個仔同我講佢唔中意呢個世界

justin2003

前2晚瞓覺時佢同我講話唔中意呢個世界，我問佢點解，佢話因為佢中意既2套卡通片大左結局，咁我同佢講話，唔緊要啦，可能下一套仲好睇啦，佢就好灰咁講，話唔會架啦，冇一套好過大左結局o個套。

今晚瞓覺時，佢一邊伸隻手去床邊，一邊同我講︰ "我而家伸隻手去床邊，o個度就係另一個世界來，我去左o個度，就唔會再番來。"

佢6歲，究竟佢咁講係反映左d乜呢？係咪呢個年紀ge細路仔都係咁？還是有其他原因令到佢咁？我好驚，驚佢真係會愈諗愈多呢d古靈精怪野，一陣唔知會唔會因為少少野諗埋一邊…

有冇家長可以話俾我知我可以點處理？

VKwan

我諗係細路仔幻想姐，先觀察下。或者注意下佢睇電視/故事書內容，由此入手。

justin2003

原帖由 VKwan 於 10-6-10 00:12 發表
我諗係細路仔幻想姐，先觀察下。或者注意下佢睇電視/故事書內容，由此入手。

希望只係幻想啦，係WOR平時我都冇乜留意佢睇GE卡通片內容，睇來都要同佢一齊睇下。THANKS Vkwan!! : )

VKwan

原帖由 justin2003 於 10-6-10 00:17 發表



希望只係幻想啦，係WOR平時我都冇乜留意佢睇GE卡通片內容，睇來都要同佢一齊睇下。THANKS Vkwan!! : )

我建議你"西"選過內容至好比佢睇(故事/圖書)，雖然好似好專制，但我地除左供給仔女糧食營養，精神食糧的質素都好緊要架麻！電視最好陪佢睇，起碼知裡面有冇古靈精怪既內容嘛。

我講點教人地個仔時好清醒架，我教自己果個真係好失控！

justin2003

原帖由 VKwan 於 10-6-10 00:25 發表
我建議你"西"選過內容至好比佢睇(故事/圖書)，雖然好似好專制，但我地除左供給仔女糧食營養，精神食糧的質素都好緊要架麻！電視最好陪佢睇，起碼知裡面有冇古靈精怪既內容嘛。

我講點教人地個仔時好清醒架，我教自己果個真係好 ...

哈哈當局者迷，知易行難，唯有不時檢討下自己，睇下點樣做會最好。之前我係在職媽咪，放工番屋企個仔都瞓左，好多野顧唔到，而家冇做野，都要執番好d生活細節啦。

Charlotte_mom

睇定d先, 細路仔唔識分咩係理實咩係假, 我細佬小學作句夠寫"我們一起去小域星旅行好嗎?" <--佢真係以為可以架, 激到我媽扎扎跳

卡通片係娛樂, 作者都要完一個故事休息架 , 唔駛唔開心, 買套vcd返黎鐘意點睇都得, 就黎放暑假, 人生滿希望呀!

原帖由 justin2003 於 10-6-9 11:58 PM 發表
前2晚瞓覺時佢同我講話唔中意呢個世界，我問佢點解，佢話因為佢中意既2套卡通片大左結局，咁我同佢講話，唔緊要啦，可能下一套仲好睇啦，佢就好灰咁講，話唔會架啦，冇一套好過大左結局o個套。

今晚瞓覺時，佢一邊伸隻手去床邊，一邊同 ...

lauerica

好簡單者，去火星住咪得羅。

justin2003

YES!!! 仔聽日就考完試，要輕鬆一下先！^^

原帖由 Charlotte_mom 於 10-6-10 10:27 發表
睇定d先, 細路仔唔識分咩係理實咩係假, 我細佬小學作句夠寫"我們一起去小域星旅行好嗎?"  

justin2003

原帖由 shirley 於 10-6-10 14:52 發表
我個細仔5-6歲時, 成日諗o野都好負面, 佢成日覺得厘個世界無人愛佢無人錫佢, 被責罰時仲成日話想死添 .  我都好似你咁好担心佢亂諗o野 ..我唯有多d同佢傾同佢講, 多d抱下佢攬下佢錫下佢, 希望比佢知道 ...

睇完你咁講，我頭先試下問亞仔今日番學開唔開心，佢就即刻講唔開心，原來佢今日俾老師鬧。你講ge說話提醒左我，佢好多時自己覺得唔開心都冇攞出來講，直至我問佢佢先會傾吐少少，要一路問落去先知佢點諗，呢d算唔算係表達能力差，定係佢傾向於收收埋埋呢？睇來我真係要記住多d鼓勵佢講出心中話。^^

[ 本帖最後由 justin2003 於 10-6-11 00:01 編輯 ]

justin2003

原帖由 roseblingbling 於 10-6-10 18:18 發表
早前因為考試,想個仔專心啲,精神好啲,所以唔俾佢睇電視,後來發現佢啲脾氣同情緒都好咗,個人無咁心急,所以而家唔會俾啲打打殺殺卡通片佢睇,同時俾佢參加多啲活動,興趣班,等佢識多啲朋友仔. ...

冇錯我仔都係除左學校同學之外，係冇乜其他友伴架，因為我身邊ge細路都係細佢4﹑5年ge，都唔係太玩得埋。佢聽日考完試，我都想俾多d課外活動佢。佢而家ge課外活動係彈琴﹑同埋校內ge藍球同足球，不過由暑假開始，學校ge 藍球同足球就會暫停，有冇咩活動可以增強佢自信心，等佢容易d識朋友呢？除左參加活動，仲有d咩 "交友" 途徑呢？

overview

可以參加d day camp, or even ymca攪既宿營, 小朋友可以學習點樣與朋輩相處, 係一個好好既experience.

原帖由 justin2003 於 10-6-10 23:59 發表


冇錯我仔都係除左學校同學之外，係冇乜其他友伴架，因為我身邊ge細路都係細佢4﹑5年ge，都唔係太玩得埋。佢聽日考完試，我都想俾多d課外活動佢。佢而家ge課外活動係彈琴﹑同埋校內ge藍球同足球，不過由暑假開始，學校ge 藍球同足球 ...

wendy_jed

我囝囝6.5 YRS OLD, 我成日同佢上綱睇新聞..之前我會飛去D太負面既新聞, 只會保留D "有教訓性" 同"正面"既比佢睇...近排又多左好多青少年自殺既新聞, ... 我真係唔知應該幾多YRS O 開始要灌輸LEE D 觀念比佢先至合適, 但早好過池.... 所以我早幾日同佢討論關於失戀/自殺既問題..發現小朋友諗D野好奇怪好攪笑.... 當然我最終都帶出我既主提.. 自殺係好自私既, 自殺者一個人既死會令佢身邊無數好傷心, 而家人既傷心會係永遠的...

justin2003

原帖由 wendy_jed 於 10-6-11 12:58 發表
我囝囝6.5 YRS OLD, 我成日同佢上綱睇新聞..之前我會飛去D太負面既新聞, 只會保留D "有教訓性" 同"正面"既比佢睇...近排又多左好多青少年自殺既新聞, ... 我真係唔知應該幾多YRS O 開始要灌輸LEE D 觀念比佢先至合適 ...

係呀我見到呢d自殺新聞係會即刻飛左佢，不過我見到d撞車呀o個d，我又會同佢講有d司機好自私呀咁樣，其實都唔知呢d叫唔叫負面新聞架。不過有次我問佢大個想做乜，佢就話唔會做司機，因為覺得做司機好危險，驚會撞車…唔知關唔關我講過撞車新聞俾佢聽啦，不過似乎佢有d誤解，以為做司機就係危險，其實重點係危險駕駛嘛，所以如果同佢講青少年自殺ge新聞，都驚佢咁細個會有誤解ga。

而家d細路真係比起我地以前成熟好多，我以前o係6﹑7歲仲係一舊飯~而家資訊發達成咁，真係唔知係咪應該早d俾佢知多d社會真實ge一面勒~

justin2003

原帖由 overview 於 10-6-11 10:18 發表
可以參加d day camp, or even ymca攪既宿營, 小朋友可以學習點樣與朋輩相處, 係一個好好既experience.

thanks!! 等我上網睇下d info先！

justin2003

原帖由 shirley 於 10-6-11 16:05 發表
其實好多小朋友都傾向將d唔開心ge o野收埋, 佢唔講可能係佢覺得好醜唔想比你知, 又或者驚你知道o左會鬧埋佢一份...所以原因其實可以好多..未必係表達能力ge問題. 個人認為良好ge親子關係是需要培養的, 係學習上我們 ...

如果佢同我講d "醜" 事，其實我都唔會鬧佢ga，不過可能我之前係working mum，放夜晚10點幾，所以通常淨係星期6見到2﹑3個鐘，到星期日先見得耐d，咁通常星期日都出去玩成日ga la，冇乜安排傾心事時間la，佢又未好習慣同我傾心事卦？呢2個月開始冇做野，見多左好多，不過因為要幫佢追返好d成績，成日都同佢講學業上ge野，再加上呢排考試，我都將個焦點放左落去佢學業上呀，你講得啱，我真係要俾佢知道我唔係只係關心佢學業至得呢！呢2日我都同佢傾多左好多 "心事"，感覺好好，好似係真正close左好多！