點先可以令亞女過得開心呢

swyy_1217

我亞女今年5歲,有專注力不足,數學學習障礙,弱視加斜視,加上佢手腳唔係甘協調,個個星期都要做物理治療。而我呢就有心臟病,哮喘,驚恐症加抑鬱,經常要出入醫院,因為我好易暈,個心又成日好唔舒服,次次出街我都驚到死。
亞女係我同前夫生的,一直都跟我,但最近我身體越來越差,心臟唔好唔敢食血清素,但我心情又超低落,亞女學習能力有問題令我好難教佢做功課,日常生活佢都好唔合作,令我好易發火,我eq又低,成日好想做個好媽媽,但佢做錯野我又忍唔住要鬧,有時佢會喊,或者成個樣好慘甘,我見到又會好自責,我想過同佢一齊跳樓,但做唔出,佢老豆唔要佢,我又唔可以一個人走,點做對佢先係最好呢?

whywhywhywhy

樓主首先你要自己開心，你的女兒才會開心！我都係人地媽媽，我好明白你愛你女兒的心！你的問題俾我多，身體差的確會令人振作不起來，但請你記住，你的生命不單是為了你自己，還有你的女兒，請你不要輕言要死！特別你要帶你的女兒一起去結束生命更不該！生命是很可貴的！我不知你身邊還有甚麼親人，但你有一個女兒在你身邊，你已經是一個幸運的人，你的前夫不要女兒那是他的損失！這個世界並不是每一個人都可以有機會成為別人的父母，你有這個機會好應珍惜！
而你連死也想過，其實還有甚麼要怕呢！！我想只要你能用心感受生命，你會發覺人生其實可以好美好，你每天起床，看看天空，看看樹木，看看早晨趕上班、趕上學的人，試試感受下生活的點滴，你的人生便會有希望！當你女兒見到媽媽的笑容，她一定會感到幸福和快樂！
放下執著，放輕鬆走每一步，想著開心的事，世界上沒有事是解決不了的！！！
其實只要你女兒每天有一點點進步己經不錯，小朋友不會一步登天，你試下細心看看她是否真的有少少進步，一定有的，你把她的少進步放大，把她的過失縮小，多點讚賞她，我相信很快你們都會生活得很好的。

swyy_1217

好多謝你甘正面嘅支持,我都係為左亞女先撐到而家,但有時真係好灰,做左亞媽之後想唔堅強都唔得,我撐得好辛苦,我知我一定唔會捨得同做唔出帶個女走,有時我都唔知自己係唔係真係甘愛個女,我好想對佢好,但佢d唔專心嘅行為令我好難平心靜氣甘對待佢,佢個病要排多年半先可以見精神科開藥食,而家我好似咩都做唔到甘,明知激氣冇用都控制唔到,我對自己好失望,唔知仲可以做d咩好。

原帖由 whywhywhywhy 於 10-6-23 23:17 發表
樓主首先你要自己開心，你的女兒才會開心！我都係人地媽媽，我好明白你愛你女兒的心！你的問題俾我多，身體差的確會令人振作不起來，但請你記住，你的生命不單是為了你自己，還有你的女兒，請你不要輕言要死！特別你要帶你的女兒一起去結 ...

preciousstone

樓主，你願意在網上平台分享你的痛苦，是一種勇氣，也是對女兒愛的表現，我相信只有有愛心的媽媽，才會在這個平台分享感受及詢問別人的意見。看得出你很緊張女兒，你也很想她活得快樂，你是一個很本事的媽媽，自己有病又要單身照顧女兒，真是不是人人都做得到，你能夠做到，你好本事。你已經捱了五年，好快又可以捱多一年半載到時囡囡就可以有藥食，會好些。你前夫不照顧你們不緊要呀，你女兒大個後會好錫你的，你到時就會苦盡甘來，世界上最愛你最關心你的人也會是你女兒。努力！你一定能做得到，如果你需要幫助，試試向上帝尋求幫助，你相信耶穌返教會可以讓你的生命活得更豐盛，你會好平安，試試由自己祈禱開始吧。不是基督徒也可以祈禱的，向上帝訴說你的心事吧，也可以教女兒祈禱，我女兒四歲，她有不開心都會祈禱的，然後她就會覺得上帝會幫助她。試試吧。

whywhywhywhy

我諗如果政府要等這麼久的話，她的不專心問題有些是可以自己在家裏幫她的。你試試在網上找一找，我想應有很多人會post甚樣教一個專注力不足的小朋友！我看過有一些遊戲是訓練專注力的！例如找錯處等！或者圖書館都有這類書籍，你可以找找！現在不是自怨自艾的時候，找尋方法幫個女先係最緊要。另外我覺得你自己也要留點時間給自己放鬆一下，如果你的女兒上學後，我覺得你要去做一d你想做的事，那一刻只是屬於你自己，到你覺得自己有活力的時候，那等女兒回來，你心情好，耐性自然有，咁你唔再罵你女兒，她的表現一定會好很多！每次當你想發脾氣前，記住，那只會破壞你和女兒關係，但對佢及你的病情一點都沒幫助，請緊記，忍忍忍和放輕鬆！我每天都是這樣對我兒子，漸漸我發覺我eq高了，不但對兒子，連對其他同事、朋友都心胸廣濶了，而且我發覺神奇的事，我eq高了以後，心情一天比一天好，每天都好像有開心的事！你試一下真的有用！其實好多時唔開心都係因為執著！只要肯放下甚麼都可以解決！你女兒數學不好，但日後可能她的文學、藝術、音樂好也不定！她不專心，但可能她日後是一個作家、名DJ、明星、歌手也不定！手腳不協調，可能日後她是一個心理治療師、電腦奇才也不定！小朋友有太多可能，她日後是甚樣，是由你每天一點一滴的教導！努力吧！

onlytoyou

好明白你嘅感受，我有唔少家長都好似你咁，你先不要放棄，眼前嘅路唔係你想像中咁難行，你想你個女開心，好簡單...只要你真心咁愛佢，鍚佢，佢就會好開心架啦，做子女嘅，無任何嘢比媽媽嘅愛重要，囡囡雖然有咁多問題，但都已經咁大個，上天安排一個女兒係你身邊，一定有佢嘅原因，不論囡囡係點樣，上天好公平嘅，佢收起你一啲嘢，總係會比返一啲嘢你，唔好灰心！雨後總會出現陽光。加油呀！

swyy_1217

好多謝大家的支持,其實我仲有一個同現任老公生的細女,佢而家歲半,好醒好可愛,但我大女超憎細妹,成日打細妹,有時仲一腳申細妹,但細妹就好鍾意家姐,面對佢地甘樣,唔想話大果個又唔得,話得多佢又feel我偏心,唔知點好?

swyy_1217

講起都心酸,早幾晚亞女訓前突然同我講,媽咪你快d好返啦,我會幫你祈禱架。
真係聽到我想喊,我知亞女好錫我架,所以我就更加內疚,因為佢越大越似佢老豆(我前夫)d性格,而且佢仲好鬼鐘意佢老豆,個衰人成5,6個月先出現見下個女,我就日日甘辛苦照顧佢,一諗到我地喺亞女心目中係平等我條氣就唔順,對亞女就好似有一種遷怒嘅感覺。

原帖由 preciousstone 於 10-6-24 20:52 發表
樓主，你願意在網上平台分享你的痛苦，是一種勇氣，也是對女兒愛的表現，我相信只有有愛心的媽媽，才會在這個平台分享感受及詢問別人的意見。看得出你很緊張女兒，你也很想她活得快樂，你是一個很本事的媽媽，自己有病又要單身照顧女 ...

whywhywhywhy

樓主其實你都明白你真係對大細女有偏心，所以難怪細女會唔鐘意妹妹的！
我不明白，你己有一個新的家，為何仍要去嬲大女兒似前夫呢？她是你前夫的女兒那她似父親並沒有不妥？而且你女兒咁鍚你，肯為你祈禱，己證明你在她心中的位置。
我記得肥肥以前說過點解會令欣兒食到咁肥！原來肥肥發覺欣兒越大越似鄭少秋。所以她刻意令欣兒肥d似自己。你說這自不自私，但事實係佢又真係好鍚欣兒。
我想話你見到女兒似前夫不開心是正常的，不用怪自己。但請記住，女兒是你生的，她是你一手帶大的，無論佢似邊個，佢都係你個女，永遠都係，所以放開一點，肥肥咁恨鄭少秋，到最後為左個女佢都可以放下，可況你己有新開始，可必再計較以前的事呢！
每天問自己還要嬲夠未？直到有一天你發覺自己跟本唔知最初要嬲的是什麼？？
另外，你大小女兒的問題很容易解決，當你不再嬲你的前夫，專心一致對兩個女兒，她們便會好起來！！多點關心你的大女兒吧，她之所以不喜歡妹妹，是因為她覺得媽媽只鍚妹妹，而且妹妹有分享了她一半媽媽，所以才會令她發妹妹脾氣！努力！

swyy_1217

原帖由 whywhywhywhy 於 10-7-10 00:33 發表
樓主其實你都明白你真係對大細女有偏心，所以難怪細女會唔鐘意妹妹的！
我不明白，你己有一個新的家，為何仍要去嬲大女兒似前夫呢？她是你前夫的女兒那她似父親並沒有不妥？而且你女兒咁鍚你，肯為你祈禱，己證明你在她心中的位置。
...

係呀,其實我真係好自私,我好想個女憎佢老豆,但我一句佢老豆壞話都唔敢講,我唔想個女知道所有野之後會覺得自己冇人愛,會有負面性情緒。
但我真係好恨,佢老豆果時迫我即日帶走個女同所有行理,唔比我再返佢屋企,我幾無助呀,我借住朋友屋企,行理放倉,我又要返工,冇辦法之下帶左亞女返大陸比親戚湊,一個月只見倒一次,我四周圍同人借錢租屋,想快d接亞女返自己身邊,我晚晚望住亞女張相喊,日日打長途電話比佢,果時佢都未識講電話,我都只係可以聽下佢把聲同我自己不停甘同佢講野,第一個月返到大陸見亞女果陣佢唔肯比我抱,好似唔認得我甘,我成個心都碎曬,我同亞女分開左差唔多一年先可以再一齊,果段痛苦嘅日子我一世都唔會忘記!!
個衰人呢,理都冇理過個女,錢都唔比,幾個月先好似突然醒起有個女甘話要見一見,上年亞女生日想要nds,我冇錢叫佢老豆送,個衰人仲要話錢要一人出一半,為左唔想令亞女唔開心我都只係話係佢老豆送,我又唔可以話比亞女知佢老豆甘衰,但我真係非常唔鐘意見到佢甘鐘意佢老豆,我好似有種感覺就算我做幾多野都好,到頭來亞女個心都會向住佢,我好唔甘心!!

swyy_1217

係呢,擔子真的很重,其實我有睇緊精神科同排期見心理醫生,因為路真係太難行喇,每次以為事情得到了解決之後,誰不知下一個難題馬上又出現,一次又一次都係甘,有時我都會諗經過今次之後應該唔會再有問題可以難倒我,點之下次仲甘,久而久之我都越來越堅強,只係有時唔明,點解個天對我考驗特別多,有時會好灰,但係度可以吐下苦水,對我來講都係幸運,有甘多人支持同祝福,好多謝你地!!

原帖由 ken9989 於 10-7-24 23:17 發表
擔子太重，一個人會扛不下來。何不跟專業人士(如社工，學校社工)聊聊，尋找最適切的協助?路，有時候看起來好像已經走到盡頭，誰不知轉個彎看看，原來前面是一條康莊大道呢!共勉之~ :) ...

yungho

原帖由 swyy_1217 於 10-7-8 10:42 發表
好多謝大家的支持,其實我仲有一個同現任老公生的細女,佢而家歲半,好醒好可愛,但我大女超憎細妹,成日打細妹,有時仲一腳申細妹,但細妹就好鍾意家姐,面對佢地甘樣,唔想話大果個又唔得,話得多佢又feel我偏心,唔知點好? ...

您好! 如果家中有兩位小朋友, 你一定要比你對細女更關心大女, 多些注意力放在大女身上, 其實你大女可能反映緊自己心裡的不安, 對於她這樣對待細妹, 你要好小心處理, 通常大的都會覺得父母專注細的多D, 所以你要比大女知道你愛她更多, 因為她都五歲她會比細女更懂事, 千萬不可再責罵她, 如果這樣下去她兩將來的關係就不好了.