黙書要試黙好多次才有高分數, 有咩良策?

yamgie

通常頭一兩次試黙, 都錯漏百出, 要黙好多次, 番到學校黙先至有高分數.

佢今年小一, 黙書範圍少, 呢個方法仲可以行得通, 但遲d, 黙書範圍多咗, 黙一次都要很多時間, 根本唔可以黙好多次, 咁點算好? 所以想問吓你哋有乜方法改善?

happyvalley

原帖由 yamgie 於 10-5-9 13:26 發表
通常頭一兩次試黙, 都錯漏百出, 要黙好多次, 番到學校黙先至有高分數.

佢今年小一, 黙書範圍少, 呢個方法仲可以行得通, 但遲d, 黙書範圍多咗, 黙一次都要很多時間, 根本唔可以黙好多次, 咁點算好? 所以想問吓你哋有 ...

坊間中文有 d 用部件玩遊戲、英文就用 Phonics。

judy

原帖由 yamgie 於 10-5-9 13:26 發表
通常頭一兩次試黙, 都錯漏百出, 要黙好多次, 番到學校黙先至有高分數.

佢今年小一, 黙書範圍少, 呢個方法仲可以行得通, 但遲d, 黙書範圍多咗, 黙一次都要很多時間, 根本唔可以黙好多次, 咁點算好? 所以想問吓你哋有 ...

良策就是不要要求太高分，過骨就箅。

控制好所花時間。

heiheibbchu

原帖由 judy 於 10-5-10 10:29 發表


良策就是不要要求太高分，過骨就箅。

控制好所花時間。

同意不要花太多時間在默書上.

我小朋友小一, 默書前星期六,我會同佢默生字1次, 跟住到默書前個日, 再抽默1次, 吾記得都算.  雖然默書都會計入考試成績, 但無謂花太多時間在默書上.  相反閱讀就每日都有一定時間.  睇多D書, 看多D字, 自自然然會記得, 不用太勉強.

wendy_jed

我同囝囝溫中默, 成個默書範圍最多係默兩次.. 通常默書前兩/三天,學校仲會有抄書功課(默書範圍).. 我都會當果一次係默書..唔比佢睇, 唔識既字咪留空, "對"果時就可以搵到唔識AND錯既字.... 之後只會重點溫LEE D 字, 温到有八九成時,會再默一次, 通常只會錯之前果D當中既三,兩個詞(通常會係記唔起個字點寫),有時可能會有其他地方出錯(之前果次啱,今次先錯的).... 之後再重點溫D出錯既兩三個POINT, LEE個時候, 通常唔會係寫錯字, 而係聽到個字諗唔出點寫... 我多數都唔洗佢再渣筆, 只要佢講下部首就可以喇~    而英文默書..我都唔洗佢渣筆點... 串得出就可以了~  ... 其實我覺得LEE個逐步收細範圍既方法都WORK架...咁樣可以比小朋友知自己正在進步中, 大約仲欠什麼, ...... 下下由頭默到尾.SIDE時間, 仲攪到佢地無晒心機....

beywat496

有位家長, 每天都為小朋友默英文, 中文, 學校又經常補默, ..... 家長平日 日日重覆地幫囡囡默書 ........ 一做完功課就溫定下次的默書。

個結果 .... 非常失敗, 她囡囡很差, 現在小二仍錯漏百出, 次次都唔合格。

我同意家長應花時間在伴讀故事書, 英文讀得多, 就自然會串家出來, 文法都會自己出來, 中文方面, 要教小朋友拆字, 教拆部首, 當睇書多, 自然會識寫出來,  unseen 都唔洗驚。

eviepa

原帖由 beywat496 於 10-5-10 23:00 發表
有位家長, 每天都為小朋友默英文, 中文, 學校又經常補默, ..... 家長平日 日日重覆地幫囡囡默書 ........ 一做完功課就溫定下次的默書。

個結果 .... 非常失敗, 她囡囡很差, 現在小二仍錯漏百出, 次次都唔合格。

...

beywat496,

Very good.

Jasper_lo

中文默書 - 多睇課外書, 自然會識不用重覆温習.
英文默書 - 要把正個字分開來温,例如 : congestion要分成con / ges / tion. 當然最好係學phonics.

ZZdaphne

原帖由 heiheibbchu 於 10-5-10 10:40 發表


同意不要花太多時間在默書上.

我小朋友小一, 默書前星期六,我會同佢默生字1次, 跟住到默書前個日, 再抽默1次, 吾記得都算.  雖然默書都會計入考試成績, 但無謂花太多時間在默書上.  相反閱讀就每日都有一定時間.  睇多D書, 看多D字, 自自然然會記得, 不用太勉強.

happyvalley

我發覺閱讀跟默書是不同路的學習，即是閱讀好叻唔等如默書叻 (高分)，反之亦是。

至於怎樣高分，其實同佢成長有關，例如小三考小一真係食菜咁食，即係話只要孩子長大成熟，人人都平等，只要讀小小就可以考到高分。

不如講下我個囡，半年前用四日讀英默得四十分都冇，今時今日讀四個字就有九十分以上，讀的方法一毛一樣。

所以有人快有人慢，到小三或小四都相同，只要唔好錯敗自信，keep 住閱讀和學好 Phonics，良策自然生。