢留院, 上到病房即時抽血, 但家人唔比睇, 我阿爸話可能怕我哋心疼 , 所以唔比我哋睇.

原帖由 loloyen 於 10-10-8 19:07 發表
HI!媽珠
今日你都聽到BB係音樂堂 ,真係唔知點解,平時佢好鍾意唱歌,連校車姨姨同司機叔叔都話佢係歌星,可能呢兩日玩情緒 ,今日收到張通告賣旗活動,請問你會參加嗎?見到個時間咁早,有啲難,如果BB本身返上 ...

loloyen

HI!媽珠
可能BB真係未習慣加上比較細個,THX!
我諗我要等下年先同BB去賣旗,因為BB真係乜都唔知 !
我BB未去私家做手術之前係一路係政府睇呢個病,不過真係唔敢再比政府睇,政府啲醫生姑娘同BB抽血時BB可以喊到拆天,當時我個心好痛,之後轉去私家跟進,都係一樣抽血,但我聽唔見BB喊,好似冇抽過咁,可能私家個啲姑娘溫柔啲,政府個啲做到人都癲,唔多溫柔,見過鬼都怕黑!

媽珠

Hi! loloyen,

今日你 BB body check 有冇扭計呀?

頭先阿女同我投案話佢自己今日唔乘, 因為去vv 時響toilet 好大聲同姐姐講 唔該. 比 MISS LAM罰坐響 MISS LAM 旁. MISS LAM 重話下次再唔乘就要佢過隔離 MISS LEUNG嘅課室. (即係唔要佢)...

原帖由 loloyen 於 10-10-9 01:02 發表
HI!媽珠
可能BB真係未習慣加上比較細個,THX!
我諗我要等下年先同BB去賣旗,因為BB真係乜都唔知 !
我BB未去私家做手術之前係一路係政府睇呢個病,不過真係唔敢再比政府睇,政府啲醫生姑娘同BB抽血時BB可以喊到 ...

loloyen

HI!媽珠
昨日BB去抽血,本來第一次BB好叻,冇乜掙扎,點知抽唔夠血,又要抽多次,第二次叫晒HELP ,勁掙扎,攪咗成個鐘是完成,兩隻手背都有針位,抽完即刻比枝珍寶珠佢食,見到都心痛!今日睇完報告,啲指數有啲又高下,有啲又低下,見到都唔安樂 ,但係教授睇完報告同再按BB肚肚後講又話好好,最易發炎期頭個兩年都冇發,即是好好,可以一年先覆一次診,指數又高又低係正常,不過我當然想所有指數都跌啦!信教授定唔信呢 ?
我已經買咗你介紹既練習薄啦!BB今晚試寫,短既直線都寫到,不過一到好長既1字就唔識郁隻手,手臂唔識慢慢向後,所以寫到一半就衰咗,我會比時間BB慢慢佢訓練,THX!
你女女今日唔乖,小朋友都係唔定架啦!我BB都會,大家咁話,你女女聽到MISS LAM話唔要佢,有冇唔開心?
今日去反嘔城睇到好多萬聖節服裝,多都唔知邊件好,BB又話要THOMAS,不過件THOMAS太大件,如果BB穿咗上去就剛剛到腳指,即係好論盡 !我會考慮買南瓜披風同魔術帽,下星期先同BB去買!

媽珠

Hi! loloyen,

我聽到都心痛, 明天會唔會仲見到個針窿呢?
大家都唔識醫, 只有信醫生. 或者你問多個醫生睇下意見.
Halloween 服飾, 我建意你睇中就快啲買. 因為我今日行開深水埗, 上次見到啲Halloween 服裝同配飾好多都斷咗款/色.
阿女上星期五一放學其實同我講話到時要著Cinderella 裙, 可能Miss Lam同佢哋提過可以扮公主. 其實一早佢已經問我可唔可以著. 我"坤" 佢唔著得. 因為佢著咗嗰條裙就唔肯著褸或外套. 佢話 Cinderella 都冇著. 我最盡只可以入面同佢著件白色長T. 唔著外套我怕佢凍.
頭先 Miss Lam 打比我, 因為今日阿女喊 咗好耐, 停咗又再喊. 喊到放學都有眼腫. 怕佢返屋企唔開心. 我同Miss Lam 足足講咗半個鐘. 我知多咗好多阿女學校嘅生活, 又講返啲阿女平日嘅嘢比Miss Lam 知. 大家交留下囉.

個傻妹冇唔開心. 佢講嘅時候好平淡. "媽媽我講啲嘢比你知.........

原帖由 loloyen 於 10-10-12 00:28 發表
HI!媽珠
昨日BB去抽血,本來第一次BB好叻,冇乜掙扎,點知抽唔夠血,又要抽多次,第二次叫晒HELP ,勁掙扎,攪咗成個鐘是完成,兩隻手背都有針位,抽完即刻比枝珍寶珠佢食,見到都心痛!今日睇完報告,啲指數有啲又高下 ...

loloyen

hi!媽珠
你女女乜事喊咁耐,冇事嗎?
bb個兩個針窿重係度,過多兩日會唔見,每次覆診前都超擔心,因為驚個報告唔靚,我比正常既mama會多些壓力,因為唔知bb邊日會惡化,生命受威脅,真係幾難頂 !
我之前同miss lam傾親電話都有半個鐘,好似朋友咁傾,難得miss lam唔介意同我傾,miss lam電話費好費 ,多些溝通大家都可以知道小朋友係home同school既情況,有乜問題都可以快啲改正!

媽珠

Hi! loloyen,

我個女最叻睇人嚟喊, 可能 Miss Lam 有呵佢, 佢就會喊耐啲. 佢平時如果喊(做錯嘢)我唔會呵佢, 只會叫佢企在一旁同比條毛巾佢叫佢自己冷靜下. 佢見冇人理佢就唔再喊. 但換轉佢爸爸就唔同, 因為會氹佢. 所以都會喊耐啲.
你唔好比噉多壓力比自己, 你唔開心. 你 BB 都會 feel 到同你一樣唔開心.  你哋大家一齊開心啲, 我相信會令身體正常返. 醫生report 啲指數高高低低只係個指標, 不能作準. 好似我媽媽之前有次body check. 醫生話佢有糖尿病, 佢都冇特別戎口. 到第二次再check. 醫生又話指數 ok. 又冇事和. 如果真係好大問題, 醫生會叫你即刻再check 多次. re-confirm 係咪真係有問題.....

你放鬆啲啦！

原帖由 loloyen 於 10-10-12 16:17 發表
hi!媽珠
你女女乜事喊咁耐,冇事嗎?
bb個兩個針窿重係度,過多兩日會唔見,每次覆診前都超擔心,因為驚個報告唔靚,我比正常既mama會多些壓力,因為唔知bb邊日會惡化,生命受威脅,真係幾難頂 !
我之前同miss lam傾親 ...

loloyen

HI!!媽珠
我平時對住BB唔會表露唔開心,只有自己靜靜既時間先會去諗,我都唔想太去諗,不過又係要諗,傻傻地,C6成日話諗乜,都冇事呀,BB好好喎,佢唔係我佢唔知做MAMA既擔憂 !
你女女都係睇人嚟炸嬌,我BB都會,昨日MISS LAM打比我,我都知道MISS LAM會打比我,因為我昨天接BB放學時,見到佢換咗褲同成身DIRTY,睇真啲係香蕉,因為我知道昨天食乜,MISS LAM話佢食茶點時揸住香蕉唔想食好似玩咁,跟住跌咗落地,就係咁成身都係香蕉蓉,MISS LAM跟住再比佢,要睇實BB,BB先肯食晒佢,唔計呢樣嘢,MISS LAM話BB好乖,有禮貌喎 !
希望在明天!