我真係好唔開心....我可以點?

twobabymami

返小一兩個幾月,今日第三次比班主任投訴,第一次因為向堂上抄錯數學提目錯哂,所以比老師用紅筆在簿上大大隻字寫著"上堂不留心,抄錯題目,重做!",個次我已經好嬲,仲打o左佢,叫佢唔可以有下次,第二次是有一日我接佢放學(o念住比驚喜佢),老師一見我就話"佢放完三日病假返黍好曳,唔執木台,成日攞人地d野,好"鬧攪",以前都唔會,而家唔知做咩!"我個次無鬧佢,鼓勵佢要改過,做番以前老師眼中的好學生,每日上學車前都叫佢努力呀,留心上堂呀,加油呀,佢都應承我會努力,今日佢番黍叫我睇下本手冊,老師寫"上堂唔留心,經常說話,企起身,唔執拾木台面物品",我真係無辨法,其實初初老師好錫佢,因為佢坐老師前面,成日都幫老師做野,同學仲話佢係老師助手,老師仲成日讚佢識好多字,仲比中文科組長佢做,而家...我估老師都好失望!老師寫手冊通知我,我o念都想我教下佢,但...我都想有人幫到我,我已嬲到唔想鬧,好倦,好辛苦,軟硬都已經用哂,我叫佢掉哂佢d心愛既遊戲卡,等佢心痛,以後無零用錢番學,無得帶茶點,無得食下午茶,如再比老師投訴就再掉玩具,一路直至老師同我講改善左為止,我好心痛好心痛,自問我重來唔縱佢,點解會o甘? :cry:  :cry:  :cry:  :cry:

Ms.ChanChan

twobabymami，

我覺得咁樣罰佢唔係辦法。

我明白你好失望無助，但我覺得罰佢無零用$又唔比佢帶茶點返校有些"殘忍"(對不起，請原諒我用這個字眼)。 我認為點罰都唔可以用一些令小朋友有傷自尊的懲罰囉!  咁樣可能令他的自我形象更為低落，失去自信及自我要求。

有無試過同佢傾下計？問佢咩原因令佢咁唔專心？又問下佢覺得點樣幫佢先可以令佢有所改善？ 定下一個小小的目標，譬如一個星期無比老師寫手冊就獎個貼紙比佢，一個月無比老師寫手冊就同佢去海洋公園等等的非物質獎勵，睇下咁樣會唔會好些？

lamba

twobabymami,

教導小孩真係好費心機, 我自己都學緊!

雖然我冇乜真知芍見, 但唔知可唔可以同你細路坐低詳細傾下, 點解會變成咁, 可能他在學校有其他事情發生左而冇話比你知 !

Sindy

唔駛咁失望既,只要你提住佢,日子耐左,我諗有幫助的,養育小孩係一條長路,所以唔好放棄呀,你個細路係會知的

twobabymami

佢一向都係一個唔專心既人,從小自己d野唔在意,人地d野就八埋一堆,又永遠坐唔定,有得玩就連阿媽姓咩都唔知,個個都話佢唔聽,只有聽我同老公話,但都要叫好多次,甚至發火先可以完成一件事,我就係知道無人攬得佢掂,所以今年我索性唔做野專心d教佢,點會無傾過呢,佢連自己都唔知點解,總知自我控制能力好低,可以話呢d就係佢性格黍,我有用貼紙獎勵架,佢有一本貼紙簿,如果果日無比老師鬧就有一個,儲十個就有小禮物,但日日問佢,佢梗唔多唔少都有野比老師話,我要求好高咩?我知甘罰佢好殘忍,我個心都好痛,但...o矣.... :cry:

Ms.ChanChan

twobabymami,

唔好咁唔開心啦! 小一的確是有段適應期，我回想個女初上小一，都下係日日激到我死死下，再比些耐性同佢傾下，不妨將你的要求一點點咁寫低佢，不時拿出來同佢"溫習"下，我相信過了這年升上小二你就無咁辛苦。

放鬆些啦! 前面尚有漫漫長路。 畢竟貪玩心散是小朋友的通病，你唔好太過著緊話佢，多些讚美鼓勵，自己心情都會好些。

話你知，試過有段時期我每日放工回家都會在電梯裡叮囑自己唔好發火，在家門口再叫自己放鬆放鬆，透一啖大氣先將鎖匙插入門鎖....

beautybird

我明白你心情, 我個小朋友一樣, 比爸爸投訴, 因為佢daddy每星期在內地回來, 見佢好唔乖, 好無禮貌, 好大聲同大人講野, daddy好激氣, 有一天我同佢在房間傾談, 我問佢點解會這樣, 當然佢唔知點解釋俾我聽, 但我就同佢講自己的感受, 例如: 你唔聽話, 媽咪會好唔開心, 如果再這樣會無人理你等等, 你要話佢知你會好心痛, 因為小朋友其實是好錫好錫媽咪, 我的小朋友聽完我的感受, 佢有喊, 攪到我都要忍住不可以喊, 之後我個小朋友就再沒有不聽話(嚴重個隻),
另外, 有本書希望幫到你啦, 因為我同小朋友看完, 佢同我講以後都唔做壞孩子.

書名 : 我要做個好小孩 - 格林文化

*Polly*

Ms.ChanChan 寫道:
twobabymami,


話你知，試過有段時期我每日放工回家都會在電梯裡叮囑自己唔好發火，在家門口再叫自己放鬆放鬆，透一啖大氣先將鎖匙插入門鎖....

而家我個仔只是 N4, 下年先讀 P1,  每日接佢放學前 我己叮囑自己唔好發火，叫自己放鬆放鬆，叫自己睇開d.  佢又是一個"慢郎中", 同 twobabymam嘅仔仔一樣.  唔好話下年 P1, 而家我都己快死了....  
      

kiukiumummy

大人有時都唔知點表達/控制自己d情緒, 可放是小朋友,給他多一點時間和耐性吧. 當然, 你自己都要懂得放鬆及 理自己的情緒

Swan

小朋友有時會無記性, 唔記得向媽媽答應過要乖, 可否提意您當同佢協意好後便在佢手上或某個位置做一個記號, 作為在唔專心時望到個記號會提醒佢, 咁樣會唔會有幫助呢 ? 小朋友的確要花許多時間引導, 何況佢還是小一, 試問父母唔幫佢, 還有誰呢 ? 千萬不要放棄!

Swan

delete duplicate

happyfunny

我覺得老師有不對,小孩不聽話一定有,老師應奈心教導,不應常向家長投訴,其實老師,家長,孩子是一個三角形,缺一不可.老師的投訴影嚮了你和兒子的親子關係,也影嚮了老師和孩子的關係.其實你兒子也不開心.在學校受老師的庄力,回家看到深愛的媽媽在生氣.從孩子的角道看看這事吧!你寫的內容是老師的不滿,你的煩惱.但你沒有寫孩子的心在哭在叫很無助.不聽話的原因是孩子覺得自己沒錯.為甚麼成年人要自己做他們的理想孩子.但父毌對孩子有要求和有理想是對的.但先給孩子明白和消化的時間和機會吧!

對不起!我的語氣重了.請見諒.

CarinaChong

I think every child have their own personality. A good teacher should encourage a child to improve himself, make suggestion, instead of just complaining with the parent.  May be you'll feel better after knowing my case.

My son was in P.4 now and he has to change school from P.3 since we have to move our home. My son was quite happy and enjoy his school-life in P.1 & P.2. His results is O.K. and was the class-master in P.2.  
This year, his teacher complained with me that my son is not self-confident, and cannot accomplish the task appointed by that teacher. My son cried several times in school after being scolded by that teacher.  That teacher even stop him from being class master.
Those teachers always said that a boy, in this age, should not cry.

After listening to what that teacher said, I just wonder why all such complaints did not happen before. That is the difference where a good and patient teacher can guide student to develop their good points and thus gradually improve their shortcomings. But a harsh, irresponsible teacher will only critise student's weakness and even hurt his confience.

You may feel happier if you think more about your child's goodness.

Cathyneo

twoboymami,
你話試過用貼紙獎勵計劃，但每次因佢在學校都有些唔妥冇得獎，不如你試下同囝囝傾吓，訂一個新的獎勵計劃，例如你地會要求佢在學校要守甚麼規矩，逐點列出來，每天問佢有甚麼是做到，就每樣俾一個貼紙。
例如十大要點：
1. 上課留心
2. 不談話
3. 幫助老師
4. 收拾文具
...
這樣佢便有機會得到獎勵，循序漸進建立自信。你以前的計劃是要佢一下子改行為得到100分，當然不易做到。
希望可以幫到你！
cathy

evelyn317

係"好書分享"中，FXPC介紹過一套書叫"

Umi

twobabymami,

恕我直言, 我覺得你可能惡得滯,  你小朋友唔係唔知而係唔敢講比你聽, 驚個answer你唔滿意咪仲慘.
現在既小朋友好醒目, 我個女默書個時, 默完我叫佢自己check下岩唔岩, 佢第一句就話肯定唔岩喇, 你個樣都唔開心,o個時我發現原來我係不知不覺咁表露出來現在我都檢討近......
唉.......現在的父母真係唔易做大聲d都驚佢唔開心,以前那有呢樣野架!

麟媽媽

我仔都是小一，初初都好頭痛….好鬼唔開心，而家漸入佳境，可以同你分享下。
兒子一樣是唔專心、大意，一般由活動教學超自由式幼稚園出來的學生模式。上了傳統小學，你都諗到係點。開頭真的火到黎埋，兩公婆都好勞氣，仲試過打佢…最終原來個仔好大壓力，有一次默書八十幾分都私下改老師的分數….事態嚴重，一見老師，她第一句開口便問我兩是否比了好大壓力給兒子？老師反而沒責備兒子半句….我兩知道一味惡是唔得喇，之後改了反而真的好左好多。
跟兒子多D傾下學校情況，佢實講下呢個講下亞邊個。講到同學如班長，佢便說人家次次都一百分，但自己又唔得喎。我便會同佢講如果小朋友唔係直情唔想溫書呢，其實個個都可以好似班長咁。個仔問點得呀？佢咁叻….我話得，只是其他同學仔太唔專心，又大意，有時又”懶”快，錯埋D無無謂謂的東西！個仔好似好疑惑咁既樣，我再強調我覺得佢得，哈！佢笑笑口又跟住點頭喎！有時如果我地唔比D信任同鼓勵佢，佢便覺得自己唔得，無自信，便做得唔好了。
兒子第一次英默只得28分，之後56分，之後88分，自從我無鬧佢之後，近排是95分或100分。不過我都慶幸老師們都好正面的，無咩因為亞仔犯錯而責罵，只是加以安慰及鼓勵，不過好似你仔的老師一味向家長投訴但又唔作出相對引導，咁唔係咁好，始終教育下一代是要家校一齊做先得架嘛。