一間令人失望的幼兒園

Chungmy

我是南區的媽媽, 今早發生左一件好唔開心同嬲既事, 雖然仲有三日就放暑假, 但係真係忍唔到, 好想上黎舒發下, 同埋比其他媽媽認真考慮下. 就係阿女今朝係上上下堂時, 無那那嘔, 第一次嘔時, 老師打左比我, 講左一輪佢既情況, 我立即叫阿婆搭的去湊去先, 而我亦係10分鐘後出門口, 搭的士由公司去校園. 係呢10分鐘內,我亦再打多次比校園, 叫佢借多件外套比阿女, 因為阿女係書包內自已個套衫同外套, 係嘔第三次時亦都污染左.  但當我到時, 阿婆仲係幫阿女抺緊身 (已經係校園門外), 因為佢都仲嘔緊第五六次痰, 我那那林帶佢搭的士去睇醫生, 一上的士, 阿婆就同我講, 原來佢剛去到時, 阿女一個人坐左係reception 其中一位置, 當時佢個身係成身痰既, 無人理佢, 校園明明打比我時, 同我講幫阿女換緊衫, 就算阿女再嘔, 都應該有人睇下佢啦, 等家長黎到先交返比家長掛, 嘔到一身都係 (我相信係嘔第三四次時發生), 連鞋襪都有痰, 竟然無人理佢....同埋講返我一到校園時, 我打算還返其中一件外套比校園時, 我入去reception時, 我想用一用酒精洗手液時, 發現無, 前台兩位書記當睇我唔到一樣, 不過當時我掛住帶阿女去睇醫生, 所以都費事問佢地攞新.

我真係好嬲, 嬲既就係我比任何藉口兩位書記或校園, 都講唔通, 無理由一個N1既小朋友坐係reception到, 都仲嘔緊, 無人陪, 等家長???!!!!! 第二, 我係每朝都會湊阿女返校先返工既媽媽, 個兩位書記夠唔夠都會見到打朝呼, 明明見到我想用酒精洗手液, 無o西, 都唔理, 當我透明.....

雖然我K1唔會係呢間再讀, 但都唔可以禁樣對一個病緊既小朋友呀.  我真係好唔開心!!! 同埋早前呢間幼兒園係南區媽媽會時, 比人講過話老師打小朋友, 我都唔信, 因為我有問返阿女, 阿女話無, 我都唔信校園d人係無愛心, 因為佢地出名話自已有愛心...but, 今日之後, 我唔再信, 真係...

不過係到我亦要多謝張園長, 因為我打返比校園講呢兩日我阿女唔再返時, 聽得出佢好關心阿女, 不過個兩位書記就真係...................

luiflora

原帖由 Chungmy 於 10-6-28 15:30 發表
我是南區的媽媽, 今早發生左一件好唔開心同嬲既事, 雖然仲有三日就放暑假, 但係真係忍唔到, 好想上黎舒發下, 同埋比其他媽媽認真考慮下. 就係阿女今朝係上上下堂時, 無那那嘔, 第一次嘔時, 老師打左比我, 講左一輪佢 ...

一句講晒,入好學校好講運氣,記得仔仔在2月時入某間學校,心想此校講"先求人格",讀三字經,不會差得去邊吧,結果是:一個半月內仔仔生病了5次,見個幾次仔仔尿片內有臭臭無人知,有一次尿片有一半在褲外,仔仔無法行路,也無人發現,學校阿姐總是黑臉,未見笑過,老師皮笑肉不笑,仔仔發燒5次,無一次有人CALL我問為什麼唔返學,有一日我早了到學校,在門外等,聽到老師大罵D學生,至少有5/6個學生大哭,就果日,仔仔回家常發惡夢,說驚驚老師.有一日老公為了想比學校一次機會,請了半天假,去了解學生上堂情況.....點知回家老公叫我退學,我問咩事,原來在老公未問咩事時,幾個老師都叫錯我仔仔的名,當時老公覺得無必要再浪費時間在此校了,一個小朋友已經在學校一個半月(去掉病假,起碼有一個月時間)而仔仔是插班生,為何幾個老師都叫錯佢的名字???仔仔名好普通,小學生都會讀,就甘我地退學了,去了另一間叫BOXHILL的學校,學校好像無強調咩愛咩人格....仔仔去了讀4-6月,嘩~~讓我感到好意外好開心.學校阿姐成日笑,仔仔回家成日說要返學,手冊內日日講仔仔的情況,個個學校員工都會叫仔仔名(仔仔返學第二日),3個月內仔仔只生病過一次,有一次仔仔還說他在學校臭臭了,但是我們卻發現唔到,因為屁股仔好乾淨.還有兩日我地要離開此學校了,我同仔仔都好唔捨得,無辦法啦,因為此校中文比較少,我們想仔仔入傳統學校,只好在9月時轉校.希望我們不會後悔吧!!!祝我地在新學校好運.

920pp

之前有朋友個仔係呢間學校洗手間跌破頭,D血多到連衫都有,但老師都冇第一時間打比家長,家長放學時見到問點解唔帶佢睇醫生同打比家長,
學校答:都就放學啦!(佢小朋友返上午,事發時間係約11AM,因為小朋友話係排洗時發生)你自己帶佢睇醫生咪仲快!
佢之後立即帶小朋友睇私家醫院睇,補咗4針。
呢個係真事!希望大家唔好以為佢個名好名校(其實佢係得9龍塘做得叫好D)就一定好,之前我都有在另一板講都師有打小朋友比其他家長圍,多謝今次有媽媽幫我平反。

[ 本帖最後由 920pp 於 10-6-28 22:57 編輯 ]

snowygary

可唔可以開名,因為這樣可避免更大的悲劇

ameinahor

Can u declare the school name or pm me? My BB is going to study in PN. Hope it is not the school as you discussed....:( :(

Chungmy

原帖由 kids411 於 10-6-29 09:15 發表
我諗每個家長都唔想聽到 D 咁 GE 野,
發生意外都冇人想,
不過如果真係發生 D 咁 GE 事,
我覺得作為一個冇任何關係 GE 人,
都唔會咁冷血 !

個人建議 : 樓主暫時唔好再討論 LEE 個問題,
應該盡快善待好囝囝,
再尋求有 ...

如果你係講緊 9200pp既事, 我唔可以回應.  不過我個件, 就100%真既.  否則我昨天下午 settle 左阿女後, 我唔會嬲到立即打呢個post , 不過我出得呢個post,  亦都預左校園既人會睇得到, 我真係希望佢地係程序上可以有所改善, 唔好家長未黎到, 無人陪住一個病緊既小朋友!!! (maybe人手唔夠, d嬸嬸幫阿女清楚緊第一二次嘔時既野掛) 大吉利是, 暈左點算!!!   唉.......我無誇張....唔信都無計!!!

JL1119

Would you PM me the name of the 幼兒園, thanks.

lala229

可唔可以PM 話我知呀? THX!!

原帖由 Chungmy 於 10-6-28 15:30 發表
我是南區的媽媽, 今早發生左一件好唔開心同嬲既事, 雖然仲有三日就放暑假, 但係真係忍唔到, 好想上黎舒發下, 同埋比其他媽媽認真考慮下. 就係阿女今朝係上上下堂時, 無那那嘔, 第一次嘔時, 老師打左比我, 講左一輪佢 ...

9284

我唸我知你地講邊間，我以為呢間ＫＧ在沙田都有少少名氣ＴＩＭ

DaDaBB

可否pm話我知, thank you!!

9284

講就無謂啦，我次次開口講學校名，次次都比人插到體無完乎，總之係沙田區，近市中心位置

loklok0104

原帖由 Chungmy 於 10-6-29 09:40 發表


如果你係講緊 9200pp既事, 我唔可以回應.  不過我個件, 就100%真既.  否則我昨天下午 settle 左阿女後, 我唔會嬲到立即打呢個post , 不過我出得呢個post,  亦都預左校園既人會睇得到, 我真係希望佢地係程序上可以 ...

我想問, 你事後有無再打電話去學校投訴呀? 呢間學校係處理上真係有問題, N1只係2歲幾既人仔, 點可以俾佢自己坐係一角無人理, 比我都會嬲到火都離, 太無責任感. 我覺得你一定要同校長反應呢件事.

Chungmy

原帖由 loklok0104 於 10-6-30 12:02 發表


我想問, 你事後有無再打電話去學校投訴呀? 呢間學校係處理上真係有問題, N1只係2歲幾既人仔, 點可以俾佢自己坐係一角無人理, 比我都會嬲到火都離, 太無責任感. 我覺得你一定要同校長反應呢件事. ...

無, 因為我相信係呢到講既力量 (比其他媽媽知道有學校係會禁去處理呢d事)大過我去寫一封投訴信/一個電話, 因為可能只係換黎一d官方式既回覆.  我覺得學校制度同醫管局無咩分別. 算吧, 我K1都會去另一間...可能禁o岩係我唔好彩撞到禁既事同處理手法.  

BTW, 阿女係2歲幾 (1月大b)讀n1嫁, 所以佢以家3歲幾啦, 可以好清楚表達返佢發生過咩事. 不過算啦, 相信新一間會好既!

henrietta168

原帖由 Chungmy 於 10-6-30 13:57 發表


無, 因為我相信係呢到講既力量 (比其他媽媽知道有學校係會禁去處理呢d事)大過我去寫一封投訴信/一個電話, 因為可能只係換黎一d官方式既回覆.  我覺得學校制度同醫管局無咩分別. 算吧, 我K1都會去另一間...可能禁o ...

Would you pls pm me which one?  Thanks.

mcmugada

can u pm me the name of this KG, tks

gromityaya

i want to know , too!  can u PM me!

sylviaho9

I want know too, pls PM the school to me. Thx

thundersml

Please let me know too!!!
Thanks for your pm.