尖沙嘴The litXXe gym 變得好hardsell

helenli

我小朋友在尖沙咀the litXXe gym已經玩左一年多, 我地覺係時候比佢試下其他活動, 於是今個學期完左無再繼續報名, 但有個新來的男經理走來同我地傾計, 話我小朋友英文唔好, 叫我應該要比佢繼續學, 否則佢英文會越來越退步!  
佢一口認定我小朋友讀中文學校, 所以英文唔好, 但其實我小朋友讀英文幼稚園, 每日有外籍老師上堂, 我小朋友一向英文好好, 連學校的外籍老師都話佢outstanding, 聽講讀都比同齡小朋友好, 和外國人溝通無困難.

呢位經理只係來左幾日, 跟本唔認識我地和我的小朋友, 而我問過佢地o既導師, 亦話我小朋友的英文唔差.  所以我覺得呢位經理好唔妥, 以為捕捉到家長緊張學英文的心理, 可以作為一個selling point, 但佢sell得好無技巧, 仲令我地對liXXe gym的印象大打折扣!!! 可能佢地剛剛在銅鑼灣開左分校, 而兒童體操又越開越多, 競爭大左就要諗辦法留住d舊客, 但有必要用呢種方法嗎?

wbmom

其實佢地一向都好hard-sell，我由開張幫襯，差不多幫襯咗4年，佢地d導師換到好似車輪轉，由native speakers導師變到講chinglish的都有，估唔到仲夠膽用學英文嚟sell客！

helenli

導師不停換係事實, 近呢半年特別嚴重, 至於導師的英語水平又唔係差得咁緊要, 大部份都仲係native, 雖然未必係純正英美人士, 但口音都算標準.  但俾小朋友玩呢d活動, 都唔期望小朋友學到好多英文, 我要學英文唔好出去english school學, 或揾個native返屋企教?

好奇一問點解你會參加左四年咁耐? 唔厭咩?

原帖由 wbmom 於 10-5-29 19:33 發表
其實佢地一向都好hard-sell，我由開張幫襯，差不多幫襯咗4年，佢地d導師換到好似車輪轉，由native speakers導師變到講chinglish的都有，估唔到仲夠膽用學英文嚟sell客！ ...