葵興朱昌幼稚園

chanmok

各位準備於2010年為小朋友報讀幼稚園的家長留意！我呢幾日將會深深討論呢間幼稚園，因我女兒是受害者，諸位家長敬請留意！

Dear every father or mother:

Have we perpared to join kindergarden on 2010？I will discuss this kindergarden recently, it is because the victim is my daughter, pay attendion......

idy926

我親戚都幫個女轉走左，吾記得mug事(可能吾係大問題，只係另一間更合適)，你又為何？

原帖由 chanmok 於 10-7-14 22:47 發表
各位準備於2010年為小朋友報讀幼稚園的家長留意！我呢幾日將會深深討論呢間幼稚園，因我女兒是受害者，諸位家長敬請留意！

Dear every father or mother:

Have we perpared to join kindergarden on 2010？I will discuss th ...

SAGO

發生咩事.....

chanmok

我太太唔准我講住,話俾多2日時間佢考慮喎！我耿係會尊重佢意見啦，各位請等侯！sorry！

chanmok

Tom991:

我亦承認朱昌幼稚園學術上係一間上等幼稚園，分分鐘好過一些名校！但這是表面上的觀察，如果妳深入睇真D，內裏有好多事情都會令妳不開心！除非妳無慾無求，這我無話可說，但我本人係一個相當執著的人，每事盡可能做到公平、公正、公開(不能夠亦希望接近)，如果妳說令千金今年K3畢業而小千金今年升K3，我亦能估到妳是誰！各位緊記！朱昌幼稚園是一所學習優良的幼稚園，但其他我不敢恭維！

chanmok

各位家長：

1)
呢3年小女就讀呢間幼稚園，到今年畢業真是不吐不快！小女於2007年報讀該校下午生，並由一名姓宋的老師任班主任，該老師只關注一個姓梁的女同學，其他同學並不理會，令梁同學自信心爆棚，其他同學就每況逾下，甚至乎小女有一次被一姓劉女同學每日用手掌摑面部及被梁女同學捏手，理由係如果想同佢0地玩就要俾佢0地打，我唔知老師係唔知呢件事定係唔理？最後我發現小女在同其他小朋友玩耍時都表現出驚慌及無自信時，我向小女查詢才發現此事！於是我向主任投訴才得以正視。但回想一個正常的小朋友被欺負時都會哭或每天都被打時老師都未能察覺？這是老師能力有限定係嘗試忍蹣事實？(師資不良，朱昌幼稚園第一宗罪)


2)   2)   
梁女同學欺負同學，品行欠佳，但仍三年都榮獲‘學習表現發展優良獎’及每年獲頒獎學金(雖然不多，但不公平)，而其他同學均被評為‘學習表現尚可’。(處事不公，朱昌幼稚園第二宗罪)


3)

於2009年本人亦怕了姓宋的老師而轉了上午班，這班由一名姓文的老師任班主任，我亦欣賞該老師的盡責及勤力工作教導小孩，但處事不公的情況依然，每次出外表演或上台演講時都是佢所喜愛的小朋友擔任，並無給予其他小朋友機會去表現自己，雖然十隻手指有長短，亦不需做得這麼明顯！(管理層缺乏監察，朱昌幼稚園第三宗罪)

chanmok

還有更多未講完！因太忙！下次講多D。

schulung

本人的女兒是今年在朱昌畢業,我個女就讀三年啦,從幼兒班到高班都是文老師做班主任,我女兒在文老師三年悉心教導下從一個被動怕事不夠自信的小孩子, 到今天大有改善,朱昌幼稚園及老師們真是功不可末, 我相信朱昌幼稚園對小朋友在幼兒教育上的貢獻亦不少及能令大陪份家長十分滿意. 朱昌幼稚園可能在某些地方未能令樓主滿意, 為何一早
有問題發生, 卻等到2009年才轉上午班? 為何不早一點就轉一間比朱昌更好的幼稚園, 相信總有一間合你心意. 為何到今天才上網唱衰一間好學校

luilui007

原帖由 chanmok 於 10-7-17 18:16 發表
各位家長：

1)
呢3年小女就讀呢間幼稚園，到今年畢業真是不吐不快！小女於2007年報讀該校下午生，並由一名姓宋的老師任班主任，該老師只關注一個姓梁的女同學，其他同學並不理會，令梁同學自信心爆棚，其他同學就每況逾下，甚至乎小 ...

如果屬實的話真係好離譜,但俾我會一早轉校

luilui007

原帖由 chanmok 於 10-7-17 18:19 發表
還有更多未講完！因太忙！下次講多D。

如屬事實唔怕講啊,一定要俾真相大家知!

dogbobo

我的女兒亦是今年朱昌幼稚園的畢業生,由幼兒班至高班一直由文老師和宋老師照顧,我個人十分贊賞這兩位老師的教學和處事,大約一年前,我女兒因和其中一位同學十分老友,所以經常用一些命令口吻對待他, 當文老師知道後,她並不是第一時間責備我女兒,她細心地解釋和引導,令女兒漸漸明白,(當然不是一天就可以令她改變),但文老師亦繼續跟進事件,直至我再查問時,女兒已經改變這習慣 ,
其實子女有無自信,並不是只靠學校和某一件事引起,家長正面的輔導是最重要,小孩子最相信和依賴是父母,如果我地都唔能夠以正面訊息給小孩,小孩又點可以快樂自信地成長呢? 我亦都有參觀過他們出外比賽和表演,我好肯定的講,老師選擇的學生,他們全都是口齒仱俐,十分淡定的,試問一下,如果代表學校比賽,唔通會求其選一個???如果係好,老師一定唔會睇唔到,就當老師偏心,主任,校長都唔會"倒米"掛?

chanmok

首先我有點疑惑schulung及dogbobo二位報稱是家長的人仕，二位都報稱自己子女在上述幼稚園今年畢業，但我睇返妳0地註冊日分別為2010-07-17及2010-07-18，試問妳已有一位6歲或以上子女，理應很熟識babykingdom呢個網站及最少曾發表過一至二篇文章或問題，所以我估計二位可能是文老師或幼稚園內的人！但不重要，可能我估錯，我道歉先！

其次我回應schulung之疑問：1)因小女之及姑媽極力推薦呢間幼稚園，所以我才入讀。2)點解不早轉校？因小女二位表姐都是妳(文老師)教，話妳很好！所以等轉上午校比妳教，但原來名過其實，令人黯然！3)我所講全都是小女之遭遇，這是事實，並非唱衰！有很多家長都知道呢幾件事！佢0地重未死，可以搵佢0地出來對証！唱衰意思係作，而我講事實係比其他家長知道呢間幼稚園對小朋友之方法！

我再回應dogbobo：如果一個幼稚園老師連一個幾歲大之小朋友壞習慣都無法改變，那麼妳應早離職，這是基本工夫！另外，比賽我亦承認搵一些有能力之學生出賽為校爭光，但總會有後備卦？比一些次要之同學去體驗一下，總比在書本上學習好！而妳話表演搵一些口齒仱俐,十分淡定的，但我亦覺得妳搵錯對象！妳記唔記得有一次妳搵吳女同學上台演講，最後因怯場而放棄，是否淡定妳心裏有數？我知道偏心是每間學校都有，十隻手指有長短！妳們做得太明顯，到頭來咪又係‘倒米’。

chanmok

我再講比大家聽，朱昌幼稚園每年都有很多活動及比賽推行，例如：中秋花燈設計比賽、聖誕吊飾設計比賽、親子比賽、東亞運動會設計比賽等，而另一方面更有每年旅行、聚餐、參觀汽水、薯片廠等。這些活動我全家都踴躍參加，而我太太在不需參與時更替學校做義工去照顧其他同學，因為我覺得呢D活動出發點良好，有助加強家長、學校及小朋友之溝通及關係。所以我講他們在學術上和教育上係高水平，但人事方面就有點強差人意！

最令我憤怒是：試問各位家長一個小朋友一世人有幾多次畢業禮，如果聰明的話係四次，分別係幼稚園、小學、中學及大學。小女在今年畢業典禮中，因本人工作關係未能出席，故此我要求我太太屆時將過程拍攝給我看及拍大量照片留作記念。但不幸就此發生，該校竟然找一名就讀下年校梁女同學站在中間，因梁女同學個子較高大及深得學校愛護(三年獲獎及三年得獎學金)，這完全遮蓋站在後方的同學，包括小女在內，這令我太太無法拍攝及拍照。之後問返文、宋老師為何安排失當，二人均稱是主任意思，我再問主任但回覆並非其意思，試問偏心還偏心，做錯事就要認，不能以一己之喜好而剝奪其他同學之寶貴時刻。我因工作不能出席已是一個遺憾，他日女兒長大後可能會怪責父親，現在連影片也不能目睹，那有父母不憤怒？我們一家支持該校三年，到頭來得到甚麼？所以忠告諸位家長在選校時請了解學校運作，除非你係佢0地自己人，緊記！緊記！

chanmok

還未講完，太忙，又要走啦！下次再講。

apple123456

chanmok:
  愈睇就愈覺得唔出聲唔得。你都幾唔講道理
你的野蠻一:法例唔係規定左有小朋友就一定要上babykingdom玩架係唔係呀,講到法例,你冇理由唔熟架.....陳sir
野蠻二:據知你的小朋友是插班的,你轉讀朱昌幼稚園唔係因為小朋友的姑媽,而係因為你指摘你的女兒係以前的學校比同學打,所以先轉校
野蠻三:你講到d獎只係比晒老師錫的小朋友,結業禮當日你太太和你的女兒係唔只一次上台領獎架,計落呀,老師不知幾偏心你個女啦.....我做咁多次親子手工,冇一次入圍呀.....咁我點呀,又去鬧學校呀,但我冇呀,我只係檢討我自己係唔係做得唔夠好囉.......
野蠻四:你話「發展表現優良獎」比同一個小朋友拿去了三年,這個獎據知係要睇好多方面的,不單只是睇成績...需然我唔知你的女兒和她的成績,回想起最初我帶小朋友回校上學時,總見到你的女兒在門外哭哭啼啼,單係這樣都未能奪取以上的獎吧
野蠻五:點解你咁主觀認定以上出聲的係文、宋老師呢,學校知唔知你係度講咁多野都成問題啦,.....以上的都是同你女兒同班的同學呀.....其實你有咁多不滿,何不打去學校把校長、主任鬧個痛快吧.....唔好再底萎痛愛我們小朋友的好老師吧......
野蠻六:以上倆位老師的專業都比你指名導姓咁踐踏過啦....你處事咁武段,咁主觀,咁唔理性,難怪香港的市民對警員的信心每況愈下
野蠻七:曾在開放日時,見過你女兒有表演的機會(老師真係偏心你個女啦,我小朋友都有參加銀樂隊,但冇被選中,我是否又要鬧老師呢)我記得當日你個女係負責歡迎嘉賓,學校不知幾錫你個女啦....但後來就冇再見你個女表演或比賽啦,我知道你退出左,不因就唔知啦(是否你的女兒怕辛苦,唔捱得)如果我估錯的,我先道歉
野蠻八:你的女兒輕易咁放棄了表演及比賽的機會,正如你所說,學校應多給機會其他同學,既然學校比左機會你個女,咁好自然再有上台的機會,都會留給其他同學。

apple123456

總結:你個女係以前學校報稱比人打,去到朱昌又話比人打,你話要文老師教,學校就比文老師教你個女,在小學面試時又話人地點唔公平......實在係唔係人地的問題呢.....(疑點一)
你話轉上午就可以咁快轉到上午班.......我等到今時今日都係waiting list咋,學校不知對你地幾好啦
我明白每個父母都緊張自己的小朋友,但視線唔應該只落係自己身上....

apple123456

你又講到結業禮學校安排失當,令你女兒會怪責爸爸唔幫佢留一個回憶,我相信你的女兒會怪責點解佢畢業當日爸爸會唔出席較多囉.....這豈不是對她的傷害更大嗎??
唔好再係度抹黑我地的朱昌幼稚園吧,你又講到叫準備入學的家長留意,真係居心叵測,不過你唔單只唔會成功,你仲不斷幫緊朱昌宣傳,因為有我地一班支持朱昌的家長,我地團結起來,唔會比你攪衰朱昌的名聲(不過你都攪唔衰架啦,學校咁多年建立的形象並唔係一朝一夕既,同d街坊講起朱昌,個個都話好)