究竟york新生黎緊8月幾時開學嫁？

fion_yinyin

由突然開國際班搞到大家心大心細；k1新生係唔係新校舍搞到大家疑似被騙；到怡家連開學日期都搞到我呢位準家長極混亂。

事緣係因為我同老公想係summer holiday去旅行，我地3月同5月各自打左一次電話去office問，註冊日當天面對面問miss，得到的答覆均是8月12日﹙thu﹚開學。但剛剛收到校車個邊打黎，佢地話應該係8月11日﹙wed﹚開學﹗？

由於我同老公好肯定之前3次聯絡校方得到的答覆都是8月12日開學，我真係好想問下其他york既準家長，究竟黎緊8月幾時開學？8月11日定係8月12日？萬謝﹗

fion_yinyin

多謝你地兩位既回覆。但因為我同老公2個幾月前要報summer旅行團，校方3次回覆都係8月12日的。同埋因為要老人家接送放學，老人家8月11日約左睇醫生，怡家變左又要等醫院覆改唔改到期law。學校改左開學日期又唔通知家長，搞到個難題係：一係就老人家miss左覆診日期，一係就bb無得返學。

我今朝打過俾副校問，佢話學校最切暫定開學日期係8月12日，今年2月confirm開學日提前一日至8月11日。但最奇怪係有乜理由註冊日我面對面問miss同5月打去兩次都覆係8月12日開學嫁？？2月至5月前線同事+老師一直都唔知高層改左開課日，有無搞錯啊？怡家搞到好煩law，點算好啊？有無人救到我？

[ 本帖最後由 fion_yinyin 於 10-7-16 14:20 編輯 ]

fion_yinyin

唔係唔想包容呢，講真真係有好多人summer holiday會報旅行團去旅行，亦有好多老人家幾個月要去醫院覆診一次。咁為左唔好撞bb返學，加上學校d信又隻字不提幾時開學，咁唯有就係打去問嫁姐。點知問左3次﹙我強調唔只問左一次﹗﹚個日期到最後都可以改嫁﹗﹗﹗

其實york辦左學咁多年，都無理由唔知好多時父母兩個都要返工嫁喇，你咁樣改一改日期，搞到人地"一鑊粥"。你估我唔想全職係屋企湊仔咩？你估我唔想老人家身壯力健無病無痛咩？

唔好意思啊咁多位要睇我呻，因為麻煩到老人家覆唔到診，怡家要特登搵一日去拎藥﹙因為醫院一改期就有遲無早﹚。家陣天氣咁鬼熱，要麻煩老人家走黎走去，york d管理層閉門自以為事將d野改黎改去既時候有無諗過呢樣野？

fion_yinyin

yes﹗完全同意﹗以後仲要係到讀3年，希望唔好再發生同類事件﹗

fion_yinyin

我真係唔知學校上上下下既人幾時至一致口徑話8月11日開學喎。我都講過有好多老人家幾個月要去醫院覆診一次啦，專科門診又係某一日至睇某一科既病。如果其他bk家長無親人睇開醫生可能唔知呢個事實。

正因為老人家要定期到醫院覆診，咁梗係要早幾個月知開學幾時開學啦，我5月問左學校三次﹙我強調係唔只一次﹚喇﹗都係話8月12日開學啊，死未？

因為老人家唔想送唔到小朋友第一日開學ma!!!! 學校將d日期改黎改去，改左之後又唔跟進之前放左出街既舊開學日期，怡家咪搞到我地要靠老人家既家長一頭煙law﹗﹗﹗唔通我屋企個老人家要睇醫生係錯咩？唔通我想早d安排等老人家可以湊小朋友返學係錯咩？

fion_yinyin

再講我唔係唔想湊小朋友返學，個pt係我知學校唔俾陪小朋友返學。咁如果只係送上車同由校車接返屋企，我又唔想請假law。原本想做到三嬴局面：我可以返工；老人家可以湊小朋友；老人家可以依時覆診拎藥。怡家煩啦，俾一間有幾十年history既學校隨意改開學日期搞到我陣腳大亂..........﹙希望各位體諒我心煩氣燥既原因﹚

fion_yinyin

多謝你地既關心同提醒啊，其實怡家已經搵到所謂既解決方法嫁喇。

因為老人家睇醫生睇梗星期三的，星期三至有老人家個病既專科門診睇。當初我地諗住bb開學前老人家覆左診，咁幾個月後等bb適應左至覆診及搵鄰居幫手無咁擔心啊ma﹙而且8月4日睇開個主診去左旅行﹚。
但岩岩怡家由thu改左wed開學，咪搞到我頭都大埋law。

我係有苦衷至所以咁早問學校幾時開學的。唉，點知早計劃又係唔岩。點鬼計到一間出出地名既學校會隨意改開學日期至得喎!!!!! 只係識坐係冷氣房自己亂咁將d重要野改黎改去，又唔諗下8月12日呢個消息曾有同事發放過出去。學校改開學日期，多我個bb一個唔多，少我bb一個唔少，學校理我個case至奇﹗日後佢行政混亂既事只會不停咁發生。