駛唔駛咁呀, 老師!?

cocopig

亞女學校好嚴苛,
1. 數学幾十題練習, 做漏一題, 要當欠交
2. 去完博物館參觀, 交哂工作纸, 但無交入場證明, 又當欠交 (註: 工作纸係無寫明要入場證明, 只是老師口頭講)

亞女今年五年班, 欠交纪碌會寫在成x表上, 其實手册內的功課欄下面有簡訊欄, 好人的老師會將minor 的過失寫在那裹 instead of 欠交功課lor

我明白無帶證明係有唔啱, 但唔駛咁絕呀!

akycheung

which school?

brian61950

係咪一視同仁先?
如係就冇問題.
由佢寫囉,遲到缺席都寫架.

take it easy la, 冇人張成績表完美既.

原帖由 cocopig 於 10-3-31 08:28 發表
亞女學校好嚴苛,
1. 數学幾十題練習, 做漏一題, 要當欠交
2. 去完博物館參觀, 交哂工作纸, 但無交入場證明, 又當欠交 (註: 工作纸係無寫明要入場證明, 只是老師口頭講)

亞女今年五年班, 欠交纪碌會寫在成x表上, 其 ...

Skywan

阿仔個間都系咁… P.5開始無論邊科
作業 & WS 只要做漏1題都當欠, 就算詞語寫少漏一個亦當欠, 通知要帶物品就算只是口頭通知沒有寫於家課日誌上, 無帶亦當欠帶, 如該月累計
“欠做 + 欠帶” 10次便會出 WARNING 通知家長簽回, 如累計3次 WARNING 要記缺點1個….

雖然
“欠帶+欠做”
不會寫於成績表, 但一样會扣操行分, 如有”缺點”當然亦寫於成績表啦!

所以你吾使咁労氣

原帖由 cocopig 於 10-3-31 08:28 發表
亞女學校好嚴苛,
1. 數学幾十題練習, 做漏一題, 要當欠交
2. 去完博物館參觀, 交哂工作纸, 但無交入場證明, 又當欠交 (註: 工作纸係無寫明要入場證明, 只是老師口頭講)

亞女今年五年班, 欠交纪碌會寫在成x表上, 其 ...

[ 本帖最後由 Skywan 於 10-4-7 10:40 編輯 ]

cocopig

"就算詞語寫少漏一個亦當欠" 有冇搞錯呀, 好過份啫!  吹毛求"痴"!   

原帖由 Skywan 於 10-3-31 13:02 發表
阿仔個間都系咁… P.5開始無論邊科
作業 & WS 只要做漏1題都當欠, 就算詞語寫少漏一個亦當欠, 通知要帶物品就算只是口頭通知沒有寫於家課日誌上, 無帶亦當欠帶, 如該月累計
“欠做 + 欠帶” 10次便會出 WARNING 通知 ...

lauerica

原帖由 rpskwan 於 10-4-5 22:09 發表
同樣地, 家長連要求小朋友『做齊』功課〔一題不漏地〕亦不嚴謹，便形成現今的80後90後小朋友這樣沒責任感，凡事只會推卸責任，說學校太嚴；說到底，小朋友是好是壞，真看家長怎樣教！ ...

絕對認同，所以而家的小朋友都好難分對錯，
自已做錯事，父母唔糾正錯處，
反而偏幫自已個小朋友，淨係識張責任推向校方，
小朋友會覺得自已冇問題，久而久之，矣！80後、90後，希望2000後唔好再步80後、90後既後塵就好。(並不表示所有80後、90後都有問題，請不要對號入座,Thanks)

黃巴士

我唸樓主都係想講有時些RULE唔好太苛刻, 唔係話咩是非不分囉.

mamimummy

功課漏一個就怪老師嚴苛,....但.....考試做漏一題又怪誰呢?!.....先怪小朋友唔小心....and then...有無腍腍........... 身為父母平日的教導呢!!!!!

原帖由 rpskwan 於 10-4-5 22:09 發表
同樣地, 家長連要求小朋友『做齊』功課〔一題不漏地〕亦不嚴謹，便形成現今的80後90後小朋友這樣沒責任感，凡事只會推卸責任，說學校太嚴；說到底，小朋友是好是壞，真看家長怎樣教！ ...

麟媽媽

如果我係樓主，我會問亞仔︰
使唔使咁呀？一條都做漏？！

Fion_Chan

我仔還是初小，寫少一兩個詞語、做數做少一兩題，經常發生，有時候佢地話係唔識做漏空左，過左又唔記得問番家長，更多時候係做做下功課比第二D野分散注意力(如外婆到訪、工人準備好晚飯、有電話來呀咁)，走左去返來以為自己已做完份功課。我放工回家check功課無辦法check得咁仔細，所以睇到這話題都嚇一嚇，即刻提醒阿仔小心到高小時做功課唔能夠咁求其，老師上堂說話要記住。
姑勿論老師是否苛刻，其實頗感激樓主帶出這話題，好使我等初小家長知所警惕。

aryee

請問家長當初係你幫孩子揀呢間學校，還是教署強逼你仔入讀呢﹖無意侵犯，只係，香港咁多唔同類型既學校，再嚴d既有，自由既亦有，家長應該按自己喜好及能力選擇。

一家的太陽

欠交毫無疑問係學生錯,但記錄在成績表上似乎又過分一點.
畢竟升中自行搵中學時要向中學出示5,6年級成績表.

阿仔學校漏做或忘帶,會寫家課冊家校通訊欄上.
如老師覺得嚴重,欠交紀錄會寫在家課冊的後面欠交功課表上,累計10次就會記一個缺點.缺點會被記錄在成績表上.

“亞女今年五年班, 欠交纪碌會寫在成x表上, …”

Skywan

咁... 我又無這样念過, 因為老師是一視同人。加上似仲都系自已做漏在先....只系知道情況后, 做好自已本份督促佢 "全部完成" 所有家課, 我都有同佢講現在是家課做漏, 如考試做漏明明識都便吾識啦!

原帖由 cocopig 於 10-3-31 14:00 發表
"就算詞語寫少漏一個亦當欠" 有冇搞錯呀, 好過份啫!  吹毛求"痴"!   

popokit

我諗....呢個係學校的Training.

aryee

原帖由 一家的太陽 於 10-4-7 10:40 發表
欠交毫無疑問係學生錯,但記錄在成績表上似乎又過分一點.
畢竟升中自行搵中學時要向中學出示5,6年級成績表.

但我覺得，中學校長見到成績表寫住欠交功課3次，都係不以為意，又如何呢﹖只不過係呢間小學均真d，會寫埋落成績表度，其他學校無寫既，校長都唔會認為佢一定交齊。校長心中有數，揀人唔係睇一樣野。都係果句，做好本份，努力讀書，何怕嚴苛校規，到時成績表寫住，六年從來任何欠交，反而令眼相看。

wingsma

本以為這是一個很簡單的問題，竟然有這樣極端的意見。我的一位教師朋友聽到，也覺得他的同行太苛刻。
做漏一題，不給那題的分數不是嗎？
欠交入場證明，扣點分不就算是教訓嗎？何需當欠交。
你遲到便當缺席，缺席一天便整個月不給薪金？可以嗎？
還好即使是大人的世界，也不會這樣苛刻，甚至遲到不扣薪金，缺席可申請有薪假期！
在苛刻的環境成長，如何學會寛恕。某小部份八十後、九十後，對小小事情都當天要塌下，對別人的小小疏忽便窮追不捨，可能就是在一個苛刻的環境下成長。
我建議cocopig跟老師坦承地談一談，看這是一位老師的做法，還是學校的政策，如果是學校的政策，轉校可也！

aryee

原帖由 wingsma 於 10-4-9 01:15 發表
本以為這是一個很簡單的問題，竟然有這樣極端的意見。我的一位教師朋友聽到，也覺得他的同行太苛刻。
做漏一題，不給那題的分數不是嗎？
欠交入場證明，扣點分不就算是教訓嗎？何需當欠交。
你遲到便當缺席，缺席一天便整個月不給 ...

其實都係睇角度，你可以話，自少在苛刻既環境下長大，學不會寬恕；但亦可以話，自少對自己無要求，將來做事就是是旦旦。正如教仔都有好多方法，唔同方法都會教出好孩子，只係適唔適合，同受唔受得果套。

所以，問題不在於學校，在於家長應為子女選擇合適既學校。

[ 本帖最後由 aryee 於 10-4-9 13:50 編輯 ]