學法文有用嗎?

積仔

亞囡五年級想學法文,有用嗎?  請分享.

elmostoney

學多樣野，冇話冇用，不過睇你將來做物，我覺得用處不大．如果小朋友鍾意，比佢學無妨，但你要當學彈琴一樣，幾多人會做鋼琴家或靠彈琴揾食？佢有興趣都冇壞，咪試下囉．學任何語言，如果冇語境，其實講係好難，聽都可以靠睇下電視，聽下收音機練．如果唔深究有冇用呢個問題，會學得開心好多．

elmostoney

法文係難過英文，呢點要記住．英文其實係好易學．兩者語法有相似地方，但亦可以好唔同．其實中文同英文的句子組合差唔多，所以唔洗識英文學法文都冇話唔ｏｋ．

madamewong

好多人都話法文好難   其實法文中好多字彙都有屬於自己既故事, 好多文法規則其實都透露出法國人既文化、生活既邏輯思維，只係我們唔瞭解所以話好難! 講難中文(尤其廣東話)唔係仲難咩?

我只可以話 : 學任何一種外言都要"時間"同"恆心", 更需要"努力"!!! 語文係浸番嚟, Bon Courage

elmostoney

中文係唔易學, 不過我地學中文有語境, 係香港學法文冇語境, 呢個係最大分別. 我唔係叫版主唔好比女兒學, 只係唔好深究有冇用姐, 亦唔洗話master左英文先學, 因為兩者關連不大. 除左大家都用英文字母!  英文同法文根本唔係同一個根源, 只係有d詞係因為一d historical reasons, 英國有段時間係比法國人統治, 法文變左政府法定語言時, 所以滲入左法文字,當然後期亦有文化互通原因, other than that, 兩者語法關連不大.

madamewong

係呀英文同法文好唔同, 英文叻唔叻同學法文無關係

hin_ma

原帖由 積仔 於 10-6-14 12:25 發表
亞囡五年級想學法文,有用嗎?  請分享.

我個仔大約五歲幾學法文,可能咁大個先學,難上手d,依家學咗大半年,好似唔太理想,他已經一星期上兩堂了,盡哂力,睇吓個細路吸收幾多囉...

其實唔知學法文有無用ga,不過個仔鍾意上堂,咪當學多樣技能旁身囉,無壞ga。如果將來有用的話,咪當係bonus囉。

elmostoney

hin_ma, 冇語境, 係差d架啦.  我個女而家講普通話ok, 真係可以同人溝通, 但係辭匯未夠. 我地係屋企冇人講普通話,但係佢返學老師只係講普通話,亦要求小朋友以普通話答佢, 所以我個女有語境, 咁就差好遠啦.

elmostoney

曾經有人同我講,想學好一種外文, 最好係小朋友六歲前, 每日都有三個鐘同一個native speaker一齊, 半年就會打好底, 就算停左唔學, 將來再學好快就會pick up 返.

瑩瑩老豆

學語言是為溝通的, 除非打算會用上法文, 學完唔用過一段時間會忘記的, 我覺得好無謂

原帖由 積仔 於 10-6-14 12:25 發表
亞囡五年級想學法文,有用嗎?  請分享.

阿飛太太

學法文真係冇咩用架,歐洲國家用德文既多好多,真係要學歐洲國家語言,就真係學德文好過!

小伊

除了對法文情有獨鐘之外,學黎真系無用, 浪費金錢和時間。

elmostoney

我又唔覺得講係歐洲講德文國家多好多，都係德國同部份瑞士，荷蘭文同德文有ｄ似，但唔同．

法文除左法國，部份比利時同瑞士都係講法文．

ada1812

很難判斷"有沒有用", 如按照"識多樣野冇壞"的邏輯, 學冰島語都可以好有用

對住我兩個化骨龍, 我的經驗是, 我會擔心佢係咪三分鐘熱度, 見人地講法文好high好有文化, 佢又屁股痕想跟人學, 結果多數係爛尾收場

我自己都是中學時才學普通話(N年前學校都冇普通話課程), 而現在工作需要, 經常要見大陸的專業人士, 我的普通話絕對冇問題, 除了教語文搵食的人外, 誰說學外語一定要某年紀之前學?