放學後有沒有課外活動？

mickychow

除了正規上課時間，課後多唔多課外活動？如有，有d咩？形式係點嫁？會唔會好遲放學又或者要星期六回校？

mmcht

原帖由 mickychow 於 10-6-2 12:25 發表
除了正規上課時間，課後多唔多課外活動？如有，有d咩？形式係點嫁？會唔會好遲放學又或者要星期六回校？

Hi mickychow,

在平日上課時間, 每週有一個下午(2節課堂時間), 學校會提供聯課活動, 各年級均有不同活動給學生選擇, 寶貝今年選了法文, 佢很喜愛學法文, 因為佢話個老師好攪笑, 好好玩, 回家又會考我地法文, 佢有一本筆記簿, 自己抄底一些法文, 再用佢自己的英文拼音寫在旁邊, 幫自己記番個法文音, 看似很用心啊!

最近法文課完結了, 便開始學游泳, 每週一天下午, 有校車載學生到將軍澳游泳池, 男女分開學習, 佢上星期上完第一課游泳回來, 已滔滔不絕地分享：由 "上旅遊巴" 至 "更衣" 至 "做熱身" 至 "水中練習" 至 "幾位好友擠在一個浴室沖身"的片段........., 明天又有第二次的游泳課, 佢今晚自動自覺地執好泳衣, 泳帽, 泳鏡, 毛巾, 拖鞋, 看來很期待啊!

有關聯課活動, 詳情可參看學校通告-聯課活動

另外, 寶貝今年考入了籃球隊, 每週一天(下午4:30-6:30)放學後留在學校集訓, 暑假每週集訓二天, 入了籃球隊, 佢整體比以前積極, 在家做完功課, 佢會好小心甘檢查要帶的功課, 回條或老師指定要帶的東西, 並會主動溫習, 佢跟我們説, 老師話入得籃球隊就係代表學校, 學習唔好, 又或者品行唔好, 係唔可以代表學校, 最初都擔心佢入左籃球隊會影響學習, 但估唔到反而令佢做人處事變得更積極, 更成熟.

其他還有足球隊, 童軍, 升旗隊, 羽毛球隊................

mmcht

mickychow

原帖由 mmcht 於 10-6-3 00:54 發表

Hi mickychow,

在平日上課時間, 每週有一個下午(2節課堂時間), 學校會提供聯課活動, 各年級均有不同活動給學生選擇, 寶貝今年選了法文, 佢很喜愛學法文, 因為佢話個老師好攪笑, 好好玩, 回家又會考我地法文, 佢有 ...

多謝你的回覆！你仔仔而家係邊級呀？可以有咁多課外活動選擇。我打算幫仔仔報讀這間學校，唔知低年級會唔會有咁多選擇呢？
希望第日有幸做到校友啦！

mmcht

原帖由 mickychow 於 10-6-4 10:29 發表

多謝你的回覆！你仔仔而家係邊級呀？可以有咁多課外活動選擇。我打算幫仔仔報讀這間學校，唔知低年級會唔會有咁多選擇呢？
希望第日有幸做到校友啦！ ...

Hi mickychow,

不用客氣, 我寶貝讀DS2, 今年的課外活動詳情, 可click入以下學校網址自行查看, <通告>-<聯課活動>
http://www.logosacademy.edu.hk/frameset02.htm

其他課餘活動, 寶貝表示除了籃球隊, 足球隊, 童軍, 升旗隊, 羽毛球隊, 還有乒乓球隊, 游泳隊, 田徑隊, 舞蹈, 劍擊隊, 粵劇, 排球隊, 學生合唱團, 如有錯漏, 請其他家長指正.


祝福你的小朋友可以找到合適的學校.

mmcht

mickychow

原帖由 mmcht 於 10-6-4 22:55 發表

Hi mickychow,

不用客氣, 我寶貝讀DS2, 今年的課外活動詳情, 可click入以下學校網址自行查看, -
http://www.logosacademy.edu.hk/frameset02.htm

其他課餘活動, 寶貝表示除了籃球隊, 足球隊, 童軍, 升旗隊, 羽 ...

mmcht,

多謝晒你的回覆！

hiragana

課外活動  need to pay extra?

CnLola

<其他課餘活動, 寶貝表示除了籃球隊, 足球隊, 童軍, 升旗隊, 羽毛球隊, 還有乒乓球隊, 游泳隊, 田徑隊, 舞蹈, 劍擊隊, 粵劇, 排球隊, 學生合唱團.>

想補充一下，以上的課外活動，除了學生合唱團之外，一二年級的學生都唔可以參加．其他運動項目都必須經甄選後才可參加.如有錯漏, 請其他家長指正.