睇完鏗鏘集 (2) 自覺地學習，覺得......

cckalex

可能用詞語氣重了些,都很抱謙.
那些說話都是有感而發,因我有些朋友子女都是讀這校,而大部份都是想入名校.
亦明白你所說的是有一定理由,
但實情絕非你們想像這麼簡單入讀名校中學
這所學校接近80人可入名校,除了要很努力跟足學校指示去做,課程要比其它小學深,
還要那些人際關係,才入到,但實際這校真正
統一派位和叩校,有多少人入名校.
而小朋友要用六年在這環境成長,沒有童真.
至於成績和水平,我有個人見解
小學和中學是兩個戰場,小學是家長的比較
中學才是小朋友真正自己的戰場.
我有兩個姪子,他們小學並非讀什麼名校,
一個基灣,另外上水惠州,而兩家父母教育水平不高,但他們能入讀全港十大名校,而且是精英班,他們分別在這兩年會考分別取得28分和26分,這証明了讀書不是要由小孩子開始讀書就不段比高幾級的課程,將他們變超人.

以上全是個人意見.

catcatmom

宣小係讀得開心既, 初小功課又少, 街坊兩個小朋友讀得開心, 有童真, 不要太神化某些學校.

學校都係普通面試考入去, 當然人搭人的情況每所學校都有D, 但佢收好多學生, 一班多至43人都有,所以要入都無其他名校甘難.

閱讀室多次見過宣小的功課, 係比一般小學深, 但作文字數亦無BK媽咪吹噓得甘多. 用英文圖書無喇小甘深.好多名校喜收宣小學生, 不只為學業成績,音樂培訓係好大因素.  

原帖由 cckalex 於 10-3-29 23:19 發表
可能用詞語氣重了些,都很抱謙.
那些說話都是有感而發,因我有些朋友子女都是讀這校,而大部份都是想入名校.
亦明白你所說的是有一定理由,
但實情絕非你們想像這麼簡單入讀名校中學
這所學校接近80人可入名校,除了要很 ...

[ 本帖最後由 catcatmom 於 10-3-30 07:29 編輯 ]

囝囝爸

cckalex:

我在BK慣常說法, 現實和理想是有距離的.

宣小八十前學生失去童真但入到中學名校, 有些還要靠關係.  同失去童真的八十後也不見得能以實力入到名校, 只能入到普通 band 1 校.  究竟如家長或學校想子女學生不失去童真, 是否教低半級, 取到一般成績則可.  或加大力度, 教深一級, 就會八十前後都可入名校,  有可能嗎?  又究竟覺得學校已超強或不足, 或一半一半?  但有能力而不為, 相信連有些局外家長都會覺得不求成績不努力實誤了子女.  

大家週遭會有不同親友鄰居子女就讀不同小學, 童真真可反映出成績, 或用在學習上的量度時間.

相信大部分小學家長都希望子女升上好成績中學.  但不是肯賠了童真就可以.  如本版一些家長所言, 地區中學名校成績或比傳統名校更好, 但讀得更辛苦.  不少學生, 包括高小生, 自主都會不怕辛苦選好學校.  因學習愉快而言, 心態比狀態重要, 可持久的成果歡愉遠超越過程辛苦.

lkma

地區中學名校成績或比傳統名校更好, 但讀得更辛苦.

其實並不完全是這樣，我有不少朋友是教書的，佢哋話一般津貼、直資名校，無論是老師或學生都很辛苦，因它們多不務正業，攪大量科外户動，又要威，師生都疲於奔命，但官立名校，教師是公務員，边有咁多嘢攪、咁多功課做吖，初中三年是很輕鬆的，到高中後才有壓力。事實証明，兒子入讀大半年，中英默書加埋都係五六次，而且吾計平時分，學生自已改番，到現時為止，每天功課不超過一小時，最近連15分鐘都冇。

要偷快學習，吾一定要中產或新理念至得嘅，選校時多方打聽，切合兒女性向，一樣可以做到愉快學習的。

greendotdot

我唔知有無理解錯誤，係咪話「如果讀梗地區中學名校的學生，必須讀得更辛苦(更加努力，或者付出更多)，才有機會令自己的成績超越傳统名校」呀？

我自己覺得讀書，根本關鍵是學生自身的態度，舉個例：有個小朋友，叫佢背篇短文，大家都認為佢好容易，不過佢唔鍾意篇文，被迫去背，佢背得真係好辛苦：另一個小朋友，佢細個夢想是自己起間屋，佢真係去擔泥，大家都認為佢好辛苦，其實佢好充實，好有滿足感，自得其樂。

讀得名校(地區或傳统無乜分別)的學生，大部分都對自己有要求，睇吓係自發性抑或被動，自發性果班同學愈有挑戰性佢地愈開心，至於被動果班便是真係讀得辛苦喇！所謂「被動」的因素當然有很多，包括：家長自身的主觀意願、同輩影響、社會物質追求...很多...不能盡錄。很多家長的評論都係用自己嘅角度，點樣..咁樣...究竟依家係家長讀定子女讀，有無同子女溝通去理解佢地諗法，又舉個例，有一次同個囡傾閒計，我話：「pizza 厚批先至juicy」，個囡無答我，我又再講：「即刻多汁啲」，個囡好不耐煩咁話：「我識juicy點解！」；好似最近學校做小組專題研習咁，個囡果組有多個組員，約出嚟做都約咗5、6次，但每況愈下，最後一次，其他人話有事...唔係學琴又話補習遲到早走，甚至乎失約，根本呈分試迫近，呢啲專題研習，又唔計呈分，這個時間係low priority，但個囡好enjoy，因為係佢親手做，係學校個電腦室排隊揾IT哥哥續張印嘅，我屋企有大大個colour printer，不過因為我同佢講：「你呢壇嘢time is up喇，啲組員都無咗影去温書準備呈分試，你仲浪費時間落去？你有無為自己前途打算？你唔好再帶番屋企啦，要做就係學校午飯時間做！」過咗一星期，個囡忽然從書包取出那個project嘅clear folder出嚟自己欣賞，我話：「又攞番嚟？」佢話：「聽日交喇，想睇吓，我呢到改咗加咗啲花花，係咪靚啲！」結果今次呈分試成績仲好少少添，我唔知如果佢全力應付呈分試會否成績更好，不過我肯定知道，如果個囡自發性去做嘅嘢，佢自己係有能力兼顧，只係家長我自己未了解而自以為是。

我想講多少少，我唔係為那個階級說好話，我同意現在的傳统名校，愈來愈多來自中產家庭的子女，靠關係只是很小數，他們的實力有目共睹，有人話梗係啦，佢地屋企有很多好支源去support，有人話有得有失，佢地咁細個就無咗童真；另一邊廂，我地草根揾朝唔得晚，無錢補習，無錢參加興趣班學琴棋書畫，傳統名校點會收，呢個都係事實，唔夠實力佢地一定唔收，情況會愈來愈一面倒添。我細過都窮過，都感受到這種處境，但抱怨解決唔到問題，最重要係自己學習態度，其實中產家庭的所謂support係有啲奢侈嘅，並不是全部受用，他們的成功都要靠自己努力，我認識有草根家庭懂得善用資源，人棄我取，實而不華，子女一樣都平步青雲。

如果細細個小學生自發性勤力讀書就話係犧牲咗佢地嘅童真，我覺得真係本末倒置！果啲唔讀書終日流連街頭食煙吸毒的小學生，才是失去童真。我幾十歲喇我阿媽都仲當我小朋友，噓寒問暖，咁我係咪還有童真呀！為人父母，要清楚知道，子女其實最關切父母對佢地嘅睇法，如果家長都咁介意其他人的指指點點，未免庸人自擾。

有朋友教過SPCC，佢話上堂有時幾嘈，因為啲學生都早一步識得教梗嘅嘢，所以無乜心機聽。有朋友教名官中，佢話老細三年換一個(調職，政府政策)，所以只谷高中果三級嘅精英班喎！其實無學校係完美，你估傳统名校或者地區名校就一定係靈丹妙藥咩，點都係靠學生自己，家長何不問吓自己？究竟依家係為子女選擇適合他們的學校，抑或係將子女度身訂做去迎合某某學校。

cckalex

原帖由 greendotdot 於 10-3-30 13:47 發表
我唔知有無理解錯誤，係咪話「如果讀梗地區中學名校的學生，必須讀得更辛苦(更加努力，或者付出更多)，才有機會令自己的成績超越傳统名校」呀？

我自己覺得讀書，根本關鍵是學生自身的態度，舉個例：有個小朋友，叫佢背篇短文，大家都認 ...

很同意以上兩位家長說去,本人舉的兩個高分例子,
一個是直資名校,另一個是地區名校,
我每次見他們都會問相同問題,你們是用什麼方法讀書
因為他們不是要用很長時間去溫書,連他們父母也這樣說.
而他們答案同樣是上課一定要專心,有自發性學習,
就這樣簡單.
而本人亦無意比較任佝小學,只是說出任何地區的小學學生和名校的學生分別不會有很大差別,
只是可能在自信方面會比讀私校的學生弱
因他們大部份是中下的多,並非富庶家庭可以去見識很多東西.

囝囝爸

原帖由 greendotdot 於 10-3-30 13:47 發表
我唔知有無理解錯誤，係咪話「如果讀梗地區中學名校的學生，必須讀得更辛苦(更加努力，或者付出更多)，才有機會令自己的成績超越傳统名校」呀？

我自己覺得讀書，根本關鍵是學生自身的態度，舉個例：有個小朋友，叫佢背篇短文，大家都認 ...

greendotdot:

這問題我心中已有答案.  不過我個人的推想不重要, 大部份家長所想才算準確.  我是講整體而言, 不是說少數個別學生例子.  

你覺得讀書, 拫本關鍵是學生自身態度, 這點我十分同意.  自身態度和讀書關係, 是否會更努力, 要努力當然要多付出, 付出多是否比對較辛苦.  小朋友如何引發自身態度, 找一間合適子女學校有幫助吧.  在香港談何容易, 當然也有不少家長網上發問, SPCC, DGS,  或較無壓力的蔡繼友, 如何選擇.  你想這些可選擇的家長多為何背境, 當然我亦不難找到一個有選擇成績好的貧下生.  

我覺自身態度也多由良性競爭, 互動互勵, 有目標和應用動力, 追求卓越所致, 但都基於本身一定程度和信心.  好學校就有群合和培養這種環境的較高能力.  傳統名校百年來已佔先機, 地區學校要超越當更努力.

lkma

我相信傳統名校所佔嘅先機己多了，她們大多已利用這先機將自已變成直資，三個banding變五個，令他們原形畢露，相反地區名校紛紛出現，這才值得深思。

囝囝爸

原帖由 lkma 於 10-3-31 10:15 發表
我相信傳統名校所佔嘅先機己多了，她們大多已利用這先機將自已變成直資，三個banding變五個，令他們原形畢露，相反地區名校紛紛出現，這才值得深思。 ...

Ikma:

你要深思的問題, 對我來說是老生常談.  因自第一間傳統名校DBS轉為直資, 在 BK 五六年前已有一專題討論, 也持續經年.  我是反對傳統名校轉直資, 贊成新校直資, 原因說了多年, 不再從談.

地區名校出現, 我也早有預見.  簡單來說就是收費直資名校把部份不願付費或不能付費的好學生留在地區學校去.  如果不是香港經濟近年富裕, 更多家庭能負擔學費, 地區名校會收到更多好學生, 地區名校成績或數量當會更好更多.  網上和市面開放學習資源豐富, 也是在學校以外, 任何學生都可學得更佳原因.

Kanba

自覺學習，如果說是看自己喜歡的書，也無不可。小學初中只要能應付校內考試便可，高中考大學須靠公開試成績，不得不求分數了。

catcatmom

公司男仔中學會考中文科拿A, o甘我當然8吓佢點讀, 我問佢平日點讀中文, 睇 d mud野書, 佢話好少睇書, 一來屋企有mud野買書比佢, 單親無mud$ (又唔去library), 都係睇學校要佢睇既書only. 但係佢話自己比較喜歡中文( 英文就好差吓!)還有佢屋企係說普通話的, 而佢最叻係中作.

而我既年代有d同學係好喜歡睇愛情小說, 但中文成績未因喜歡看書而提高, 不過我d 同學只睇, 沒有樓主個囡囡甘叻, 做埋作家.