關於鋼琴2級試

nakoko

hi ming2~~
記唔記得我??之前經你買琴架,不經不覺一年喇...
都想討論下彈琴既野,亞仔5歲半,學左年半琴,係上我門教既,睇住佢教成點,之前有一段時間亞仔唔上唔落咁,同老師討論過,話應該d書深左少少,因為頭一年亞仔進度理想,老師就買難少少比佢彈,彈前半係冇問題,點知後半就出事,攪到佢學得好唔開心,冇晒自信,覺得自己做唔到,而呢個時候我亦都有換老師心態,質疑佢,但因為佢上我屋企,有咩都可清清楚楚同佢傾,比佢知我期望係咩,同小朋友平時練琴情況,我講返比佢知個仔咁咁咁,於是佢買返2本簡單d既書,依家亞仔自信返返黎,冇話好驚練琴喇,所以同老師溝通真係好緊要,o係學琴既頭一年我都唔知老師資歷,係傾下傾下咁就問到佢有演奏2級水評,其實佢比我感覺雖然有料,但就冇咩耐性咁,唔係好識同小朋友相處,只係勝在佢肯聽我意見,一開始佢都問左我係咩期望先,心唔心急考試?我同佢講唔急,同佢商量好一考考3級,但依家都有2個問題存在我未同老師傾,想聽下你意見,1.佢無論練定學琴,對腳總係fing黎fing去,叫極都改善唔到,有咩辦法?2.佢d手指唔能夠企o係度彈,總係平瞓住咁,我依家開始攞支棍long o係佢對手下面,等佢d手指企o係度,我咁做有冇問題??