- 在線時間
- 616 小時
- 最後登錄
- 12-6-17
- 國民生產力
- 156
- 附加生產力
- 60
- 貢獻生產力
- 0
- 註冊時間
- 04-8-12
- 閱讀權限
- 10
- 帖子
- 535
- 主題
- 30
- 精華
- 0
- 積分
- 751
- UID
- 28470
|
我囝囝八個月大,佢既一d表現令我越來越困惑!
有樣野令我好困惑,希望有媽咪俾倒意見啦...
我一直都有留意囝囝Trevor有d表現比較"特別",我唔知應唔應該用"特別"去形容,但我諗唔倒其他形容詞...
佢一向鍾意靜靜地留心睇四週既事物多於周圍玩,佢日日都好靜,八個月大唔識爬,亦冇意欲去學,總之,如果要佢做一d郁動身體既動作,佢就唔係好願郁,唔似一般bb咁喜歡周圍攪野冇時停。以下既例子,令我懷疑係咪需要帶佢去做評估: -
1. 六個月左右大時,我拎住本布書仔俾佢睇,隨意咁同佢講下呢樣野叫乜野,呢樣野又叫乜咁,講左幾次之後,我隨口問番佢:"諾諾,Cookies o向邊呀?"佢就一手指出黎,之後再試過問佢另外幾樣物件o向邊,佢都答得岩。
(我當時都係諗佢只係撞彩)
2. 上星期我帶佢去上playgroup試堂,miss要bb做動作的話,如玩搖鼓果d佢就唔鍾意做,但當miss拎d圖卡&點點卡出黎時,佢就即刻好精神,miss講出每張卡係乜野時,佢一直好留心睇...奇怪既事又黎喇,miss問番每個bb,要佢point番張正確既圖卡出黎時,咁多個bb得佢一個全部答岩晒!最令我留意倒既係,佢答問題時既神情係好似真係識得分咁,答得好有信心,唔似其他bb咁呢張掂下,果張掂下。
(我開始信佢真係學野快)
3. 尋晚我買左d波波池既波波放落網床俾佢玩,玩玩下我心血來潮試下教佢認color,我每次拎住兩種色咁講佢知係乜野色,每隻顏色講3-4次之後,我就拎住兩個唔同色既波波問佢:"邊隻係紅色呀?"..."邊隻係藍色呀?"....連續問左六次,分別問佢唔同既顏色,佢都全部揀岩晒出黎!我真係好驚訝,但同時都開始擔心...
我擔心既係:
1. 聽人講,有d自閉症兒童都有類似既表現...但,佢都算好鍾意同人玩,幾outgoing傢,只係佢唔鍾意自己坐定定玩or唔願郁去周圍八掛...
2. 佢係咪有可能係"資優兒童"呢?(定係我太過多心,根本好多八個月既bb都做到倒呢野?!)
佢而家只係得八個月大,就算想俾佢做test,我都唔知佢咁細個做唔做到!問心一句,我冇希望過個仔係天才,如果佢真係資優,我都唔知點樣去俾資源佢發展;另外既當然更唔想佢係自閉啦!
唉....呢方面大家有冇咩野見解?係我想得太多?定係我個仔有d"與眾不同"???我應該點樣做呢?
其實,最令我感到無所適從既係,當我同家人提起我既懷疑後,佢地都以為我想train到個仔變天才,佢地都冇諗過我背後既擔心究竟係乜...唉~! |
|