慧中(中英文)幼兒園.....(海濱)

beepaul2007

想問海濱慧中,係咪學費貴,無咩人讀,所以好易入呢?
我個囡琴日IN 完,囡囡係08年9月細B,所以咁遲先有得IN,
但係我去到時,只得我地IN, 唔似其他學校咁,約成批人嚟 IN, 之後,一個老師IN我地兩公婆+囡囡,過程好順利,
而囡囡都表現唔錯,做足反應,但我估唔到佢會即刻話收,
老師問囡囡第時係度返學好唔好呀?囡囡話好,我以為佢考佢反應,點知佢話可以係某個日期前交留位費,我先知佢即刻收咗囡囡,咁我梗係即刻比埋留位費啦,之後,返到佢諗,聽講呢間口碑都唔錯,我個囡又係細B,要10月先返得學,點解佢咁易就話收佢,收少一個月學費傢喎,我就諗,係咪呢間學費貴,所以好多位呢?
定係真係好彩入到呢?
有無仔囡都讀緊慧中嘅家長,可以分享一下,
讀得開心嗎?老師好嗎?
其實我最心儀果間"綠楊"仲未有得IN, 如果2間比較,
邊間好D?
請比意見!謝謝!

mianyang_99

原帖由 beepaul2007 於 10-4-15 13:54 發表
想問海濱慧中,係咪學費貴,無咩人讀,所以好易入呢?
我個囡琴日IN 完,囡囡係08年9月細B,所以咁遲先有得IN,
但係我去到時,只得我地IN, 唔似其他學校咁,約成批人嚟 IN, 之後,一個老師IN我地兩公婆+囡囡,過程好順利,
而囡 ...

HI, 我仔讀緊n班, 佢係3月插班, 因為佢係0801大b.
我個陣都有咁既心態, 仔仔個日參加完試堂, 就安排左個面試, 咁個老師都話其實試堂時都留意到仔仔係點, 所以就無mug問佢tim, 只係問我, 從中了解仔仔, 傾左半個鐘, 就話應該無問題, 叫我即時交留位費, 我都有些surprised. 不過都俾左, 因為:
1. 仔仔試堂好開心, 佢一d都唔扭計, 仲好留心聽故事, 最令我"感動"係佢主動搵某個miss, 指定要拖住佢參觀學校(咁個miss又真係好靚女下 ).
2. 因為可以插班既學校唔多....所以....
3. 我之前in左海濱迦南, 都收左, 但覺得校舍細慧中一陪, 所以無要...(慧中有兩層, n班同k1係lower floor, k2-k3 upper floor).
4. 我想搵有全日班, 慧中有.

開學前有家長會, ( 3月都有20幾30個插班生)個校長好講得好清楚, 俾我感覺唔commercial,咁開學啦...佢地有適應週, 但唔似得其他學校咁有得陪, 我覺得咁仲好, 唔好拖1拖拉拚, 反正以後學生都係自己上堂, 同埋時數係慢慢增加到正常.
仲有學校本來2月係下學期, 但因為放10幾日cny,佢比插班既家長選擇3月先返學, 因為怕d小朋友放完長假要再適應, 呢個安排又係好好 .

我仔而家返學好開心, 成日唱歌...又成日講學校d比我聽.
我之前接放學, 見到課室都好多學生, 所以唔會無人讀掛...

[ 本帖最後由 mianyang_99 於 10-4-15 14:37 編輯 ]

mianyang_99

係呢, 其實你有冇join過佢地個試堂?

beepaul2007

無呀,試堂係咪可以同佢一齊上傢?
要幾錢傢?
係咪隨時都有傢?
試堂係同佢d同學一齊返,定係試堂同試堂小朋友一齊試呢?

mianyang_99

原帖由 beepaul2007 於 10-4-20 15:07 發表
無呀,試堂係咪可以同佢一齊上傢?
要幾錢傢?
係咪隨時都有傢?
試堂係同佢d同學一齊返,定係試堂同試堂小朋友一齊試呢?

試堂係免費，父母可以一齊，每月一次（某ＳＡＴＵＤＡＹ），共20幾個試堂既小朋友一齊上...