崇真小學暨幼稚園 - 孩子在幼稚園內走失?

bobo620

我的女兒今年會在這學校升K3, 每一年學校的暑假班,復活節班、星期六的加油站全部都有參加,對我來說學校如果真的發生這些事我會很不開心, 因為與小朋友的安全有關,身為在崇真的一個家長我想我會比你們更加關心學校的安全, 當初我聽到有小朋友在學校走失, 覺得真的很大件事., 我亦有與其他家長傾過這事,原來剛巧有家長當時在學校, 她聽到那個小朋友是沒有走失的, 但怎麼事情會變成這樣, 我就真的不知道了。

至於學校的家教會, 我想每一個人都知道家教成員是由家長選出來的, 是義工性質,對他們有任何益處, 他們的小朋友也是在這學校就讀, 你們認為他們不是會更加關注這件事嗎?幫學校講好說話對他們一點好處也沒有

而要走出學校要經過校務處才可走出大門, 行出學校大門是一段斜路, 亦有一個亭, 裡面都會有一個校工的, 走出學校門口我覺得是沒可能的事

而你們所講有報了警亦有報案號碼那怎解釋, 我所知如果有人打了999, 警察來無論發生甚麼事都一定會有備案號碼, 也不能代表什麼

而這個家長由其他學校插班讀K2,亦應該是很喜歡這學校吧, 我亦很明白這個家長的心情, 因每當小朋友在學校有任何事發生我亦會很亂, 變得不夠理智, 因我們對小朋友的緊張。現在這件事越鬧越大, 我想家長也是始料不及的, 而發生這件事, 家長難免會在這小朋友面前講了一些說話, 小朋友自然會更害怕這間學校, 如仍在這間學校繼續讀, 小朋友難免有一些陰影, 除非小朋友仍覺得沒有問題, 做家長的每一件事都要為小朋友著想, 亦要理會他們的感受, 我見有些家長好像說成是學校要這家長另找學校 , 這樣對家長對學校都是不公平的,

其實會否當中有一些誤會呢?其他人亦未必清楚, 而網上力量真的很大,往住只越描越黑, 這樣對家長對學校都是不公平的, 現在是暑假時間, 這件事最好是留待學校開學再解決吧!


[ 本帖最後由 bobo620 於 10-8-23 17:25 編輯 ]

pandabonita

我念一定係咁:
樓主叫個小朋友見老師不留意時自己lei埋,跟著自己就按預定時間打電話報警.

樓主其實以經好慘,仲要俾人圍,唉.

alowe

我嘗試以私家偵探角度提出一些問題讓大家分析案情:
1. 家長接到途人電話說在街發現一位小朋友，途人何以知道家長的電話？三個可能：一是小朋友識講．二是小朋友身上有家裡的電話號碼．三是家長無中生有．

2. 家長收到消息後立即報警可是正常現象，因為她不知當時情況，為免意外發生如小朋友掙脫途人自己走出馬路，又或者途人急於離開不能照顧他，又或者會有拐帶者出現，又或者是冒名敲詐，總之家長非常担心所以報警．因為一般來說警察會最先到達現場處理事件，亦可防止罪惡發生．請注意家長當時沒有意圖投訴學校，因為究竟發生甚麼，相信她還不大清楚．她亦有即時打電話給學校，向學校查正及尋求協助．研究結果只有三個:一是家長精心報局為求小朋友入讀國際班的談判條件．二是小朋友真的走失過，三是小朋友一直都在校園內．

3.  家長有報案相信各方都同意，而小朋友已平安回到家長懷抱，便會自動消案．而亦有家長看見有警察到學校，這只是循例往學校探訪，打個招呼而矣．

4.  如果學校說學生是在校務處被發現，如是真的話，途人根本無須致電家長，直接通知學校便可．如沒有途人存在，家長又如何知道小朋友會走失．即時報警及通知學校．除非是她夾定小朋友叫他自己走去校務處或者街上．

5.  家長事後向各部門投訴，如是虛構，代價可能很大，是否值得呢？就算投訴成功又怎樣？學校會收她的小朋友嗎？她又會送她的小朋友去這間學校嗎？相信都不會．那麼她為甚麼投訴呢？原因可能有三個：一是因為學校不收她小朋友因而作出報復．二是因為學校犯了過失不認錯．三是要討回公道．

我關心的是究竟學校有沒有疏忽，讓小朋友自己走出校門．我是希望身為教育工作者，不容被人歪曲事實，遭受惡意攻擊．亦不希望見到身為教育工作者，不負責任，好像某集團發言人睜大眼，講大話，這種人你叫我們怎可將我們的下一代交託給他們呢？至於校長，教師怎樣好，家長事後怎樣和學校談判不在我討論範圍．

JanetShing

我想問你們講了咁長時間, 有幾多人是知道真正的情況是點發生啦.  我都好想知道真相, 因我囝囝在此校讀書. 因我是自已每天接送的, 我想知道走失的小朋友, 是在那裏找到的. 因為大斜路和路梯兩邊都有更亭和看更睇著. 如有一個單獨的小朋友走下來, 他們一定會截住. 所以我都好想知道真實的情況. 我好想當事人再詳細講述一下, 無謂一些不知來龍去脈的旁人再講太多了.

chris712

今日番學校開家長會,同學仔媽咪講起,先知道呢件事,所以特登上黎睇睇

睇完之後覺得好唔開心,發生走失小朋友甘的事,對校譽的影響真係好大,在我自己而言,小朋友離開課室冇人知已經很不能接受.

既然校方都承認發生過呢件事,都唔算完全逃避,我都相信開學後學校會交代一下,再者,今日的家長會,學校都好著力甘講解新的保安設施,EG出入口,接送證之類.我諗學校係認真想改善,避免再出現同類事件.

好多人係到話校長講大話,唔認小朋友走左出去,我想解釋下學校個環境.間學校對比一般幼稚園大好多,因為小學都係同一個校舍,佢位處係山上,兩個出口,一個係長斜路落石硤尾(SFA個位),一邊係長樓梯落太子,而校務處就正正係長斜路果邊個門口,一出校務處就係果個門口,在果位家長黎講,可能出左果個門口(學校building門口)就係走出左間學校,但在學校黎講,果到都仲係學校範圍,要行到落山腰,過到個更亭加大鐵閘,先算離開學校,所以其實家長同校長其實都唔應該算講大話(當然我唔同意個小朋友行到去校務處係冇問題),只係大家定義問題.

至於備案,已有家長講左,其實只要有報警,就會有no,不會不受理的,點都會有個no,再者,警是樓主自己報的.

我相信樓主講的事係有發生,但亦相信蕭阿E的說話,很簡單的一句,如冇要求轉班的事,說一句沒有就可以了,為什麼樓主被問到這個就不再回應?我信學校在錯誤上未必取理得很好,又或有推搪之辭,但我不信校長會作d野出黎講.

至於老師友不友善,暑期班我不知道,但我間中回校接放學時,老師都會主動打招呼,同學跟老師打成一片,好似今日,我女同另一個同學,一見到上學年個班主任,就衝上前攬住個老師,我唔敢講個個老師都一定係甘,但至少我見到的老師,都好得小朋友歡心.唔付出愛心的老師,我諗小朋友係識分的.

ngmyan

阿楼主好久不上BK了，可能忙于找学校吧。若我是楼主见到家长会代表代表校长对事件之handle方法都是努力找学校吧了。

PEGGYP

Ms Silvia Ng, 原來你亦是家長教師會委員之一, 我於上星期六已掛號寄出一封投訴信給你們,我亦好希望找你們協助了解事件(是否如校長所說呢?),我希望你們收到信後與我聯絡傾談內容熟是熟非.
p.s.最後,本人不會再在此討論區再作分享,希望把事件交由有關部門處理
以上是樓主在此討論的最後留言, 樓主不是逃避, 亦不是沒交帶....我覺得樓主不再回應的原因是, 不想大家再用一些"有私心" , "另有目的"的眼光去對待佢!!!!!!

樓主已經好慘同好無助, 起初只想分享下件事件比我地作為警惕.....但大家無安慰之餘, 重要"落井下石",不如大家用d正面既說話去對待樓主.....

anyway, 樓主~你要加油呀!!

原帖由 chris712 於 10-8-26 02:10 發表
今日番學校開家長會,同學仔媽咪講起,先知道呢件事,所以特登上黎睇睇

睇完之後覺得好唔開心,發生走失小朋友甘的事,對校譽的影響真係好大,在我自己而言,小朋友離開課室冇人知已經很不能接受.

既然校方都承認發生過呢 ...

Charlotte_mom

搭句咀先
如果樓主真係為左轉國際班至"作/攪大"個故事, 太蠢了吧?! 想人退學, 求祈作個故仔都得啦, 駛咩將自己小朋友擺上檯?
不過, 唔知有無人知(呢個肯定係事實, 我社工朋友同我女學校都係咁講), 一打999, 就會俾記者勾線, 一定即時有記者上門, 如果件事無見報, 一係就件事好快已經解決左, 一係就........

邊個真邊個假, 我就唔批評了

我自己都係家教會委員(唔係TT), 回想有一年9月1日, 校巴EE o係未confirm有人接既情況下, 放左個1年班落車(即學生升小第1日), 好在原來個大人就o係旁邊(媽咪驚小朋友扭計所以偷睇, 目撃成件事)
我o係bk知道呢件事, 都即刻打返學校了解, 同打去校巴公司"醒"佢
我都覺得安全永遠係第一, 好在校巴老闆都係明白人, 自己職員錯左佢會認同會改, 之後就無聽過類似事件啦

chris712

我唔覺佢得特登作個故仔出黎,唔覺得冇發生呢件事,唔覺得佢會為左甘而特登叫個小朋友去走失,就算佢想,小朋友都未必配合到啦,

但係,當發生左件事之後,令她"靈機一觸"甘諗的話,又有乜甘奇,再者,我真係唔信校長會甘樣屈佢,如果佢真係甘樣要求過的話,我就唔可憐佢了.發生這樣的事,最正常的做法,乜唔係搵過第二間咩?

個post係佢自己開的,最初仲日日應甘滯,我唔信佢冇上黎睇過囉,冇做過的話做乜唔應人?如果係冇,否認左,咪仲多人支持佢~!呢到又唔係冇人支持佢.個個都話撐佢架!但如果真係有甘的事,比我都唔回應lu~~~

btw,學校走失左小朋友就點都抵打的啦...但現在佢已即刻改左好多了..似乎真係嚴左..

(ps,依家記者已經唔可以聽到999同救護車的電話啦,以前是可以的,現在已經冇左呢回事啦,係記者行家講的,我都有印象新聞有講過)

alowe

八達通同菲律賓咁大件事，只要認錯，道歉，調查，改善．就可將事件的影響度大大降低．如家長投訴屬實，這件事不竟是意外，沒有人想發生的，亦沒有做成大傷害，一旦學校已做足以上四個步驟，家長也應該釋懷了．