隨機編號

stephaniemama

1.請問家長會唔會知道兒女的隨機編號???
   如果知的話...可以在哪裡看到???

2.隨機編號是何時用的...是否在乙部份跟據各BANDING的隨機編號先後次序來分派學校???

發夢都掛住關於孩子派位情況的傻媽上@.@

maglam1985

原帖由 stephaniemama 於 10-4-24 18:08 發表
1.請問家長會唔會知道兒女的隨機編號???
   如果知的話...可以在哪裡看到???

2.隨機編號是何時用的...是否在乙部份跟據各BANDING的隨機編號先後次序來分派學校???

發夢都掛住關於孩子派位情況的傻媽上@.@ ...

你係唔會知道個隨機編號, 如果可以知, 就唔駛擔心到放榜嗰日喇。
隨機編號係電腦喺派位時產生俾每一個參加派位嘅學生一個編號, 目的係用嚟分先後次序, 因為學生會分成三個組別, 電腦會先派組別一學生嘅學位, 甲乙部都係用呢個號碼。
例如學生陳狀元(中西區),成績好(九龍城),尤大志(九龍城),邵聰明(中西區)四個都係組別一嘅學生, 而蕭小敦(油尖旺),吳好彩(油尖旺)係組別二嘅學生,佢哋嘅隨機編號分別係567, 123, 888, 108, 999, 101,喺甲部時佢哋6個都揀相同志願, 電腦會先派位俾組別一嘅學生, 所以電腦會先處理陳狀元,成績好,尤大志,邵聰明呢四個學生, , 而學額得兩個, 咁電腦就只會派位俾陳狀元,尤大志, 因為佢兩個嘅隨機編號比較前, 而其餘兩個就要等下一輪, 不過由於甲部學位極少, 所以佢兩個同組別二嘅蕭小敦,吳好彩都要留待乙部嘅本區時再派位。
到乙部時就以本區學生分三個組別, 以同樣派位程序派位, 而隨機編號同甲部一樣,只不過今次就同同區嘅學生比較。

stephaniemama

唔該晒!!!
咁即係同一banding內嘅學生唔會再分成績高低,而係靠隨機編號去派學位....um....對於一d成績超越嘅學生好唔公平!!!但係對一d成績不如理想嘅學生,反而係好安排!!!

davidbigbig

原帖由 stephaniemama 於 10-4-25 19:15 發表
唔該晒!!!
咁即係同一banding內嘅學生唔會再分成績高低,而係靠隨機編號去派學位....um....對於一d成績超越嘅學生好唔公平!!!但係對一d成績不如理想嘅學生,反而係好安排!!! ...

成績非常好既係自選巳經被取錄, 其餘再跟BAND隨機去派學位, 都係唔錯既安排

maglam1985

原帖由 stephaniemama 於 10-4-25 19:15 發表
唔該晒!!!
咁即係同一banding內嘅學生唔會再分成績高低,而係靠隨機編號去派學位....um....對於一d成績超越嘅學生好唔公平!!!但係對一d成績不如理想嘅學生,反而係好安排!!! ...

但要考慮派咗去間頂級嘅學校又應唔應付得嚟呢?

aryee

隨機number的確係家長好大憂慮，尤其係band１頭學生，隨時一個運氣唔好，咁多年辛苦讀書都唔及人地一句運氣好。但如果唔係咁，又點分派甲校既第一名先定乙校既第一名先呢..所以隨機都有佢既意思。同埋，如果家長知道自己既隨機number就會好大鑊，好多number好既家長就會選頂尖學校，number唔好(但可能成績好好，但又唔足以派到自行)果d反而唔敢選一線，怕唔知跌左去第幾志願。而家大家唔知，咪齊齊博一鋪lor。