回覆 Kingswood 的帖子
【DSE放榜】華英女生成「超級榜眼」 冀留港讀醫望躋身無國界醫生
| 38,690
| | 建立時間 (HKT): 0712 16:35 |
- [url=]適中字型[/url]
- [url=]較大字型[/url]
| 華英中學陳逸芝於數學延伸（M2)考獲5星星的佳績成「超級榜眼」，父母同樣感高興。易仰民攝 
|
|
 易仰民攝
文憑試今放榜，除誕生六名考獲7科5**的狀元，亦有多名考獲六科5**的榜眼，其中華英中學的陳逸芝更於數學延伸（M2)考獲5**的佳績，可算是榜眼中的「超級榜眼」。
陳逸芝修讀四科核心科目、物理、化學、生物及數學延伸（M2)，除中文獲5*外，其餘全為5**。雖差一粒星即可成為「超級狀元」，陳卻自言已滿意成績，「都無預過會考得咁好......尤其中文科有5*已經好好」，她又指，中文是自己較弱一環，為提升中文科成績，「平日都會睇多啲書，鍾意睇金庸，睇到上癮」，稱尤其喜歡《射雕英雄傳》的郭靖，「覺得佢好有純真」。
提到讀書心得，陳認為最重要是要有足夠休息，「我盡量不通頂，每晚11點前瞓，7點起身」，按計劃溫習，亦會拉小提琴及跑步以減壓；她又特別感謝家人配合，「佢哋知道我要跟個schedule （日程），就會就我，例如每日準時12點同7點食飯」，亦未有在學習上給予她壓力。其父母亦在場陪伴女兒，對女兒獲好成績感開心，陳太笑言今晚會「煮兩味」為女兒慶祝，「佢最鍾意食拉麵，今晚會煮嚟同佢慶祝」，逸芝亦笑言要「食番餐好」。
陳將來打算留港修讀醫科，「因為鍾意服務人，亦有諗過從事無國界醫生......因為好多第三世界嘅醫療設備都唔完善，所以更有需要走入去完善呢啲地方嘅設備，畀多啲希望佢哋（當地人）」，對於劉曉波事件，她希望大家不要用政治角度看待，應以最符合劉的意願和健康的醫療方案。她又認為，無需以普通話教中文，「覺得加強普通話教育就得，但唔洗用嚟教中文，始終粵語係香港嘅獨有文化，需要保留」。 
| 
發表於 16-7-24 08:27
易仰民攝 
