應唔應該去做評估??

ChristieMing

由於我個仔經常被老師投訴, 上堂時專注力弱, 極度容易分心, 所以4歲去健康院時, 同姑娘講有關問題, 及後安排見醫生, 見完醫生後, 都認為佢有需要再做進一步評估, 原先已經約o左兒童評估中心o個邊見姑娘, 但聽朋友講, 叫我唔好去, 怕影響到佢將來考私小, 驚因為呢一次評做, 而被標籤o左為問題兒童......

自問小兒專注力問題唔係話好嚴重, 大家都認為, 如果佢真係有問題, 都係踩界而已, 所以最終冇去到。

今日睇完都市閒情, 講呢個問題, 又開始好擔心呀仔其實真係有問題, 如果真係有, 而我唔去理, 好驚等佢大o的先去醫, 到時就遲...而家搞到我好苦惱啊!!

究竟, 考私小, 係咪真係有需要上報有關資料嗎????

hinhei

政府做完應該學校唔會知結果........

我個仔個時做完, 份報告係交比我, 交唔交比學校係我自己決定!!

結果入小一時我都照交!!

tingwong

原帖由 ChristieMing 於 10-7-6 15:52 發表
由於我個仔經常被老師投訴, 上堂時專注力弱, 極度容易分心, 所以4歲去健康院時, 同姑娘講有關問題, 及後安排見醫生, 見完醫生後, 都認為佢有需要再做進一步評估, 原先已經約o左兒童評估中心o個邊見姑娘, 但聽朋友講, ...

我覺得唔好做一D自欺欺人o既事囉！小朋友有問題就係有問題，就算你唔去評估而又入到名校，都無用啦，到時老師都會知咩事。
我個仔而家都做緊言語治療同早期訓練，9月會再加個職業治療，我有同學校講，因為家校有溝通對小朋友好D(但你可以唔講)，有同學媽咪覺得我個仔好正常無野，所以經常叫我唔使去治療(因為佢知我好攰)，但我覺得寄然評估有問題，又唔去理將來會後悔一世

我希望你會去評估，我唔知你所講私小係唔係指名校，但我覺得現在先係最重要

[ 本帖最後由 tingwong 於 10-7-9 01:04 編輯 ]

艾仔仔

原帖由 ChristieMing 於 10-7-6 15:52 發表
由於我個仔經常被老師投訴, 上堂時專注力弱, 極度容易分心, 所以4歲去健康院時, 同姑娘講有關問題, 及後安排見醫生, 見完醫生後, 都認為佢有需要再做進一步評估, 原先已經約o左兒童評估中心o個邊見姑娘, 但聽朋友講, ...

去做評估啦! 如果有問題早啲發現早啲接受治療, 對個仔發展會好啲, 好似我細唔知點解成日做漏功課 & 勁心散, 可能都有專注力缺乏問題, 不過當時都無人識呢啲嘢.
你打返電話去問下"兒童評估中心" 可唔可以再排期啦! 如果你想快啲, 問下私人嘅評估中心, 有間幾好嘅, PM咗啲資料比你參考下.

carvan

我建議一定要做評估, 因為一定要盡快知道答案, 如果真是有問題可盡快接受治療, 致於學校方面, 家長可自行决定的, 因為報告是家長保存的

粉紅虎

正面面對, "機會會留備有準備的人"

bubebu323

當然去做評估啦,
如果有問題及早去醫
成效會好d

IJai

一定要去做 lo
面對問題 no 逃避 ok?

yau_grace

當然早d 評估, 早d幫到小朋友比較好.
否則, 就算入到名校都未必係好事, 因為都未必跟得上.