諸葛孔明「空城計」練琴法

小謙伯伯

士兵(謙媽)：諸葛丞相，司馬懿d軍隊而家黎緊，就黎打到喇，點算呀？

諸葛亮(小謙)：唔駛驚。你大開城門，搵個老兵o係門口掃地，我上去城樓上彈琴，引開佢地o既注意。

士兵：丞相你小心呀，我地全部人o既安全都靠哂你架喇。

老兵(謙媽分飾)來回走動，作掃地狀。

司馬懿(謙爸或伯伯)從房間通道 clock, clock, clock, clock, clock 騎馬出。

士兵(謙爸或伯伯兼飾)：司馬將軍，我地已經到左蜀軍o既城寨，佢地將城門打開，仲有個老兵o係度掃地添，我地衝唔衝入去呀？

司馬懿望上城樓上，看到諸葛亮在彈琴，旁邊站著個書僮(謙媽分飾)在搖扇。

司馬懿：上面坐著彈琴o既唔係諸葛亮？仲有個書僮o係度搖扇添。諸葛亮一向好謹慎，唔會冒險o既。等我聽下佢彈琴，如果彈得唔定，拍子亂哂o既話，就一定係心虛，我地就衝入去殺到佢片甲不留。如果彈得好定，音樂同拍子都準確無誤，咁就一定係有伏兵，想引我地入去嘞。等我聽下先……

謙爸或伯伯附耳到琴側，細聽小謙每個音符，用手指或點頭打著拍子，因應情況說：嘩，真係好穩定喎 (或：呢度我聽得唔係咁清楚，等我再聽一下先……)

諸葛亮彈奏完畢，司馬懿說：諸葛亮彈得好穩定，一d都無亂，一定係有伏兵，我地撤退。

Clock, clock, clock, clock, clock, 司馬大軍兵馬齊撤退。

士兵(謙媽)：稟告丞相，司馬懿o既軍隊已經走左喇，我地仲留唔留o係度呀？

諸葛亮：佢地一陣會再返黎o既，我地即刻走。

小謙走下琴凳，與謙媽撤退到梳化。

司馬懿：我地o既兵馬走左咁多日先到蜀軍o既城寨，唔得，都係再返去睇真d先。(Clock, clock, clock, clock, clock) 哎呀，全部走哂添。原來係個空城計，又俾諸葛亮呃左，唉，激氣！(「唉，激氣！」是小謙平日的口頭禪。)

諸葛亮遠遠看到司馬懿的軍隊，搖著扇子呵呵大笑。

anitawong21

好玩呀!小朋友幾歲?日日錦玩制唔制?

小謙伯伯

〉好玩呀!小朋友幾歲?日日錦玩制唔制?

小謙未夠五歲，讀K2，學琴約一年。

近幾個月他愛上中國歷史，自然也認識了一些三國演義的故事。這個空城計的玩意，起先是他練琴時說自己是諸葛亮在城上彈琴，嚷著要找把扇子放在旁邊。我們大人看到可以利用，便索性合力把它玩大。果然有一些成績。因為小謙一向練琴很隨心所欲的，從來不肯端端正正的依足拍子。這個玩意因為必須要拍子「穩定」，才能騙到司馬懿，空城計才能成功，所以小謙很用心彈，而且每個音都hold足time, 彈出個旋律來。每玩完一次小朋友開心我們幾個大人都很開心。因為之前要他練琴是很勞氣的。

小謙現在很喜歡這個玩意，樂此不疲。每次練琴可以玩完再完，把老師要練的三首歌仔都練勻才盡興。不過我們都不知道這個練習法還可多用幾多天。之後又可有甚麼新點子。