其實小朋友起學校整親係咪好平常?家長遇到應該點做好呢?

jswailam928

今日接我個女放學, 見到亞女一手fing開老師隻手, 見到我即攪住我勁喊, 當時我當然唔知佢咩事啦, 剩係同佢講:媽媽起到, 唔好喊啦, 咩事呀? 之後抱我個女上車都勁喊, 當時我99都問佢咩事, 佢就叫左個同學仔個名, 即見到我個女條頸有條好粗紅色痕, 我99好嬲即落車起學校門口好大聲講"有無攪錯呀, 整到我孫女咁架, 當時因為放緊學, 有d嬸嬸, 主任起門口, 咁岩個班主任又起到, 我99同佢地講"個xx同學仔整到我個孫女咁架?係咪有個xx同學仔架, (因為我地唔識我個女d同學名,'" 跟住個班主任6大隻eye"係有呢個同學哦, 原來係果xx同學仔整到你架", 跟住個主任就話不如入去叫駐校護士同佢搽d野啦, 之後入到去出番黎, 我見女見到果個xx同學仔就指住佢話比我地知道係果個同學整到佢, 之後我有d想落車去鬧果個小朋友, 當然最後我無咁做啦!!!主任估應該佢地放學落樓梯時, 爭落樓梯, 我個女就比果個同學仔扯書包, 扯到條頸紅晒, 而家7點幾仲有d紅, 但無岩岩放學時咁粗.

我想問下
小朋友起學校整到係咪好平常???
點解我覺得d老師好似無嘜反應咁ga?
定係佢地都無辦法, 唔通走去鬧番果個小朋友咩?得果2ages人仔, 可能佢地都未必識聽!!!
應否停學呢?因為仲有2個半月就讀完,就算唔讀都唔會搵其他學校讀n1啦!!!
下次我如果再遇到呢d問題應該點做, 因為唔係第1次, 我2,3次亞女放學番黎都見佢面面有傷痕, 但之前果d無今次咁勁丫麻...
有d唔開心, 我個女比同學仔蝦!!!

kitthen

其實我個女都係學校整親，唔只一次。我個女整親第一次，會向班主任投訴叫佢一定要睇實D。第二次整到流血，寫投訴信比校長，第三次，有整到流血，忍唔到，真係要退學。 我就真係等唔到學期完，真係覺得好失望

話比學校聽真係要睇實，唔係就唔多理或有些嬸嬸就真係無乜愛心嘅。

jswailam928

其實次次都有向班主任反映, 頭1次整親都有講比我知道(主動), 第2次無, 我就打去問佢why我個女整親, 第3次又主動番比我知道,今次就真係嚴重左d囉, 但無你個女咁誇張整到流血, 真係心痛死我, 到而家仲有條紅痕

因為我個女係舊年10月開始番n1, 當時係得12個學生, 有2個老師睇, 上個期無咁多人間學校真係好好, 我個女番左1,2個月學已經學晒26個英文字母, 同埋番黎講好多英文, 又開心, 放學一上車就拎書出黎睇, 隨著月份就越黎越多學生, 而家成30個學生有3個班主任, 下學期之後睇書, 講英文已經無晒了, 其實一早已經比佢番黎唔知做乜, 又貴學費, 成$3xxx一個月, 而家真係唔知點好, 仲有2個半月仲番唔番好呢? 真係好迷網

[ 本帖最後由 jswailam928 於 10-4-30 22:17 編輯 ]

pollybell

頂埋去啦,你去過第二間可能都會咁,無人擔保唔會受傷,我個仔間學校都係咁,唔係呢樣就果樣,如果唔係太過份就算,學校實答你會留意下,你吹佢唔脹.

jswailam928

咪就係吹佢唔脹囉~
尋晚同老公相量左都係要頂埋果2個月半, 唔係佢起屋企唔知做乜好!!!
可能係我自己緊張過頭0者, 攪到尋晚訓唔著
-,-'' 因為我個女係早產架, 所以我特別緊張佢囉~

yanniekanpy

就算自己帶小朋友出街.. 一對一.. 小朋友都會受傷啦...!!!

如果家長自己睇住.. 一定覺得.. "小朋友跌襯"好小事姐..

但當自己見唔到.. 又或者.. 係學校發生.. 一切就變左大事.. 大會怪責老師.. 又會話其他小朋友..頑皮..唉~~ 看開一點..!!!

好似我咁.. 有時我都會太緊張.. 呀仔3歲.. 發燒.. 唔願食野.. 我都會嘗試叫佢食少少..

帶呀仔去睇醫生.. 同醫生講.. 呀仔唔願食野..

醫生話.. 你自己係大人.. 你病 .. 你都無謂口啦...

你生多幾個.. 你就唔會咁緊張.. 佢唔食.. 咪由得佢囉.. 佢餓..佢會食架啦..

haaa~~ 聽完醫生講.. 又覺得自己.. 真係太緊張!

KK07

就算自己帶小朋友出街.. 一對一.. 小朋友都會受傷啦...!!!

如果家長自己睇住.. 一定覺得.. "小朋友跌襯"好小事姐..

但當自己見唔到.. 又或者.. 係學校發生.. 一切就變左大事.. 大會怪責老師.. 又會話其他小朋友..頑皮..唉~~ 看開一點..!!!

好同意! 我係'老手'媽咪,有時見到有些媽媽也就太緊張了,咁樣真係好難捱到BB長大.  想像15-30個小朋友在一起玩,就算5個老師也不可能每秒看著每個學生,又要guide佢地學習遊戲,有跌,有撞跟本難以避免,就好像家裏有3-4個孩子,佢地都一定會撞啦. 我女小學,可以排隊上班房時,當中一個書包太重,向後跌,最後20多個小學生連人帶書包由樓梯'look'落去,我女係最底! 小朋友真係各式超難度動作都會做架! 反而多D運動,練好身手,是最保險法.

twinsstar

原帖由 KK07 於 10-5-1 14:50 發表


好同意! 我係'老手'媽咪,有時見到有些媽媽也就太緊張了,咁樣真係好難捱到BB長大.  想像15-30個小朋友在一起玩,就算5個老師也不可能每秒看著每個學生,又要guide佢地學習遊戲,有跌,有撞跟本難以避免,就好像家裏有3-4 ...

jswailam928

多謝各位媽媽的意見啊~

dogdogling

一班小朋友一齊玩整親在所難免，咁少事攪到又投訴又鬧又退學似乎有點兒誇張，我想問如果第時响第二間學校又係咁咁係咪又轉新學校？
作為媽咪都明白見到自己仔女受傷會好心痛，但呢個係一個好好嘅機會去俾小朋友處理困難同唔開心嘅情緒，你應該好好同你小朋友傾下點樣整親，當時發生乜嘢事，點解同學仔會打佢，等你明白咗件事就再同佢分析應該點做，話俾佢聽媽咪會支持佢。另方面你要同學校反映件事，等老師多d留意。
調番轉頭，你走去學校大吵大鬧嘅結果只會另小朋友覺得老師係鬧得嘅，唔值得尊重嘅，你估小朋友以後會唔會聽老師話？識唔識專重老師？同佢轉校會教咗小朋友面對困難只懂逃避，不懂面對。

KK07

一班小朋友一齊玩整親在所難免，咁少事攪到又投訴又鬧又退學似乎有點兒誇張，我想問如果第時响第二間學校又係咁咁係咪又轉新學校？
作為媽咪都明白見到自己仔女受傷會好心痛，但呢個係一個好好嘅機會去俾小朋友處理困難同唔開心嘅情緒，你應該好好同你小朋友傾下點樣整親，當時發生乜嘢事，點解同

jswailam928

多謝 dogdogling 意見先!!!
當時我同99都好緊張, 因為我個女從細到大都好小喊的, 佢放學出黎喊到咁唔收聲一定係有問題的, 其實傷痕係唔小的, 岩岩係由喉嚨到頭後面, 足足圍左佢半條頸, 仲係好粗痕的, 我明白到我99起學校門口咁嘈係唔岩,
退學係我意思的, 氣下來再同老公相量後都係繼續讀,因為只剩番2個半月, 呢2日我都有主動番同我個女傾番呢d事, 佢都有同我講番件事係點, 我亦有教番佢第時遇到呢d問題點處理!
ps. 當然做麻麻&媽媽見到咁一定心痛, 明白到我地亦都係過份緊張, 可能屋企剩係得佢一個小朋友, 我地都慣左緊張佢, 錫佢, 寵佢, 我知道咁樣係唔岩, 所以我好耐之前做的角色係教佢, 同鬧佢果一個, 99係錫佢, 寵佢果一個, 其實我本生係唔驚佢整親, 今次件事最重要,我係驚佢係驚左番學, 到時我就麻煩啦, 真係唔識得處理佢ga情緒問題, 幸好佢都無話唔番學, 咁樣就放心好多了~

[ 本帖最後由 jswailam928 於 10-5-2 13:44 編輯 ]

crystal媽咪

其實在學校整親好常見的, 有時玩下玩具,
d玩具都會刮損手.
反而留意是老師的態度,
佢唔講邊個小朋友整親你個女係無錯的,
但可以主動講下次會多d留意.
停學唔需要, 因為小朋友去邊度都有受傷的機會,
反而教佢保護自己,
今次唔知點解同學抓損佢,
但教佢下次, 如: 有同學在走廊奔跑, 自己快快步經過等, 減少撞親的機會, 同埋如果不幸被人欺負, 要同老師講, 老師知佢識講, 可能會記得放學 / 立即致電向你交待.

brrbaby2007

有碰撞先係真實世界，小心handle以免小朋友對返學/同學有-ve view

七點半

我都好同意...最緊要係老師的態度....

上個星期老師打比我話阿仔同另一個小朋友玩...玩玩下撞左落去個櫃....跟住喊左好耐...我放工時見到一條好深的紅色痕...個心都實晒...

老師打比我時...我一聽到...心想有無搞錯....都好想問同鬧...但係我控制自己情緒....冷靜下來時都會想老師邊睇到咁多...個個小朋友都跳跳紮...無可能睇到咁多...所以都算了...我明白為人家長見到自己小朋友撞到或比人整到會好唔開心...不過, 大家都唔想...所以你都不要介懷...

另外, 我個女9月第一日返學...家長帶同小朋友一起返...在放學時我見到有個同學突然打佢隔里個小朋友一下...大家家長都呆一呆...當然打人一方的家長立刻道歉及教訓個小朋友...但事實已經打左...那又可以如何呢?? 所以返學總會有這樣的情形出現...惟有同自己講最緊要小朋友無事...

原帖由 crystal媽咪 於 10-5-2 17:01 發表
其實在學校整親好常見的, 有時玩下玩具,
d玩具都會刮損手.
反而留意是老師的態度,
佢唔講邊個小朋友整親你個女係無錯的,
但可以主動講下次會多d留意.
停學唔需要, 因為小朋友去邊度都有受傷的機會,
反而教佢保護自 ...

jswailam928

今日放學亞女番黎同我講老師已經同佢轉左位了.........

七點半

學校有follow up都算有個交代...

原帖由 jswailam928 於 10-5-3 15:06 發表
今日放學亞女番黎同我講老師已經同佢轉左位了.........